Linga 172
Liṅga 172
- Language
- Sanskrit
172.1
sanatkumāra uvāca
lakṣmīdānaṃ pravakṣyāmi mahadaiśvaryya vaddhe nama
pūrvoktamaṇḍape kāryya' vedikopari maṇḍale
172.2
śrīdevīmatulāṃ kṛtvā hiraṇyena yathāvidhi
sahasreṇa tadarddhena tadarddhārddhena vā punaḥ
172.3
aṣṭottaraśatenāpi sarvalakṣaṇasaṃyutām
maṇḍale vinyasellakṣmīṃ sarvālaṅkārasaṃyutām
172.4
tasyāstu dakṣiṇe bhāge sthaṇḍile viṣṇumarcayet
arcayitvā vidhānena śrīsūktena sureśvarīm
172.5
arcayedviṣṇu gāyatryā viṣṇuṃ viśvaguruṃ harim
ārādhya vidhinā devīṃ pūrvavaddhomamācaret
172.6
samidgulvāṃ vidhānena ājyāhutimathācaret
pṛthagaṣṭottaraśataṃ homayed brāhmaṇottamaiḥ
172.7
āhūya yajamānastu tasyāḥ pūrvvadiśi sthale
tasmai tāṃ darśayeddevīṃ daṇḍavat praṇamet kṣitau
172.8
praṇamya viṣṇuṃ tatrasthaṃ śivaṃ pūrvvavadarccayet
tasyā viṃśatibhāgantu dakṣiṇā parikīrttitā
172.9
tadarddhāśantu dātavyamitareṣāṃ yathārhataḥ
tatastu homayecchambhuṃ bhakto yogī viśeṣataḥ
Linked texts (1)
- Liṅgapurāṇa — Vyāsa, Sanskrit