Linga 184
Liṅga 184
- Language
- Sanskrit
Contents
- 184.50 — 1 part
184.1
sūta uvāca
sarveṣāmapi devānāṃ pratiṣṭhāmapi vistarāt
svaimantrairyāgakuṇḍāni vinyasyaikaikameva ca
184.2
sthāpayedutsavaṃ kṛtvā pūjayecca vidhānataḥ
bhānoḥ pañcāgninā kāryyaṃ dvādaśāgnikrameṇa vā
184.3
sarvvakuṇḍāni vṛttāni padmākārāṇi suvratāḥ !
ambāyā yonikuṇḍaṃ syāddharmyai kā vidhīyate
184.4
śaktīnāṃ sarvvakāryeṣu yonikuṇḍaṃ vidhīyate
gāyatrīṃ kalpayecchambhoḥ sarveṣāmapi yatnataḥ
sarve rudrāṃśajā yasmāt saṃkṣepeṇa vadāmi vaḥ
184.5
gāyatrībhedāḥ tat puruṣāya vidmahe
vāgviśuddhāya dhīmahi tannaḥ śivaḥ pracodayāt
184.6
gaṇāmbikāyai vidmahe karmasiddhayai ca dhīmahi
tanno gaurī pracodayāt
184.7
tatpuruṣāya vidmahe mahādevāya dhīmahi
tanno rudraḥ pracodayāt
184.8
tatpuruṣāya vidmahe vakratuṇḍāya dhīmahi
tanno dantiḥ pracodayāt
184.6-2
mahāsaināya vidmahe vāgviśuddhāya dhīmahi
tannaḥ skandaḥ pracodayāt
184.10
tīkṣṇaśṛṅgāya vidmahe vedapādāya dhīmahi
tanno vṛṣaḥ pracodayāt
184.11
harivaktrāya vidmahe rudravaktrāya dhīmahi
tanno nandī pracodayāt
184.12
nārāyaṇāya vidmahe vāsudevāya dhīmahi
tanno viṣṇuḥ pracodayāt
184.13
mahāmbikāyai vidmahe karmasiddhyai ca dhīmahi
tanno lakṣmīḥ pracodayāt
184.14
samuddhṛtāyai vidmahe viṣṇunekena dhīmahi
tanno rādhā pracodayāt
184.15
vainateyāya vidmahe suvarṇapakṣāya dhīmahi
tanno garur̤aḥ pracodayāt
184.16
padmodbhavāya vidmahe vedavaktrāya dhīmahi
tannaḥ sraṣṭā pracodayāt
184.17
śivāsyajāyai vidmahe devarūpāyai dhīmahi
tanno vāgvā pracodayāt
184.18
devarājāya vidmahe vajrahastāya dhīmahi
tannaḥ śakraḥ pracodayāt
184.16-2
rudranetrāya vidmahe śaktihastāya dhīmahi
tanno vahniḥ pracodayāt
184.20
vaivasvatāya vidmahe daṇḍahastāya dhīmahi
tanno yamaḥ pracodayāt
184.21
niśācarāya vidmahe khaṅgahastāya dhīmahi
tanno nirṛtiḥ pracodayāt
184.22
śuddhahastāya vidmahe pāśahastāya dhīmahi
tanno varuṇaḥ pracodayāt
184.23
sarvaprāṇāya vidmahe yaṣṭihastāya dhīmahi
tanno vāyuḥ pracodayāt
184.24
yakṣeśvarāya vidmahe gadāhastāya dhīmahi
tanno yakṣaḥ pracodayāt
184.25
sarveśvarāya vidmahe śūlahastāya dhīmahi
tanno rudraḥ pracodayāt
184.26
kātyāyantyai vidmahe kanyakumāryai dhīmahi
tanno durgā pracodayāt
184.27
evaṃ prabhidya gāyatrīṃ tattaddevānurūpataḥ
pūjayet sthāpayetteṣāmāsanaṃ praṇavaṃ smṛtam
184.28
athavā viṣṇumatulaṃ sūktena puruṣeṇa vā
viṣṇuñcaiva mahāviṣṇuṃ sadā viṣṇumanukramāt
