Linga 181
Liṅga 181
- Language
- Sanskrit
181.1
paṃcacatvāriṃśattamo'dhyāyaḥ
ṛṣaya ūcuḥ
evaṃ ṣoḍaśadānāni kathitāni śubhāni ca
jīvacchrāddhakramo'smākaṃ vaktumarhasi sāmpratam
181.2
sūta uvāca
jīvacchāddhavidhiṃ vakṣye samāsāt sarvvasammatam
manave devadevena kathitaṃ brahmaṇā purā
181.3
vasiṣṭhāya ca śiṣyāya bhṛgave bhārgavāya ca
śṛṇvantu sarvvabhāvena sarvvasiddhikaraṃ param
181.4
śrāddhamārgakramaṃ sākṣāt śrāddhārhāṇāmapi kramam
viśeṣamapi vakṣyāmi jīvacchāddhasya suvratāḥ !
181.5
parvvate vā nadītīre vane vāya̍tane'pi vā
jīvacchāddhaṃ prakarttavyaṃ mṛtakāle prayatnataḥ
181.6
jīvacchāddhe kṛte jīvo jīvanneva vimucyate
karma kurvvannakurvvan vā jñāno vā jñānavānapi
181.7
śrotriyo 'śrotriyo vāpi brāhmaṇaḥ kṣatriyo'pi vā
vaiśyo vā nātra sandeho yogamārgagato yathā
181.8
parīkṣya bhūmiṃ vidhivad gandhavarṇarasādibhiḥ
śalyamuddhṛtya yatnena sthaṇḍilaṃ saikataṃ bhuvi
181.8-2
madhyato hastamātreṇa kuṇḍañcaivāyataṃ śubham
sthaṇḍilaṃ vā prakarttavyamiṣumātraṃ punaḥ punaḥ
181.10
upalipya vidhānena cālipyāgniṃ vidhāya ca
anvādhāya yathāśāstraṃ parigṛhya ca sarvvataḥ
181.11
paristīryya svaśākhoktaṃ pāramparyyakramāgatam
samāpyāgnisukhaṃ sarvvai sambharairttaryathākramam
181.12
sampūjya sthaṇḍile vahnau homayet samidādibhiḥ
ādau kṛtvā samiddhomaṃ carūṇā ca pṛthak pṛthak
181.13
ghṛtena ca pṛthak pātre śodhitena pṛthak pṛthak
juhuyādātmanoṣṭetya tattvabhūtāni sarvataḥ
181.14
oṃ bhūḥ brahmaṇe namaḥ
181.15
oṃ bhūḥ brahmaṇe svāhā
181.16
oṃ bhuvaḥ viṣṇave namaḥ
181.17
oṃ bhuvaḥ viṣṇave svāhā
181.18
oṃ svaḥ rudrāya namaḥ
181.19
oṃ svaḥ rudrāya svāhā
181.20
oṃ mahaḥ īśvarāya namaḥ
181.21
oṃ mahaḥ īśvarāya svāhā
181.22
oṃ janaḥ prakṛtaye namaḥ
181.23
oṃ janaḥ prakṛtyai svāhā
181.24
oṃ tapaḥ muṅgalāya namaḥ
181.25
oṃ tapaḥ muṅgalāya svāhā
181.26
oṃ ṛtaṃ puruṣāya namaḥ
181.27
oṃ ṛtaṃ puruṣāya svāhā
181.28
oṃ satyaṃ śivāya namaḥ
181.29
oṃ satyaṃ śivāya svāhā
181.30
oṃ śarvadharāṃ me gopāya ghrāṇe
gandhaṃ śarvāya devāya bhūrnamaḥ
181.31
oṃ śarvadharāṃ me gopāya ghrāṇe
gandhaṃ śarvāya bhūḥ svāhā
181.32
śarvadharāṃ me gopāya ghrāṇe
gandha' śarvasya devasya patnau bhūrnamaḥ
181.33
om̐ śarvvadharāṃ me gopāya ghrāṇe
gandhaṃ śarvvapatnyai bhūḥ svāhā
181.34
om̐ bhava jalaṃ me gopāya jihvāyāṃ
