Linga 173

Liṅga 173

saptaviṃśattamo'dhyāyaḥ
sanatkumāra uvāca
agrātaḥ sampravakṣyāmi tiladhenuvidhikramam
pūrvoktamaṇḍape kuryyācchivapūjāntu paścime

tasyāgre madhyato bhūmau padmamālikhya śobhanam
vastrairācchāditaṃ padma tanmadhye vinyasecchubham

tilapuṣpantu kṛtvāya hemapadmaṃ vinikṣipet
triṃśanniṣkeṇa karttavyaṃ tadaddharddhena vā punaḥ

pañcaniṣkeṇa karttavyaṃ tadarddhena vā punaḥ
tamārādhya vidhānena gandhapuṣpādibhiḥ kramāt

padmasyottaradigbhāge viprānekādaśān nyaset
tānabhyarcya vidhānena gandhapuṣpādibhiḥ kramāt

ācchādanottarāsaṅga viprabhyo dāpayet kramāt
uṣṇīṣañca pradātavyaṃ kuṇḍale ca vibhūṣite

hemāṅgulīyakaṃ dattvā brāhmaṇebhyo vidhānataḥ
ekādaśāni vastrāṇi teṣāmagre prakīryya ca

teṣu vastreṣu nikṣipya tilādyāni pṛthak pṛthak
kāṃsyapātraṃ ghṛtapannaṃ vibhidyaikādaśāṃśakam

ikṣudaṇḍañca dātavyaṃ brāhmaṇebhyo viśeṣataḥ
gośṛṅge tu hiraṇyena dviniṣkeṇa tu kārayet

rajatena tu karttavyāḥ khurā niṣkadvayena tu
evaṃ pṛthak pṛthak dattvā tattileṣu vinikṣipet

rudraikādaśamantraistu rudrebhyo dāpayetsadā
padmasya pūrvadigbhāge viprān dvādaśa pūjitān

etenaiva tu mārgeṇa teṣu śraddhāsamanvitaḥ
dvādaśādityamantraiśca dāpayedevameva ca

pūrvavaddakṣiṇe bhāge viprān ṣoḍaśa saṃsthitān
mūrtti vighneśamantraiśca dāpayet pūrvavat punaḥ

yajamānena karttavyaṃ sarvametad yathākramam
kevalaṃ rudradānaṃ vā ādityebhyo'thavā punaḥ

mūrttyādīnāñca vā deyaṃ yathāvibhavavistaram
padmaṃ vinyasya rājāsau śeṣaṃ vā kārayen nṛpaḥ

dakṣiṇā ca pradātavyā pañcaniṣke ṇa bhūṣaṇam

iti śrīlaiṅge uttarārddhe tiladhenudānaṃ nāma saptatriṃśattamo'dhyāyaḥ || 37

Linked texts (6)