184.28-2
sthāpayeddevagāyatryā parikalpya vidhānataḥ
vāsudevaḥ pradhānastu tataḥ saṅkarṣaṇaḥ svayam
184.30
pradyumno hyaniruddhaśca mūrttibhedāstu vai prabhoḥ
bahūni vividhānoha tasya hyaṅgoṅgavāni ca
184.31
sarvāvante̍ṣu rūpāṇi jagatāñca hitāya vai
matsyaḥ kūrmo'tha vārāho nārasiṃho'tha vāmanaḥ
184.32
rāmo rāmaśca kṛṣṇaśca bauddhaḥ kalkī tathaiva ca
tathānyāni ca devasya hareḥ prāpoṅgavāni ca
184.33
teṣāmapi ca gāyatrīṃ jñātvā snāpya ca pūjayet
guhyāni devadevasya harernārāyaṇasya ca
184.34
vijñānāni ca yatnāṇi mantropaniṣadāmi ca
pañca brahmāṅgajānaudṛ pañcabhūtamayāni ca
184.35
namo nārāyaṇāyeti mantraḥ 'paramaśobhanaḥ
hareraṣṭākṣarākhyo'ha praṇavena samāsataḥ
184.36
oṃ namo vāsudevāya namaḥ saṅkarṣaṇāya ca
pradyumnāya pradhānāya aniruddhāya vai namaḥ
184.37
evamekena mantre ṇa sthāpayet parameśvaram
bimbāni yāni devasya śivasya parameṣṭhinaḥ
184.38
pratiṣṭhā caiva pūjā ca liṅgavanmu nisattamāḥ !
ratnavinyāsasahitaṃ kautukāni harerapi
184.38-2
acale kārayet sarvvaṃ cale'pyevaṃ vidhānataḥ
tannetronmīlanaṃ kuryyānnetramantre ṇa suvratāḥ !
184.40
kṣetrapradakṣiṇañcaiva āśramasya purasya ca
jalādhivāsanañcai va pūrvvavat parikīrttitam
184.41
kuṇḍamaṇḍaparnimāṇaṃ śayanañca vidhīyate
kṛtvā navāgnibhāgena navakuṇḍe yathāvidhi
184.42
athavā pañcakuṇḍe ṣu pradhāne kevale'thavā
pratiṣṭhā kathitā divyā pāramparyyakramāṃgatā
184.43
śilodbhavānāṃ bimbānāṃ citrābhāsasya vā punaḥ
jalādhivāsanaṃ proktaṃ vṛṣendrasya prakīrttitam
184.44
prāsādasya pratiṣṭhāyāṃ pratiṣṭhā parikīrttitā
prāsādāṅgasya sarvvasya yathājñānātmanodbhava
184.45
vṛṣānni mātṛvighneśakumārānapi yatnataḥ
jyeṣṭhāṃ durgāṃ tathā caṇḍīṃ gāyatrīṃ vai yathāvidhi
184.46
gāgādyaṃ sthāpayecchambhoraṣṭāvaraṇamuttamam
lokapālagaṇeśādyānapi śambhoḥ pravinvaset
184.47
umā caṇḍī ca nandī ca mahākālo mahāmuniḥ
vighneśvaro mahābhṛṅgī skandaḥ saumyaditaḥ kramāt
184.48
indrādīn sveṣu sthāneṣu brahmāṇañca janārddanam
sthāpayeccaiva yatnena kṣetreśaṃ veśagocare
184.49
siṃhāsane hyanantādīn vidyeśāṃmapi ca kramāt
sthāpayet praṇavenaiva guhyāṅgādīni paṅkaje
184.50
evaṃ saṃkṣepataḥ proktaṃ calasthāpanamuttamam
sarveṣāmapi devānāṃ devīnāñca viśeṣataḥ
184.50.p1
ityādi mahāpurāṇe śrīlaiṅge uttarārddhe 'ṣṭacatvāriṃśattamo'dhyāyaḥ || 48
Linked texts (3)
- Liṅgapurāṇa — Vyāsa, Sanskrit
- Acintyaviśvasādākhyatantra — Sanskrit
- Vratakhaṇḍa — Hemādri, Sanskrit