rasambhāvāya devāya bhuvo namaḥ
181.35
om̐ bhava jalaṃ me gopāya jihvāyāṃ
rasambhāvāya devāya bhuvaḥ svāhā
181.36
om̐ bhava jalaṃ me gopāya jihvāyāṃ
rasambhāvasya devasya patnyai bhuvo namaḥ
181.37
om̐ bhava jalaṃ me gopāya jihvāyāṃ
rasambhāvasya patnyai bhuvaḥ svāhā
181.38
rudrāgniṃ me gopāya netre rūpaṃ
rudrāya devāya svarom̐ namaḥ
181.38-2
rudrāgniṃ me gopāya netre rūpaṃ
rudrāya devāya svaḥ svāhā
181.40
rudrāgniṃ me gopāya netre rūpaṃ
rudrasya patnyai svarom̐ namaḥ
181.41
rudrāgniṃ me gopāya netre rūpaṃ
rudrasya devasya patnyai svaḥ svāhā
181.42
om ugravāyuṃ me gopāya tvaci sparśam
ugrāya devāya maharnamaḥ
181.43
ugravāyuṃ me gopāya tvaci sparśam
ugrāya devāya mahaḥ svāhā
181.44
ugravāyuṃ me gopāya tvaci sparśam
ugrasya devasya patnyai maharom̐ namaḥ
181.45
śro' ugravāyu' me gopāya tvaci sparśam
ugrasya devasya patnāai mahaḥ svāhā
181.46
bhaumasuṣira' me gopāya śrotre
śabdaṃ bhaumāya devāya jano namaḥ
181.47
bhaumasuṣira' me gopāya śrotre
śabda' bhaumāya devāya janaḥ svāhā
181.48
bhaumasuṣira' me gopāya śrotre śabda'
bhaumasya devasya patnāai jano namaḥ
181.49
bhaumasuṣira' me gopāya śrotre śabdaṃ
bhaumasya devasya patnāai janaḥ svāhā
181.50
īśvarajo me gopāya dravye tṛṣṇām
īśāya devāya tapo namaḥ
181.51
īśvarajo me gopāya dravye tṛṣṇāmīśāya devāya tapaḥ svāhā
181.52
īśvarajo me gopāya dravye tṛṣṇāmīśasya patnāai tapo namaḥ
181.53
īśvarajo me gopāya dravye tṛṣṇāmīśasya patnāai tapaḥ svāhā
181.54
mahādeva ! satyaṃ me gopāya śraddhāṃ
dharme mahādevāya ṛtaṃ namaḥ
181.55
mahādeva ! satyaṃ me gopāya śraddhāṃ
dharme mahādevāya ṛtaṃ svāhā
181.56
mahādeva ! satyaṃ me gopāya śraddhāṃ
dharme mahādevasya patnāai ṛtaṃ namaḥ
181.57
mahādeva ! satyaṃ me gopāya śraddhāṃ
dharme mahādevasya patnyai ṛtaṃ svāhā
181.58
paśupate pāśaṃ me gopāya bhoktṛtvabhogyaṃ paśupataye devāya satyaṃ namaḥ
181.56-2
paśupate ! pāśaṃ me gopāya bhoktṛtvabhogyaṃ paśupataye devasya satyaṃ svāhā
181.60
om̐ paśupate ! pāśaṃ me gopāya bhoktṛtvabhogyaṃ paśupaterdevasya patnyai satyaṃ namaḥ
181.61
om̐ paśupate ! pāśaṃ me gopāya bhoktṛtvabhogyaṃ paśupaterdevasya patnyai satyaṃ svāhā
181.62
om̐ śivāya namaḥ
181.63
om̐ śivāya satyaṃ svāhā
181.64
evaṃ śivāya hotavyaṃ viriñcādyañca pūrvvavat
viriñcādyañca pūrvvasṛṣṭimārgeṣu suvratāḥ !
