Linga 174
Liṅga 174
- Language
- Sanskrit
Contents
- 174.6-2 — 1 part
174.1
sanatkumāra uvāca
gosahasrapradānañca vadāmi śṛṇu suvrata !
gavāṃ sahasramādāya savatsaṃ saguṇaṃ śubham
174.2
tāstvabhyarcya yathāśāstramagnau samyak prayatnataḥ
tāsāṃ śṛṅgāṇi hemātha pratiniṣkeṇa bandhayet
174.3
khurāṃśca rajatenaiva bandhayet kaṇṭhadeśataḥ
pratiniṣkeṇa karttavyaṃ karṇe vastrañca śobhanam
174.4
śivāya dadyād viprebhyo dakṣiṇāñca pṛthak pṛthak
daśaniṣkaṃ tadarddhaṃ vā tasyārddhārddhamathāpi vā
174.5
yathāvibhavavistāraṃ niṣkamātramathāpi vā
vastrayugmañca dātavyaṃ pṛthagvipraṣu śobhanam
174.6
gāvaścārādhya yatnena dātavyāḥ sumanoramāḥ
evaṃ dattvā vidhānena śivamabhyarcya śaṅkaram
174.7
japedagre yathānyāyaṃ gavāṃ stavamanuttamam
gāvo mamāgrato nityaṃ gāvo maḥ pṛṣṭhatastathā
174.8
hṛdaye me sadā gāvo gavāṃ madhye vasāmyaham
iti kṛtvā dvijāgrebhyo dattvā gatvā pradakṣiṇam
174.6-2
tadromavarṣasaṃkhyāni svargaloke mahīyate
174.6-2.p1
iti mahāpurāṇe śrīlaiṅge uttarārddhe gosahasrapradānaṃ nāmāṣṭatriṃśattamo'dhyāyaḥ || 38
Linked texts (1)
- Liṅgapurāṇa — Vyāsa, Sanskrit