Linga 162
Liṅga 162
- Language
- Sanskrit
162.1
saptaviṃśatitamo'dhyāyaḥ
ṛṣaya ūcuḥ
prabhāvo nandinaścaiva liṅgapūjāphalaṃ śrutam
śrutibhiḥ sammitaṃ sarvaṃ romaharṣaṇa suvrata !
162.2
jayābhiṣekamośena kathitaṃ manave purā
hitāya meruśikhare kṣatriyāṇāṃ triśūlinā
162.3
tat kathaṃ ṣoḍaśavidhaṃ mahādānañca śobhanam
vaktumarhasi cāsmākaṃ sūta ! buddhimatāṃ vara !
162.4
sūta uvāca
sauvarṇāhaṃ purā kalpe manuḥ svāyambhuvaḥ prabhuḥ
merumāsādya deveśamastuvannīlalohitam
162.5
tapasā ca vinītāya prahṛṣṭaḥ pradadau bhavaḥ
divyaṃ dattaṃ namognānaste nāpaśyattamavyayam
162.6
natvā sampūjya vidhinā kṛtāñjalipuṭo sthitaḥ
harṣagadgadayā vācā provāca ca nanāma ca
162.7
devadeva ! jagannātha ! namaste bhuvanekhara !
jovacchrāddhaṃ mahādevaprasādena vinirmitam
162.8
pūjitaśca tato devo dṛṣṭaścaiva mayādhunā
śakrāya kathitaṃ pūrvvaṃ dharmakāmārthamokṣadam
162.9
jayābhiṣekaṃ deveśa ! vaktu marhasi me prabho !
sūta uvāca
tasmai devo mahādevo bhagavānīlalohitaḥ
162.10
jayābhiṣekamakhilamavadat parameśvaraḥ
śrībhagavānuvāca
jayābhiṣekaṃ vakṣyāmi nṛpāṇāṃ hitakāmyayā
162.11
apamṛtyujayārthañca sarvvaśatru jayāya ca
yuddhakāle tu samprāpte kṛtvaivamabhiṣecanam
162.12
svapatiñcābhiṣicyaiva gacchedvyoddhuṃ raṇājire
vidhinā maṇḍapaṃ kṛtvā prapāṃ vā kūṭameva vā
162.13
navadhā sthāpayedvahniṃ brāhmaṇo vedapāragaḥ
tataḥ sarvvābhiṣekārthaṃ sūtrapātañca kārayet
162.14
prāgādyaṃ varṇasūtrañca dakṣiṇādyaṃ tathā punaḥ
sahastrāṇāṃ dvayantatra śatānāñca catuṣṭayam
162.15
śeṣamiva śubhaṃ koṣṭhaṃ teṣu koṣṭhantu saṃharet
bāhye vothyāṃ padañcaikaṃ samantādupasaṃharet
162.16
aṅgasūtrāṇi saṃgṛhya vidhinā pūrvvageva tu
prāgāya' vardhasūtrañca dakṣiṇāgra' tathā punaḥ
162.17
prāgādya' dakṣiṇādyañca ṣaṭ triṃśat saṃharet kramāt
prāgādyāḥ paṃktayaḥ sapta dakṣiṇāṃśāṃstathā punaḥ
162.18
tasmādekonapañcāśat paṃktayaḥ parikīrttitāḥ
navapaṃtīrharenmadhye gandhagomayavāriṇā
162.16-2
kamalañcālikhettatra hastamātreṇa śobhanam
aṣṭapatra' sita' vṛttaṃ karṇikā kesarānvitam
162.20
aṣṭāṅgulapramāṇeṇa karṇikā hemasaṃnibhā
caturaṅgulamānena kesarasthānamucyate
162.21
dharmo jñānañca vairāgyamaiśvaryyañca yathākramam
āgneyādiṣu koṇeṣu sthāpayet praṇavena tu
162.22
avyaktādīni vai dikṣu gātrākāreṇa vai nyaset
avyakta niyataḥ kālaḥ kālo ceti catuṣṭayam
162.23
sitaraktahiraṇyābha kṛṣṇā dharmādayaḥ kramāt
haṃsākāreṇa vai gātra' hemābhāsena suvratāḥ !
162.24
ādhāraśaktimadhye tu kamalaṃ sṛṣṭikāraṇam
vindumātra' kalāmadhye nādākāramataḥ param
162.25
nādopari śiva' dhyāyedoṅkārākhya' jagad gurum
manonmanīñca padmābhaṃ mahādevañca bhāvayet
Linked texts (1)
- Liṅgapurāṇa — Vyāsa, Sanskrit