181.65
punaḥ paśupateḥ patnīṃ tathā paśupatiṃ kramāt
sampūjya pūrvvamantrai rhotavyañca krameṇa vai
181.66
carvvannamājyapūrvvañca samidhāntaṃ samāhitaḥ
181.67
om̐ śavaṃdharāṃ me chindhi ghrāṇe gandhaṃ
chindhi medya jahi bhūḥ svāhā
181.68
bhuvaḥ svāhā
181.66-2
svaḥ svāhā
181.70
bhūrbhuvaḥ svaḥ svāhā
181.60-2
evaṃ pṛthak pṛthak hutvā kevalena ghṛtena vā
sahasraṃ vā tadarddhaṃ vā śatamaṣṭottaraṃ tu vā
181.72
virajā ca ghṛtenaiva śatamaṣṭottaraṃ pṛthak
prāṇādibhiśca juhuyād ghṛtenaiva tu kevalam
181.73
o ṃ prāṇe niviṣṭo'mṛtaṃ juhomi śivo
mā viśā pradāhāya prāṇāya svāhā
181.74
prāṇādhipataye rudrāya vṛṣātmakāya svāhā
181.75
o ṃ bhūḥ svāhā
181.76
o ṃ bhuvaḥ svāhā
181.77
svaḥ svāhā
181.78
bhūrbhuvaḥ svaḥ svāhā
181.76-2
evaṃ krameṇa juhuyācchāṅkhoktañca yathākramam
saptame'hani yogīndrān brāhmaṇānapi bhojayet
181.80
śarvādīnāñca viprāṇāṃ vastrābharaṇakambalān
vāhanaṃ śayanaṃ yānaṃ kāṃsyatāmrādibhājanam
181.81
haimañca rājataṃ dhenuṃ tilān kṣetrañca vaibhavam
dāsīdāsagaṇāṃścaiva dātavyaṃ dakṣiṇāmapi
181.82
piṇḍañca pūrvvavaddadyāt pṛthagaṣṭaprakārataḥ
brāhmaṇānāṃ sahasrañca bhojayecca sadakṣiṇam
181.83
ekaṃ vā yoganirataṃ bhasmaniṣṭhaṃ jitendriyam
brāhmahyeva tu rudrasya mahāpātakavedanam
181.84
viśeṣa eva kathitaḥ śeṣamatrāvacoditaḥ
mṛte kuryyānna kuryyādvā jīvanmukto yataḥ svayam
181.85
nityanaimittikādīni kuryyādvā saṃtyajettu vā
bāndhave'pi mṛte tasya śaucāśaucaṃ na vidyate
181.86
sūtakasya na sandehaḥ snānamātre ca śuddhyati
paścājjāte kumāre ca sve cete cājano yadi
181.87
tasya sarvvaṃ prakarttavyaṃ putro'pi brahmavid bhavet
kanyakā yadi saṃjātā paścāttasya mahātmanaḥ
181.88
ekaparṇā dṛśā cātha aparṇā iva suvratāḥ !
bhavatyeva na sandehastasyāpyāvyayanā dapi
181.89
mucyante nātra sandehaḥ pitaro narakādapi
mucyate karmaṇānena mātutaḥ pitṛtastathā
181.90
kālaṃ gate dvije bhūmau khanedvāpi dahettu vā
putrakṛtyamaśeṣañca kṛtvā doṣo na vidyate
181.91
karmaṇā cottareṇaiva gatirasya na vidyate
brahmaṇā kathitaṃ sarvvaṃ munīnāṃ bhāvitātmanām
181.92
punaḥ sanatkumārāya kathitaṃ tena dhīmatā
kṛṣṇadvaipāyanāyaiva kathitaṃ brahmasūnunā
181.93
prasādāttasya devasya vedavyāsasya dhīmataḥ
jñātaṃ mayā kṛtañcaiva niyogādeva tasya tu
181.94
etadvaḥ kathitaṃ sarvvaṃ rahasyaṃ brahmasiddhidam
muniputrāya dātavyaṃ na cānyasyāya suvratāḥ !
Linked texts (2)
- Liṅgapurāṇa — Vyāsa, Sanskrit
- Dānamayūkha — Nīlakaṇṭha Dīkṣita 1600, Sanskrit