Linga 191
Liṅga 191
- Language
- Sanskrit
Contents
- 191.55 — 1 part
191.1
pañcapañcāśattamo'dhyāyaḥ
ṛṣaya ūcuḥ
kathaṃ triyambako devo devadevo vṛṣadhvajaḥ
dhyeyaḥ sarvārthasiddhārthaṃ yogamārgeṇa suvrata !
191.2
pūrvamevāpi nikhilaṃ śrutaṃ śrutisamaṃ punaḥ
vistareṇa ca tat sarvaṃ saṅka pād vakta marhasi
191.3
sūta uvāca
evaṃ paitāmahe naivamandau dinakaraprabhaḥ
merupṛṣṭhe purā pṛṣṭo munisaṅghaiḥ samāvṛtaḥ
191.4
so'pi tasmai kumārāya brahmaputrāya suvratāḥ !
mithaḥ provāca bhagavān praṇatāya samāhitaḥ
191.5
nandikeśvara uvāca
evaṃ purā mahādevo bhagavānnīlalohitaḥ
giriputryāmvayā devyā bhagavatyekaśayyayā
191.6
pṛṣṭaḥ kailāsaśikhare dṛṣṭapuṣṭatanūruhaḥ
śrīdevyuvāca
yogaḥ katividhaḥ proktastat kathañcaiva kīdṛśam
191.7
jñānañca mokṣadaṃ divyaṃ mucyante yena jantavaḥ
śrībhagavānuvāca
prathamo mantrayogaśca sparśayogo dvitīyakaḥ
191.8
bhāvayogastṛtīyaḥ syādabhāvaśca caturthakaḥ
sarvottamo mahāyogaḥ pañcamaḥ parikīrttitaḥ
191.9
dhyānayukto japābhyāso mantrayogaḥ prakīrttitaḥ
nār̤īśuddhayadhiko yastu recakādikramānvitaḥ
191.10
samastavyastayogena jayo vāyoḥ prakīrttitaḥ
balasthirakriyāyukto dhāraṇādyaiśca śobhanaiḥ
191.11
dhāraṇāvayasantyomo bhedatrayaviśodhakaḥ
kumbhakāvasthito'bhyāsaḥ sparśayogaḥ prakīrttitaḥ
191.12
mantrasparśavinirmukto mahādevaṃ samāśritaḥ
bahirantarvibhāgasthaḥ sphuratsaṃharaṇatmakaḥ
191.13
bhāvayogaḥ samākhyātaścittaśuddhipradāyakaḥ
vilīnāvayavaṃ sarvvaṃ jagat sthāvarajaṅgamam
191.14
śūnyaṃ sarvvaṃ nirābhāsaṃ svarūpaṃ yatra cintyate
abhāvayogaḥ saṃproktaścittanirvāṇakārakaḥ
191.15
nīrūpaḥ kevalaḥ śuddhaḥ svacchandaśca suśobhanaḥ
anirdeśyaḥ sadā lokaḥ svayaṃ vedyaḥ samantataḥ
191.16
svabhāvī bhāsate yatra mahāyogaḥ prakīrttitaḥ
nityoditaḥ svayaṃ jyotiḥ sarvvacittasamutthitaḥ
191.17
nirmalaḥ kevalo hyātmā mahāyoga iti smṛtaḥ
aṇimādipradāḥ sarvve sarvve jñānasya dāyakāḥ
191.18
uttarottaravaiśiṣṭyameṣu yogeṣvanukramāt
aṅgaṃ saṅgavinirmukto mahākāśopamaḥ paraḥ
191.16-2
sarvvāvaraṇanirmukto hyacintyaḥ svarasena tu
jñeyametat samākhyātamagrāhyamapi daivataḥ
191.20
pravilonī mahān samyak svayaṃ vedyaḥ svasākṣikaḥ
prakāsyānandavapuṣā tena jñeyamidaṃ matam
191.21
parīkṣitāya śiṣyāya brāhmaṇāyāhitāgnaye
dhārmikāyākṣatajñāya dātavyaṃ kramapūrvvakam
191.22
gurudaivatabhaktāya anyathā naiva dāpayet
nindito vyādhito'lpāyustathā caiva prajāyate
191.23
dāturapyevamevaivaṃ tasmāt jñātvaiva dāpayet
sarvasaṅgavinirmukto madbhakto matparāyaṇaḥ
191.24
sādhako jñānasaṃyuktaḥ śrautasmāttaviśāradaḥ
gurubhaktaśca puṇyātmā yogyo yogarataḥ sadā
191.25
evaṃ devi ! samākhyāto yogamārgaḥ sanātanaḥ
sarvavedāgamāmbhojamakarandaḥ sumadhvani !
