Linga 21: atha aṣṭādaśo'dhyāyaḥ
Liṅga 21
- Language
- Sanskrit
Contents
- 21.42 — 1 part
atha aṣṭādaśo'dhyāyaḥ
21.1
viṣṇuruvāca
ekākṣarāya rudrāya akārāyātmarūpiṇe
ukārāyodidevāya vidyādehāya vai namaḥ
21.2
tṛtīyāya makārāya śivāya paramātmane
sūryāgnisomavarṇāya yajamānāya vai namaḥ
21.3
agnaye rudrarūpāya rudrāṇāṃ pataye namaḥ
śivāya śivamantrāya sadyojātāya vedhase
21.4
vāmāya vāmadevāya varadāyāmṛtāya te
aghorāyautighorāya sadyojātāya raṃhase
21.5
īśānāya śmaśānāya ativegāya vegine
namo'stu śrutipādāya ūrddha liṅgāya liṅgine
21.6
hemaliṅgāya hemāya vāriliṅgāya cāmbhase
śivāya śivaliṅgāya vyāpine vyomavyāpine
21.7
vāyave vāyuvegāya namaste vāyuvyāpine
tejase tejasāṃ bhartre namastejo'dhivyāpine
21.8
jalāya jalabhūtāya namaste jalavyāpine
pṛthivyai cāntarikṣāya pṛthivovyāpine namaḥ
21.9
śabdasparśasvarūpāya rasagandhāya gandhinai
gaṇādhipataye tubhyaṃ guhyād guhyatamāya te
21.10
anantāya virūpāya anantānāmayāya ca
śāśvatāya variṣṭhāya vārigarbhāya yogine
21.11
saṃsthitāyāmbhasāṃ madhye āvayormadhyavarcase
goptre hartre sadā katre nidhanāyeśvarāya ca
21.12
acetanāya cinyāya cetanāyāsahāriṇe
arūpāya surūpāya anaṅgāyāṅgahāriṇe
21.13
bhasmadigdhararīrāya bhānusomāgnihetave
śvetāya śvetavarṇāya tuhinādricarāya ca
21.14
suśvetāya suvaktrāya namaḥ śvetaśikhāya ca
śvetāsyāya mahāsyāya namaste śvetalohita !
21.15
sutārāya viśiṣṭāya namo dundubhine hara !
śatarūpa ! virūpāya namaḥ ketumate sadā
21.16
ṛddhiśokaviśokāya pinākāya kapardine
vipāśāya supāśāya namaste pāśanāśine !
21.17
suhotrāya haviṣyāya subrahmaṇyāya sūriṇe
sumukhāya suvaktāya durhamāya damāya ca
21.18
kaṅkāya kaṅkarūpāya kaṅkaṇīkṛtapannaga !
sanakāya namastubhyaṃ sanātana ! sanandana !
21.16-2
sanatkumārasāraṅkamāraṇāya mahātmane
lokākṣiṇe vidhāmāya namo virajase sadā
21.20
śaṅkhapālāya śaṅkhāya rajase tamase namaḥ
sārasvatāya meghāya meghavāhana ! te namaḥ
21.21
suvāhyāya vivāhyāya vivādavaradāya ca
namaḥ śivāya rudrāya pradhānāya namo namaḥ
21.22
viguṇāya namastubhyaṃ caturthātmane namaḥ
saṃsārāya namastubhyaṃ namaḥ saṃsārahetave
21.23
mokṣāya mokṣarūpāya mocakatve namo namaḥ
ātmane ṛṣaye tubhyaṃ svāmine viṣṇave namaḥ
21.24
namo bhagavate tubhyaṃ nāgānāṃ pataye namaḥ
oṅkārāya namastubhyaṃ sarvajñāya namo namaḥ
21.25
sarvāya ca namastubhyaṃ namo nārāyaṇāya ca
namo hiraṇyagarbhāya ādidevāya te namaḥ
21.26
namo'svajāya pataye prajānāṃ vyūhahetave
mahādevāya devānāmīśvarāya namo namaḥ
21.27
śarvāya ca namastubhyaṃ satyāya śamanāya ca
brahmaṇe caiva bhūtānāṃ sarvajñāya namo namaḥ
21.28
mahātmane namastubhyaṃ prajñārūpāya vai namaḥ
citaye citirūpāya smṛ tirūpāya vai namaḥ
21.26-2
jñānāya jñānagamyāya namaste saṃvide sadā
śikharāya namastubhyaṃ nīlakaṇṭhāya vai namaḥ
21.30
ardhanārīśarīrāya avyaktāya namo namaḥ
ekādaśavibhedāya sthāṇave te namaḥ sadā
21.31
namaḥ somāya sūryyāya bhavāya bhavahāriṇe
yaśaskarāya devāya śaṅkarāyeśvarāya ca
21.32
namo'mbikādhipataye umāyāḥ pataye namaḥ
hiraṇyabāhave tubhyaṃ namaste hemaretase
21.33
nīlakeśāya vittāya śitikaṇṭhāya vai namaḥ
kapardine namastubhyaṃ nāgāṅgābharaṇāya ca
21.34
vṛṣārūr̤hāya sarvasya hartre kartre namo namaḥ
vīrāyātirāmāya rāmanāthāya te vibho !
21.35
namo rājādhirājāya rājñāmadhigatāya te
namaḥ pālādhipataye pālāgrāṅkṣantave namaḥ
21.36
namaḥ keyūrabhūṣāya gopate ! te namo namaḥ
namaḥ śrīkaṇṭhanāthāya namo liṅgarūpiṇe
21.37
bhuvaneśāya devāya vedaśāstra ! namo'stu te
sāraṅgāya namastubhyaṃ rājahaṃsāya te namaḥ
21.38
kanakāṅgadahārāya namaḥ sarpopavītine
sarpakuṇḍalamalāya kaṭisūtrollasāhine
21.36-2
vedagarbhāya garbhāya viśvagarbhāya te śiva !
brahmovāca
virarāmeti saṃstutvā brahmaṇā sahito hariḥ
21.40
etat stotravaraṃ puṇyaṃ sarvapāpapraṇāśanam
yaḥ paṭhet śrāvayedvāpi brāhmaṇān vedapāragān
21.41
sa yāti brahmaṇo loke pāpakarmmarato'pi vai
tasmājjapet paṭhennityaṃ śrāvayed brāhmaṇān śubhān
21.42
sarvapāpaviśuddhayarthaṃ viṣṇunā paribhāṣitam
21.42.p1
iti śrīlaiṅge viṣṇustavo nāmāṣṭādaśo'dhyāyaḥ
Linked texts (4)
- Liṅgapurāṇa — Vyāsa, Sanskrit
- Critical edition (BORI) — Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Ambikākhaṇḍa — Sanskrit