Linga 18
Liṅga 18
- Language
- Sanskrit
Contents
- 18.32 — 1 part
18.1
sūta uvāca
tatastasmin gate kalpe kṛṣṇavarṇe bhayānake
tuṣṭāva devadeveśaṃ brahmā taṃ brahmarūpiṇam
18.2
anugṛhṇāstatastuṣṭo brahmāṇamavadaddharaḥ
anenaiva tu rūpeṇa saṃharāmi na saṃśayaḥ
18.3
brahmahatyādikān ghorāṃstathānyānapi pātakān
honāṃścaiva mahābhāga ! tathaiva vividhānyapi
18.4
upapātakamatyevaṃ tathā pāpāni suvrata !
mānasāni sutīkṣṇāni vācikāni pitāmaha !
18.5
kāyikāni sumiśrāṇi tathā prāsaṅgikāni ca
buddhipūrvaṃ kṛtāñcaiva sahajāgantu kāni ca
18.6
mātṛdehotthitānyevaṃ pitṛdehe ca pātakam
saṃhāmi na sandehaḥ sarvaṃ pātakajaṃ vibho !
18.7
lakṣaṃ japtā hyaghorebhyo brahmahā mucyate prabho !
tadarddhaṃ vācike vatsa ! tadarddhaṃ mānase punaḥ
18.8
caturgu ṇaṃ buddhipūrve krodhādaṣṭaguṇaṃ smṛ tam
vīrahā lakṣamātre ṇa bhrūṇahā koṭimabhyaset
18.6-2
mātṛhā niyutaṃ japtā śuddhyate nātra saṃśayaḥ
goghnaścai va kṛtaghnaśca strīghnaḥ pāpayuto naraḥ
18.10
ayutāghoramabhyasya mucyate nātra saṃśayaḥ
surāpo lakṣamātre ṇa budvā buddhyāpi vai prabho !
18.11
mucyate nātra sandehastadarddhena ca vāruṇīm
asnātāśī sahastre ṇa ajapo ca tathā dvijaḥ
18.12
ahutāśī sahastre ṇa adātāra ca viśuddhyati
brāhmaṇasvāpaharttā ca svarṇasteyo narādhamaḥ
18.13
niyutaṃ mānasaṃ japtā mucyate nātra saṃśayaḥ
gurutalpagto vāpi mātṛghno vā narādhamaḥ
18.14
brahmaghnaśca japedevaṃ mānasaṃ vai pitāmaha !
samparkāt pāpināṃ pāpaṃ tatsamaṃ paribhāṣitam
18.15
tathāpyayutamātre ṇa pātakādvai pramucyate
saṃsargāt pātakī lakṣaṃ japedvai mānasaṃ dhiyā
18.16
upāṃśu yaccaturdhā vai vācikañcāṣṭadhā japet
pātakārddhameva syādupapātakināṃ smṛtam
18.17
tadarddhaṃ kevala pāpā nātra kāryā vicāraṇā
brahmahatyā surāpānaṃ suvarṇasteyameva ca
18.18
kṛtvā ca gurutalpañca pāpakṛd brāhmaṇo yadi
grāhyaṃ tu rudragāyatryā gomūtraṃ kāpilaṃ dvijāḥ !
18.18-2
gandhadvāreti tasyā vai gomayaṃ khasthamāharet
tejo'si śukramityājyaṃ kāpilaṃ saṃhared budhaḥ
18.20
āpyāyasveti ca kṣīraṃ dadhikrāvṇe'ti cāharet
gavyaṃ dadhi navaṃ sākṣāt kāpilaṃ vai pitāmaha !
18.21
devasyatveti mantreṇa saṃgṛhṇīhet kuśodakam
ekasthaṃ hemapātre vā kṛtvā ghoreṇa rājate
18.22
tāmre vā padmapatre vā pālāśe vā dale śubhe
sakūrcaṃ sarvaratnāḍhyaṃ kṣiptā tatraiva kāñcanam
18.23
japellakṣamaghorākhyaṃ hutvā caiva ghṛtādibhiḥ
ghṛtena caruṇā caiva samidbhistathā
18.24
yavaiśca vrīhibhiścaiva juhuyādvai pṛthak pṛthak
pratyekaṃ saptavārantu dravyālābhe ghṛtena tu
18.25
hutvāghoreṇa deveśaṃ snātvāghoreṇa vai dvijāḥ !
aṣṭadroṇaghṛtenaiva snāpya paścādviśodhya ca
18.26
ahorātroṣitaḥ snātaḥ pivet kūrcaṃ śivāyataḥ
brāhmaṃ brahmajapaṃ kuryādācamya ca yathāvidhi
18.27
evaṃ kṛtvā kṛtaghno'pi brahmahā bhrūṇahā tathā
vīrahā gurughātī ca mitraviśvāsaghātakaḥ
18.28
steyī suvarṇasteyī ca gurutalpalapalpataḥ sadā
madyapo vṛṣalīsaktaḥ paradāravidharṣakaḥ
18.28-2
brahmasvahā tathā goghno mātṛhā pitṛhā tathā
devapracyāvakaścaiva liṅgapradhvaṃsakastathā
18.30
tathānyāni ca pāpāni mānasāni dvijo yadi
vācikāni tathānyāni kāyikāni sahasraśaḥ
18.31
kṛtvā vimucyate sadyo janmāntaraśatairapi
etadrahasyaṃ kathitamaghoreśaprasaṅgataḥ
18.32
tasmājjaped dvijo nityaṃ sarvapāpaviśuddhaye
18.32.p1
ityādi mahāpurāṇe śrīlaiṅge aghoreśamāhātmyaṃ nāma pañcadaśo'dhyāyaḥ || 15
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit