Pramāṇa · Search · About · API

Linga 25: atha ekaviṃśo'dhyāyaḥ

Liṅga 25

Language
Sanskrit

Contents

atha ekaviṃśo'dhyāyaḥ

25.1

sūta uvāca
brahmāṇamagrataḥ kṛtvā tataḥ sa garur̤adhvajaḥ
atītaiśca bhaviṣyaiśca varttamānaistathaiva ca

25.2

nāmabhiśchāndasaiśrcaiva idaṃ stotramudīrayat
viṣṇuruvāca
namastubhyaṃ bhagavate suvratāmantatejase

25.3

namaḥ kṣetrādhipataye bījine śṛṅgine namaḥ
sumedhāyārcca medhāya dakṣiṇe ruccaretase

25.4

namo jyeṣṭhāya śreṣṭhāya pūrvvāya prathamāya ca
namo mānyāya pūjyāya sadyojātāya vai namaḥ

25.5

gaṅgarāya ghaṭeśāya vyomacīrāmbarāya ca
namaste śambhadādīnāṃ bhūtānāṃ prabhave namaḥ

25.6

vedānāṃ prabhave caiva smṛtīnāṃ prabhave namaḥ
prabhave karmadānānāṃ dravyāṇāṃ prabhave namaḥ

25.7

namo yogasya prabhave sāṅkhyasya prabhave namaḥ
namo dhruvanibaddhānāṃ ṛṣīṇāṃ prabhave namaḥ

25.8

ṛkṣāṇāṃ prabhave tubhyaṃ grahāṇāṃ prabhave namaḥ
vaidyutāśanimeghānāṃ garjitaprabhave namaḥ

25.9

mahodadhīnāṃ prabhave dvīpānāṃ prabhave namaḥ
adrīṇāṃ prabhave caiva varṣāṇāṃ prabhave namaḥ

25.10

namo nadīnāṃ prabhave madānāṃ prabhave namaḥ
mahauṣadhīnāṃ prabhave vṛkṣāṇāṃ prabhave namaḥ

25.11

dharmavṛkṣāya dharmāya sthitīnāṃ prabhave namaḥ
prabhave ca parārddhasya parasya prabhave namaḥ

25.12

namo rasānāṃ prabhave ratnānāṃ prabhave namaḥ
kṣaṇānāṃ prabhave caiva lavānāṃ prabhave namaḥ

25.13

ahorātrārddhamāsānāṃ māsānāṃ prabhave namaḥ
ṛtūnāṃ prabhave tubhyaṃ saṃkhyāyāḥ prabhave namaḥ

25.14

prabhave cāparārddhasya parārddhaprabhave namaḥ
namaḥ purāṇaprabhave sargāṇāṃ prabhave namaḥ

25.15

manvantarāṇāṃ prabhave yogasya prabhave namaḥ
caturvidhasya sargasya prabhave'nantacakṣuṣe

25.16

kalpodayanibandhānāṃ vārttānāṃ prabhave namaḥ
namo viśvasya prabhave brahmādhipataye namaḥ

25.17

vidyānāṃ prabhave caiva vidyādhipataye namaḥ
namo vratādhipataye vratānāṃ prabhave namaḥ

25.18

mantrāṇāṃ prabhave tubhyaṃ mantrādhipataye namaḥ
pitṝṇāṃ pataye caiva paśūnāṃ pataye namaḥ

25.19

vāgvṛṣāya namastubhyaṃ purāṇavṛṣabhāya ca
namaḥ paśūnāṃ pataye govṛṣendradhvajāya ca

25.20

prajāpatīnāṃ pataye siddhānāṃ pataye namaḥ
daityadānavasaṅghānāṃ rakṣasāṃ pataye namaḥ

25.21

gandharvāṇāñca pataye yakṣāṇāṃ pataye namaḥ
garuḍoragasarpāṇāṃ pakṣiṇāṃ pataye namaḥ

25.22

sarvvaguhyapiśācānāṃ guhyādhipataye namaḥ
gokarṇāya ca goptre ca śaṅkukarṇāya vai namaḥ

25.23

varāhāyāprameyāya ṛkṣāya virajāya ca
namo surāṇāṃ pataye gaṇānāṃ pataye namaḥ

25.24

ambhasāṃ pataye caiva ojasāṃ pataye namaḥ
namo'stu lakṣmopataye śrīpate bhūpate namaḥ

25.25

balābalasamūhāya acobhyakṣobhaṇāya ca
doptaśṛṅgekaśṛṅgāya vṛṣabhāya kakudmine

25.26

namaḥ sthairyāya vapuṣe tejasānuvratāya ca
atītāya bhaviṣyīya varttamānāya vai namaḥ

