Linga 169

Liṅga 169

sanatkumāra uvāca
athānyat sampravakṣyāmi kalpapādapamuttamam
śataniṣkeṇa kṛtvaiva sarvaśākhāsamanvitam

śākhānāṃ vividhaṃ kṛtvā muktādāmādyalambanam
divyairmārakateścaiva cāṅkurāya pravinvaset

pravālaṃ kārayedvidvān pravāleina drumasya tu
phalāni padmarāgaiśca parito'sya suśobhayet

mūlañca nīlaratnena vane ca skandhamuttamam
vaidūryeṇa drumāgrañca puṣparāgeṇa mastakam

gomedakena vai kandaṃ sūryyakāntena suvrata !
candrakānte na vā vediṃ drumasya sphaṭikena vā

vitastimātramāyāmaṃ vṛkṣasya parikīrttitam
śākhāṣṭakasya mānañca vistāraṣoḍaśaṃ tathā

tanmūle sthāpayelliṅgaṃ lokapālaiḥ samāhṛtam
pūrvoktavedimadhye tu maṇḍale sthāpya pādapam

pūjayeddevamīśānaṃ lokapālāṃśca yatnataḥ
pūrvvavajjapahomādyaṃ tulābhāravadācaret

nivedayed drumaṃ śambhoryogināṃ vāthavā nṛpa !
bhaktāṅgibhyo'tha vā rājā sārvvabhaumo bhaviṣyati

iti ādi mahāpurāṇe śrīlaiṅge uttarārddhe trayastriṃśattamo'dhyāyaḥ || 33

Linked texts (5)