Linga 182
Liṅga 182
- Language
- Sanskrit
Contents
- 182.21 — 1 part
182.1
ṣaṭcatvāriṃśattamo'dhyāyaḥ
ṛṣaya ūcuḥ
jīvacchrāddhavidhiḥ proktastvayā sūta ! mahāmate !
mūrkhāṇāmapi mokṣārthamasmākaṃ romaharṣaṇa !
182.2
rudrādityavasūnāñca śakrādīnāñca suvrata !
pratiṣṭhā kīdṛśī śambhorliṅgamūrtteśca śobhanā
182.3
viṣṇoḥ śakrasya devasya brahmaṇaśca mahātmanaḥ
agneryamasya nirṛtervaruṇasya mahādyuteḥ
182.4
vāyoḥ somasya yakṣasya kuverasyāmitātmanaḥ
īśānasya dharāyāśca śrīpratiṣṭhātha vā katham
182.5
durgā śivā pratiṣṭhā ca haimavatyāśca śobhanā
skandasya gaṇarājasya nandinaśca viśeṣataḥ
182.6
tathānyeṣāmca devānāṃ gaṇānāmapi vā punaḥ
pratiṣṭhālakṣaṇaṃ sarvvaṃ vistarādvakta marhasi
182.7
bhavān sarvvārthatattvajño rudrabhaktaśca suvrata !
kṛṣṇadvaipāyanasyāsi sākṣāttvamaparā tanuḥ
182.8
sumantujaiminiścaiva pailaśca paramarṣayaḥ
gurubhaktiṃ tathā karttuṃ samartho romaharṣaṇaḥ
182.8-2
iti vyāsasya vipulā gāthā bhāgīrathīṃtaṭe
ekaḥ samo vā bhinno vā śiṣyastasya mahādyuteḥ
182.10
vaiśampāyanatulyo'si vyāsaśiṣyeṣu bhūtale
tasmādasmākamakhilaṃ vaktumarhasi sāmpratam
182.11
evamuktā sthiteṣveva teṣu sarveṣu tatra ca
babhūva vismayo'tīva munīnāṃ tasya cāgrataḥ
182.12
athāntarikṣe vipulā sācyāhe vo sarasvatī
alaṃ munīnāṃ prano'yamiti vācā babhūva ha
182.13
sarvaṃ liṅgamayaṃ lokaṃ sarvaṃ liṅge pratiṣṭhitam
tasmāt sarvaṃ parityajya sthāpayet pūjayecca tat
182.14
liṅgasthāpanasanmārganihitasvāyatāsinā
āśu brahmāṇḍamudbhidya nirgacchedviśaṅkayā
182.15
upendrābhbhojagarbhendrayamāmbu dhanadeśvarāḥ
tathānye ca śivaṃ sthāpya liṅgamūrttiṃ maheśvaram
182.16
kheṣu kheṣu ca pakṣeṣu pradhānāste yathā dvijāḥ
brahmā haraśca bhagavān viṣṇurdevī ramā dharā
182.17
lakṣmīrdhṛtiḥ smṛtiḥ prajñā dharaṇī durgā śacī tathā
rudrāśca vasavaḥ skando viśākhaḥ śākha eva ca
182.18
naigameśaśca bhagavān lokapālā grahāstathā
sarve nandipurogāśca gaṇā gaṇapatiḥ prabhuḥ
182.18-2
pitaro munayaḥ sarve kuberādyāśca suprabhāḥ
ādityā vasavaḥ sāṃkhyā aśvinau ca bhiṣagvarau
182.20
viśve devāśca sādhyāśca pannavaḥ pakṣiṇo mṛgāḥ
brahmādisthāvarāntaśca sarvaṃ liṅge pratiṣṭhitam
182.21
tasmāt sarvaṃ parityajya sthāpayelliṅgamavyaya m
yatnena sthāpitaṃ sarvaṃ pūjitaṃ pūjayed yadi
182.21.p1
iti mahāpurāṇe śrīlaiṅge uttarārddhe ṣaṭcatvāriṃśattamo'dhyāyaḥ || 43
Linked texts (3)
- Liṅgapurāṇa — Vyāsa, Sanskrit
- Prāṇatoṣiṇī — Rāmatoṣaṇa Śarman 1796, Sanskrit
- Śaivasarvasvasāra — Vidyāpati, Sanskrit