25.27

suvarcase ca vīryāya śūrāya hyajitāya ca
varadāya vareṇyāya puruṣāya mahātmane

25.28

namo bhūtāya bhavyāya mahate prabhavāya ca
janāya ca namastubhyaṃ tapase varadāya ca

25.28-2

aṇave mahate caiva namaḥ sarvvagatāya ca
namo bandhāya mokṣāya svargīya narakāya ca

25.30

namo bhavāya devāya ījyāya yājakāya ca
pratyudīrṇāya dīptāya tatvāyātiguṇāya ca

25.31

namaḥ pāśāya śastrāya namo'stvābharaṇāya ca
hutāya upahrutāya prahutaprāśitāya ca

25.32

namo'sviṣṭāya pūtrttāya agniṣṭomadbijāya ca
sadasyāya namaścaiva dakṣiṇāvabhṛthāya ca

25.33

ahiṃsāyāpralobhāya paśumantrauṣadhāya ca
namaḥ puṣṭipradānāya suśīlāya suśoline

25.34

atītāya bhaviṣyāya varttamānāya te namaḥ
suvarcase ca vīryyāya śūrāya hyajitāya ca

25.35

varadāya vareṇyāya puruṣāya mahātmane
namo bhūtāya bhavyāya mahate cābhayāya ca

25.36

jarāsiddha ! namastubhyamayase varadāya ca
adhare mahate caiva namaḥ sastūpatāya ca

25.37

namaścendriyapatrāṇāṃ lelihānāya sragviṇe
vikhāya viśvarūpāya viśvataḥ-śirase namaḥ

25.38

sarvvataḥ-pāṇipādāya rudrāyāpratimāya ca
namo havyāya kavyāya havyavāhāya vai namaḥ

25.38-2

namaḥ siddhāya medhyāya dṛṣṭāyecchāyaparāya ca
suvorāya sughorāya acobhyakṣobhaṇāya ca

25.40

suprajāya sumedhāya dīptāya bhāskarāya ca
namo buddhāya śuddhāya vismṛtāya matāya ca

25.41

namaḥ sthūlāya sūkṣmāya dṛśyādṛśyāya sarvvaśaḥ
varṣate jvalate caiva vāyave śiśirāya ca

25.42

namaste vakrakeśāya jalavakṣaḥ-śikhāya ca
namo namaḥ suvarṇāya tapanīyanibhāya ca

25.43

virūpākṣāya liṅgāya piṅgalāya mahaujase
daṇḍināya namaścaiva namaḥ saumyekṣaṇāya ca

25.44

namo dhūmrāya śvetāya kṛṣṇāya lohitāya ca
piśitāya piśaṅgāya pītāya ca niṣaṅgiṇe

25.45

namaste saviśeṣāya nirviśeṣāya vai namaḥ
nama ījyāya pūjyāya upajīvyāya vai namaḥ

25.46

namaḥ kṣemyāya vṛddhāya vatsalāya namo namaḥ
namo bhūtāya satyāya satyāsatyāya vai namaḥ

25.47

namo vai pañcavarṇāya mṛtyuñjāya ca mṛtyave
namo gaurāya śyāmāya kadrave lohitāya ca

25.48

mahāsandhyābhravarṇāya cārudīptāya dīkṣiṇe
namaḥ kamatahastāya digvāsyāya kapardine

25.49

apramāṇāya sarvāya avyavāyāmarāya ca
namo rūpāya gandhāya śāśvatāyākṣatāya ca

25.50

purastād dṛṣṭate caiva vibhrāntāya kṛtāya ca
durgamāya maheśāya krodhāya kapilāya ca

25.51

takryātarkyaśarīrāya baline raṃhasāya ca
sikatyāya pravāhyāya sthitāya prasṛtāya ca

25.52

sumedhase kulālāya namaste śaśikhaṇḍine
citrāya citraveṣāya citravarṇāya medhase

25.53

cekitānīya tuṣṭāya namaste niṣṭhitāya ca
namaḥ kṣāntāya dāntāya vajrasaṃhananāya ca

25.54

rakṣoghnāya vipannāya śitikaṇṭhordhvamanyave
lailihāya kṛtāntāya tigmāyudhadharāya ca

25.55

sammodāya pramodāya yativeṣyāya te namaḥ
anāmayāya sarvāya mahākālāya vai namaḥ

25.56

praṇavapraṇaveśāya bhaganetrāntakāya ca
mṛgavyādhāya dakṣāya dakṣayajñāntakāya ca

25.57

sarvabhūtātmabhūtāya sarveśātiśayāya ca
puraghnāya suśastāya dhanvine'tha paraśvadhe

25.58

pūṣadantavināśāya bhaganetrāntakāya ca
kāmadāya variṣṭhāya kāmāṅgadahanāya ca

25.56-2

raṅge karālavaktrāya nāgendravadanāya ca
daityānāmantakeśāya daityākrandakarāya ca

