Linga 161

Liṅga 161

Language: Sanskrit

161.30 — 1 part

161.1

śailādiruvāca
athavā devamīśānaṃ liṅge sampūjayecchivam
brāhmaṇaḥ śivabhaktaśca śivadhyānaparāyaṇaḥ

161.2

agnirityādinā bhasma gṛhītvā śāgnihotrajam
uddhūlayedvi sarvāṅgamāpādatalamastakam

161.3

ācāmed brahmatīrthena brahmasūtrī hyudaṅmukhaḥ
athonmannaḥ śivāyeti tanuṃ kṛtvātmanaḥ punaḥ

161.4

devañca tena mantreṇa pūjayet praṇavena vā
sarvasmādadhikā pūjā aghoreśasya śūlinaḥ

161.5

sāmānyaṃ yajanaṃ sarvamagnikāryyaṃ ca suvrata !
mantrabhedaḥ prabhostasya aghoradhyānameva ca

161.6

mantraḥ aghorebhyo'tha ghorebhyo ghoraghoratarebhyaḥ
sarvebhyaḥ sarvaśarvebhyo namaste astu rudrarūpebhyaḥ

aghorebhyaḥ praśāntahṛdayāya namaḥ atha ghorebhyaḥ sarvātmabrahmaśirase svāhā ghoraghoratarebhyaḥ jvālāmālinī śikhāyai
vaṣaṭ sarvebhyaḥ sarvaśarvebhyaḥ piṅgalakavacāya huṃ namaste
astu rudrarūpebhyaḥ netratrayāya vaṣaṭ sahasrākṣāya durbhedāya
pāśupatāstrāya huṃ phaṭ
snātvāsya tanuṃ kṛtvā samabhyukṣyāghamarṣaṇam
tarpaṇaṃ vidhinā cārghyaṃ bhānave bhānupūjanam

161.8

samastāghorapūjāyāṃ mantramātreṇa bheditam
mārgaśuddhiṃstathā dvāri pūjāṃ vāstvadhipasya ca

161.6-2

kṛtvā karaṃ viśodhyāgre sa śubhāsanamāsthitaḥ
nāsāgrakamale sthāpya jagdhādhaḥ kṣubhikāgninā

161.10

vāyunā preryya tad bhasma viśodhya ca śubhāmbhasā
śaktyāmṛtamaye brahmakalāṃ tatra prakalpayet

161.11

aghoraṃ pañcadhā kṛtvā pañcāṅgasahitaṃ punaḥ
hratthaṃ jñānakriyāmevaṃ vinyasya ca vidhānataḥ

161.12

nyāsastrinetrasahito hṛdi dhyātvā varāsane
nābhau vahnigataṃ kṛtvā bhrūmadhye dīpavat prabhum

161.13

śāmyā vījānku rānantadharmādyairapi saṃyute
somasūryyāgnisampanne mūrttivayasamanvite

161.14

vāmādibhiśca sahite manonmanyāpyadhiṣṭhite
śivāsane'bja mūrttisthamakṣayākārarūpiṇam

161.15

aṣṭatriṃśat kalādehaṃ citatvasahitaṃ śivam
aṣṭādaśabhujaṃ devaṃ gajacarmottarīyakam

161.16

siṃhājināmbaradharamaghoraṃ parameśvaram
dvātriṃśākṣararūpeṇa dvātriṃśat śaktibhirvvatam

161.17

sarvābharaṇasaṃyuktaṃ sarvvadevanamaskṛtam
kapālamālābharaṇaṃ sarpaṣṭakṣakabhūṣaṇam

161.18

pūrṇenduvadanaṃ saumyaṃ candrakoṭisamaprabham
candrarekhādharaṃ śaktyā sahitaṃ nīlapiṇam

161.18-2

haste khaḍgaṃ kheṭakaṃ pāśameke
datte triśūlāṅkuśaṃ nāgakañcām
śarāsanaṃ pāśupataṃ tathāstvaṃ
daṇḍañca khaṭvāṅgamathāpare ca

161.20

tambīñca ghaṇṭāṃ vipulañca śūlaṃ
tathāpare ḍāmarukañca divyam
vajraṃ gadāṃ ṭaṅkamekañca dīptaṃ
samudgaraṃ hastamathāsya śambhoḥ

161.21

varadābhayahastañca vareṇyaṃ parameśvaram
bhāvayet pūjayeccāpi vahnau homañca kārayet

161.22

homaśca pūrvavat sarvo mantrabhedaśca kīrttitaḥ
aṣṭapuṣpādigandhādipūjāstutinivedanam

161.23

antarvaliśca kuṇḍasya bāhyeyena vidhānataḥ
maṇḍalaṃ vidhinā kṛtvā mantrairetaiairyathākramam

161.24

rudrebhyo mātṛgaṇebhyo yakṣebhyo'surebhyo grahebhyo rākṣasebhyo nāgebhyo nakṣatrebhyo viśvagaṇebhyaḥ kṣetrapālebhyaḥ atha
vāyuvaruṇadigbhāgeṣvatrapālavaliṃ kṣipet
arghyaṃ gandhañca puṣpañca dhūpadīpañca suvratāḥ !
naivedyaṃ mukhavāsādi nivedya vai yathāvidhi

Linked texts (1)

Liṅgapurāṇa — Vyāsa, Sanskrit