Linga 175
Liṅga 175
- Language
- Sanskrit
Contents
- 175.9 — 1 part
175.1
sanatkumāra uvāca
hiraṇyāśvapradānañca vadāmi vijayāvaham
aśvamedhāt punaḥ śreṣṭhaṃ vadāmi śṛṇu suvrata !
175.2
aṣṭottarasahasreṇa aṣṭottaraśatena vā
kṛtvāśvaṃ lakṣaṇairyuktaṃ sarvālaṅkārasaṃyutam
175.3
pañcakalyāṇasampannaṃ divyākārantu kārayet
sarvalakṣaṇasaṃyuktaṃ sarvāṅgeṇa samanvitam
175.4
sarvāyudhasamopetamindravāhanamuttamam
tanmadhyadeśe saṃsthāpya turaṅgaṃ svaguṇānvitam
175.5
uccaiḥśravasakaṃ matvā bhaktyā caiva samarcayet
tasya pūrvvadigā bhāge brāhmaṇaṃ vedapāragam
175.6
surendrabuddhyā sampūjya pañcaniṣkaṃ pradāpayet
tamaśvaṃ śivabhaktāya dātavyaṃ vidhinaiva tu
175.7
suvarṇāśvaṃ pradattvā tu ācāryyamapi pūjayet
yathāvibhavavistāraṃ pañcaniṣkamathāpi vā
175.8
dīnāndhakṛpaṇānātha bālavṛddhakṛśāturān
toṣayedannadānena brāhmaṇāṃśca viśeṣataḥ
175.9
etad yaḥ kurute bhaktyā dānamaśvasya mānavaḥ
aindrān bhogāṃściraṃ bhuktvā rudhiraiśvaryyavān bhavet
175.9.p1
iti mahāpurāṇe śrīlaiṅge uttarārddhe hiraṇyāśvadānaṃ nāmaikonacatvāriṃśattamo'dhyāyaḥ || 39
Linked texts (3)
- Liṅgapurāṇa — Vyāsa, Sanskrit
- Kāmikāgama — Sanskrit
- Kāmikatantra — Sanskrit