Linga 19
Liṅga 19
- Language
- Sanskrit
Contents
- 19.36-2 — 1 part
19.1
sūta uvāca
athānyo brahmaṇaḥ kalpo varttate munipuṅgavāḥ !
viśvarūpa iti khyāto nāmataḥ paramāṅgutaḥ
19.2
vinivṛtte tu saṃhāre punaḥ sṛṣṭe carācare
brahmaṇaḥ putrakāmasya dhyāyataḥ parameṣṭhinaḥ
19.3
prādurbhūtā mahānādā viśvarūpā sarasvatī
viśvamālyāmbaradharā viśvayajñopavītinī
19.4
viśvoṣoṣā viśvagandhā viśvamātā mahoṣṭhikā
tathāvidhaṃ sa bhagavānīśānaṃ parameśvaram
19.5
śuddhasphaṭikasaṅkāśaṃ sarvābharaṇabhūṣitam
atha taṃ manasā dhyātvā yuktātmā vai pitāmahaḥ
19.6
vavande devamīśānaṃ sarveśaṃ sarvagaṃ prabhum
omīśāna ! namaste'stu mahādeva ! namo'stu te
19.7
namo'stu sarvavidyānāmīśāna ! parameśvara !
namo'stu sarvabhūtānāmīśāna ! vṛṣavāhana !
19.8
brahmaṇo'dhipate ! tubhyaṃ brahmaṇe brahmarūpiṇe
namo brahmādhipataye śivaṃ me'stu sadāśiva !
19.6-2
oṅkāramūrte ! deveśa ! sadyojāta ! namo namaḥ
prapadye tvāṃ prapanno'smi sadyojātāya vai namaḥ
19.10
abhave ca bhave tubhyaṃ tathā nātibhave namaḥ
bhavodbhavabhaveśāna ! māṃ bhajasva mahādyute !
19.11
vāmadeva ! namastubhyaṃ jyeṣṭhāya varadāya ca
namo rudrāya kālāya kalanāya namo namaḥ
19.12
namo vikaraṇāyaiva kālavargāya varṇine
balāya balināṃ nityaṃ sadā vikaraṇāya te
19.13
balapramathanāyaiva baline brahmarūpiṇe
sarvabhūteśvareśāya bhūtānāṃ damanāya ca
19.14
manonmanāya devāya namastubhyaṃ mahādyute !
vāmadevāya vāmāya namastubhyaṃ mahātmane
19.15
jyeṣṭhāya caiva śreṣṭhāya rudrāya varadāya ca
kālahantre namastubhyaṃ namastubhyaṃ mahātmane
19.16
iti stavena deveśaṃ nanāma vṛṣabhadhvajam
yaḥ paṭhet sakṛddeveśra brahmalokaṃ gamiṣyati
19.17
śrāvayed vā dvijān śrāddhe sa yāti paramāṅgatim
evaṃ dhyānagataṃ tatra praṇamantaṃ pitāmaham
19.18
uvāca bhagavāntrīśaḥ prīto'haṃ te kimicchasi
tatastu praṇato bhūtvā vāgviśuddha maheśvaram
19.19
uvāca bhagavān rudraṃ protaṃ protena cetasā
yadidaṃ viśvarūpante viśvagoḥ śreyasīśvarī
19.20
etad veditumicchāmi yatheyaṃ parameśvara !
kaiṣā bhagavatī devī catuṣpādā caturmukhī
19.21
catuḥśṛṅgo caturvaktrā caturdaṃṣṭrā catuḥstanī
caturhastā caturnetrā viśvarūpā kathaṃ smṛtā
19.22
kiṃ nāma gotrā kasyeyaṃ kiṃ vīryyā cāpi karmataḥ
tasya tad vacanaṃ śrutvā devadevo vṛṣadhvajaḥ
19.23
prāha devarṣabhaṃ brahmā brahmaṇaścātmasambhavam
rahasyaṃ sarvamantrāṇāṃ pāvanaṃ puṣṭivarddhanam
19.24
śaṛṇuṣvaitat paraṃ guhyamādisarge yathā tathā
evaṃ yo varttate kalpo viśvarūpastvasau mataḥ
19.25
brahmasthānamidañcāpi yatra prāptaṃ tvayā prabho !
tvattaḥ parataraṃ deva ! viṣṇunā tatpadaṃ śubham
19.26
vaikuṇṭhe naviśuddhe na mama vāmāṅgena vai
tadāprabhṛti kalpaśca trayastriṃśattamo hyayam
19.27
śataṃ śatasahasrāṇāmatītā ye svayambhuvaḥ
purastāttava deveśa ! tacchṛṇuṣva mahāmate !
19.28
ānandastu sa vijñeya ānandatve vyavasthitaḥ
māṇḍavyagotrastapasā mama putratvamāgataḥ
19.29
tvayi yogaśca sāṃkhyañca tapo vidyā vidhikriyā
ṛtaṃ satyaṃ dayā brahma ahiṃsā sanmatiḥ kṣamā
19.30
dhyānaṃ dhyeyaṃ damaḥ śāntirvidyāvidyā matirdhṛtiḥ
kāntirnītiḥ pṛthā medhā lajjā dṛṣṭiḥ sarasvatī
19.31
tuṣṭiḥ puṣṭiḥ kriyā caiva prasādaśca pratiṣṭhitāḥ
dvātriṃśat suguṇā hyeṣā dvātriṃśākṣarasaṃkhyayā
19.32
prakṛtirvihitā brahmaṃstvatprasūtirmaheśvarī
viṣṇorbhagavataścāpi tathānyeṣāmapi prabho !
19.33
saiṣā bhagavatī devī matprasūtiḥ pratiṣṭhitā
caturmukho jagadyoniḥ prakṛtirgauḥ pratiṣṭhitā
19.34
gaurī māyā ca vidyā ca kṛṣṇā haimavatīti ca
pradhānaṃ prakṛtiścaiva yāmāhustattvacintakāḥ
19.35
ajāmekāṃ lohitāṃ śuklakṛṣṇāṃ
viśvaprajāṃ sṛjamānāṃ sarūpām
ajo'haṃ māṃ viddhi tāṃ viśvarūpa
gāyatrīṃ gāṃ viśvarūpāṃ hi buddhyā
19.36
evamuktvā mahādevaḥ sasarja parameśvaraḥ
tataśca pārśvagā devyāḥ sarvarūpakumārāḥ
19.37
jaṭī muṇḍī śikhaṇḍī ca ardhamuṇḍaśca jajñire
tataste na yathoktena yogena sumahaujasaḥ
19.38
divyavarṣasahasrānte upāsitvā maheśvaram
dharmopadeśamakhilaṃ kṛtvā yogamayaṃ dṛḍham
19.36-2
śiṣṭāśca niyatātmānaḥ praviṣṭā rudramīśvaram
19.36-2.p1
ityādi mahāpurāṇe śrīlaiṅge īśānamāhātmyakathanaṃ nāma ṣoḍaśo'dhyāyaḥ || 16
Linked texts (4)
- Liṅgapurāṇa — Vyāsa, Sanskrit
- Vāyupurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Himavatkhaṇḍa — Sanskrit