Pramāṇa · Search · About · API

Linga 166

Liṅga 166

Language
Sanskrit

Contents

166.1

triṃśattamo'dhyāyaḥ
sanat kumāra uvāca
adhunā sampravakṣyāmi tilaparvatamuttamam
pūrvoktasnānakāle tu kṛtvā sampūjya yatnataḥ

166.2

susame bhūtale ramye vedinā ca vivarjite
daśatālapramāṇena daṇḍaṃ saṃsthāpya vai mune !

166.3

adbhiḥ samprokṣya paścāddhi tilāṃstasmin viniccipet
pañcagavyena taṃ deśaṃ prokṣayed brāhmaṇottamaḥ

166.4

maṇḍalaṃ kalpayedvidvān pūrvavat susamantataḥ
navavastraiśca saṃsthāpya ramyapuṣpairvikauryyaṃ ca

166.5

tasmin sañcayanaṃ kāryyaṃ tilabhārairviśeṣataḥ
daṇḍaprādeyamutsedhamuttamaṃ parikīrttitam

166.6

caturaṅgulahīnantu madhyamaṃ munipuṅgavāḥ !
daṇḍatulyaṃ kaniṣṭhaṃ syādṛddhahīnaṃ na kārayet

166.7

veṣṭayitvā navairvastraiḥ paritaḥ pūjayet kramāt
sadyādīni pravindyasya pūjayedvidhipūrvakam

166.8

aṣṭadikṣu ca karttavyā pūrvoktā mūrttayaḥ kramāt
triniṣkeṇa suvarṇena pratyekaṃ kārayet kramāt

166.9

dakṣiṇā vidhinā kāryyā tulābhāravadeva tu
homaśca pūrvavat prokto yathāvan munisattamāḥ !

166.10

arccayeddevadeveśaṃ lokapālasamāvṛtam
tilaparvvatamadhyasthaṃ tilaparvvatarūpiṇam

166.11

śivārśvanā ca karttavyā sahasrakalaśādibhiḥ
darśayettilamadhyasthaṃ devadevamumāpatim

166.12

pūjayitvā vidhānena krameṇa ca visarjayet
śrotriyāya daridrāya dāpayettilaparvvatam

166.13

evaṃ tilanagaḥ proktaḥ sarvvasmādadhikaḥ paraḥ

166.13.p1

iti mahāpurāṇe śrīlaiṅge tilaparvvatadānaṃ nāma triṃśo'dhyāyaḥ || 30

Linked texts (6)