191.26
pītvā yogāmṛtaṃ yogī mucyate brahmavittamaḥ
evaṃ pāśupataṃ yogaṃ yogaiśvaryyamanuttamam
191.27
atyāśramamidaṃ jñeyaṃ muktaye kena labhyate
tasmādiṣṭaiḥ samācāraiḥ śivārcanarataiḥ priye !
191.28
ityuktā bhagavān devo manugrāhya vṛṣadhvajaḥ
śaṅkakarṇaṃ samāsādya yuyojātmānamātmani
191.28-2
śilādiruvāca
tasmāttvamapi yogendra ! yogābhyāsarato bhava
svayambhuvaḥ parā mūrttirnūnaṃ brahmamayī varā
191.30
tasmāt sarvaprayatnena mokṣārthī puruṣottamaḥ
bhasmaśāyī bhavennityaṃ yogī pāśupate rataḥ
191.31
dhyeyā yathākrameṇaiva vaiṣṇavī ca tataḥ parā
māheśvarī parā paścāt saiva dhyeyā yathākramam
191.32
yogeśvarasya yā niṣṭhā saiṣā saṅgatya varṇitā
191.33
sūta uvāca
evaṃ śilādaputreṇa nandinā kulanndinā
yogaḥ pāśupataḥ prokto bhasmaniṣṭhena dhīmatā
191.34
sanatkumārī bhagavān vyāsāyāmitatejase
tasmādahamapi śrutvā niyogāt satriyāmapi
191.35
kṛtakṛtyo'smi viprebhyo namo yajñebhya eva ca
namaḥ śivāya śāntāya vyāsāya munaye namaḥ
191.36
granthaikādaśasāhasraṃ purāṇaṃ laiṅṅgamuttamam
aṣṭottaraśatādhyāyamādimaṃśramataḥ param
191.37
ṣaṭcatvāriṃśadadhyāyaṃ dharmakāmārthamokṣadam
atha te munayaḥ sarve naimiṣeyāḥ samāhitāḥ
191.38
praṇemurdevamīśānaṃ prītikāṣṭakitatvacaḥ
śākhāṃ paurāṇikīmevaṃ sarvaikādaśikāṃ prabhuḥ
brahmā svayambhūrbhagavānidaṃ vacanamabravīt
laiṅgamādyantamakhilaṃ yaḥ paṭhet śṛṇuyādapi
191.40
dvijebhyaḥ śrāvayedvāpi sa yāti paramāṃ gatim
tapasā caiva yajñena dānenādhyayanena ca
191.41
yā gatistasya vipulā śāstravidyā ca vaidikī
karmaṇā cāpi miśreṇa kevalaṃ vidyayāpi vā
191.42
nivṛttiścāsya viprasya bhavedbhaktiśca śāśvatī
mayi nārāyaṇe deve śraddhā cāstu mahātmanaḥ
191.43
vaṃśasya cākṣayā vidyā cāpramādaśca sarvataḥ
ityājñāṃ brahmaṇastasmāttasya sarvaṃ mahātmanaḥ
191.44
ṛṣayaḥ procuḥ
ṛṣeḥ sūtasya cāsmākameteṣāmapi cāsya ca
nāradasya ca yā siddhistīrthayātrāratasya ca
191.45
prītiśca vipulā yasmādasmākaṃ romaharṣaṇa
191.46
sā sadāstu virūpākṣaprasādāttu samantataḥ
evamukteṣu vipreṣu nārado bhagavānapi
191.47
karābhyāṃ suśubhābhyāñca sūtaṃ pasparśavān tvaṣi
svastyastu sūta ! bhadraṃ te mahādeve vṛṣadhvaje
191.48
śraddhā tavāstu cāsmākaṃ namastasmai śivāya ca
191.55
ityādi mahāpurāṇe śrīlaiṅge uttarārdhe pañcapañcāśattamo'dhyāyaḥ samāptaḥ
191.55.p1
samāptametalleṅgapurāṇam
Linked texts (1)
- Liṅgapurāṇa — Vyāsa, Sanskrit