Linga 2: atha dvitīyo'dhyāyaḥ

Liṅga 2

sūta uvāca
īśānakalpavṛttāntamadhikṛtya mahātmanā
brahmaṇā kalpitaṃ pūrvaṃ purāṇaṃ laiṅgamuttamam

granthakoṭipramāṇantu śatakoṭipravistarai
caturlakṣeṇa saṃkṣipte vyāsaiḥ sarvāntareṣu vai

vyasteṣṭā daśadhātha caiva brahmādau dvāparāvṛṣu
liṅgamekādaśaṃ proktaṃ mayā vyāsācchrutañca tat

asyaikādaśasāhasraṃ granthamānamiha dvijāḥ
tasmāt saṃkṣepato vakṣye na śrutaṃ vistareṇa yat

caturlakṣeṇa saṃkṣiptaṃ kṛṣṇadvaipāyanena tu
athaikādaśasāhasraiḥ kathito liṅgasambhavaḥ

sargaḥ prādhānikaḥ paścāt prākṛto vai kṛtāni ca
aṇḍasyāsya ca sambhūtiraṇḍasyāvaraṇaṣṭakam

aṇḍodbhavatvaṃ śarvasya rajoguṇasamāśrayāt
viṣṇutvaṃ kālarudratvaṃ śayanaṃ cāpsu tasya ca

prajāpatīnāṃ sargaśca pṛthivyuddharaṇaṃ tathā
brahmaṇaśca divārātramāyuṣo gaṇanaṃ punaḥ

savanaṃ brahmaṇaścaiva yugakalpaśca tasya tu
divyañca mānuṣaṃ varṣamārṣaṃ vai dhrauvyameva ca

pitryaṃ pitṛṇāṃ sambhūtirdharmmaśvāśramiṇāṃ tathā
ahardvijagato bhūyo devyāḥ śaktyudbhavastathā

strīpuṃ bhāvo viriñcasya sargo mithunasambhavaḥ
ākhyāṣṭakaṃ hi rudrasya kathitaṃ rodanāttare

brahmaviṣṇuvivādaśca punarliṅgasya sambhavaḥ
śilādasya tapaścaiva vṛṣārerdarśanaṃ tathā

prārthanā yoninasyātha durlabhatvaṃ sutasya tu
śilādaśakrasaṃvādaḥ padmayonitvameva ca

bhavasya darśanañcaiva tiṣye cvācāryyaśiṣyayoḥ
vyāsāvatārāśca tathā kalpamanvantarāṇi ca

kalpatvañcaiva kalpānāmākhyābhirdeṣṇanu kramāt
kalpeṣu kalpe vārāhe varāhatvaṃ harastathā

Linked texts (2)