25.60

himaghnāya ca tīkṣṇāya ārdracarmadharāya ca
śmaśānaratinityāya namo'stvakṣadhariṇe

25.61

namaste prāṇapālāya muṇḍamālādharāya ca
prahṛṣṭograikavividhairbhūtaiḥ parivṛtāya ca

25.62

naranārīśarīrāya devyāḥ priyakarāya ca
jaṭine muṇḍine caiva vyālayajñopavītine

25.63

namo'stu nṛtyaśīlāya upanṛtyapriyāya ca
samyave gītaśīlāya munibhirgīyate namaḥ

25.64

kaṭaṅkaṭāya tigmāya apriyāya priyāya ca
vibhīṣaṇāya bhīṣmāya bhagapramathanāya ca

25.65

siddhasaṅghānugītāya mahābhāgāya vai namaḥ
namo muktāṭṭahāsāya kṣveḍitāsphoṭitāya ca

25.66

nardate kūrdate caiva namaḥ pramuditātmane
namo mṛḍāya śvasate dhāvate'dhiṣṭhite namaḥ

25.67

dhyāyate jṛmbhate caiva rudate dravate namaḥ
valgate krīr̤ate caiva lambodaraśarīriṇe

25.68

namo'ktatyāya katyāya muṇḍāya kikaṭāya ca
nama uccattadehāya kiṅkiṇīkāya vai namaḥ

25.69

namo vikratavegrāya krūrāyāmarṣaṣāya ca
aprameyāya goptre ca dīptāyānirguṇāya ca

25.70

vāmapriyāya vāmāya cūḍāmaṇidharāya ca
namastokāya tanave guṇairapramitāya ca

25.71

namo guhyāya guhyāya agamyagamanāya ca
lokadhātrī tviyaṃ bhūmiḥ pādau sajjanasevitau

25.72

sarveṣāṃ siddhiyogānāmadhiṣṭhānaṃ tavodaram
manye'ntarikṣaṃ vistīrṇaṃ tārāgaṇavibhūṣitam

25.73

skhātaḥ patha ivābhāti śrīmān hārastavorasi
diśo daśabhujāstabhyaṃ keyūrāṅgadabhūṣitāḥ

25.74

vistīrṇapariṇāhaśca nīlāñjanacayopamaḥ
kaṇṭhaste śobhate śrīmān hemasūtravibhūṣitaḥ

25.75

daṃṣṭrākarālaṃ durdharṣamanaupamyaṃ mukhaṃ tathā
padmamālākutīṇīṣaṃ śiro dyauḥ śobhate'dhikam

25.76

dīptiḥ sūrye vapuṣaste sthairyyaṃ śaile'nile balam
auṣṇyamagnau tathā śaityamapsu śabdo'mbare tathā

25.77

akṣarāntaraniṣyandād guṇānitān vidurbudhāḥ
japo japyo mahādevī mahāyogo maheśvaraḥ

25.76-2

pureśayo guhāvāsī khecarī rajanaucaraḥ
taponidhirguhaguharnandano nandavardhanaḥ

25.79

hayagrīrśā payodhātā vidhātā bhūtabhāvanaḥ
boddhavyo bodhitā netā durdharṣo duṣprakampanaḥ

25.80

bṛhadratho bhīmakarmā bṛhatkīrttirddhanañjayaḥ
ghaṇṭāpriyo dhvajī chatrī pinākī dhvajinopatiḥ

25.81

kavacī paṭṭiśī khaḍ‌gī dhanurhastaḥ paraśvadhī
aghasmaro'naghaḥ śūro devarājo'rimardanaḥ

25.82

tvāṃ prasādya purāsmābhirdviṣanto nihatā yudhi
agniḥ sadāndhavāmbhastvaṃ pivannapi na tṛpyase

25.83

krodhākāraḥ prasannātmā kāmadaḥ kāmagaḥ priyaḥ
brahmacārī cāgādhyaśca brahmaṇyaḥ śiṣṭapūjitaḥ

25.84

devānāmakayaḥ kośastvayā yajñaḥ prakalpitaḥ
havyantavedaṃ vahati vedoktaṃ havyavāhanaḥ
prīte tvayi mahādeva ! vayaṃ prītā bhavāmahe

25.85

bhavānīśo nādimāṃstvañca sarvalokānāṃ tvaṃ brahmakarttādisargaḥ
sāṃkhyāḥ prakṛteḥ paraṃ tvāṃ viditvā
kṣīṇādhyānāstvāmanṛtya viśanti

25.86

yogācca tvāṃ dhyāyino nirvyāsaṅgaṃ
jñātvā yogān santyajanti punastān
yecāpyanye tvāṃ prapannā viśuddhāḥ
svakarmabhiste divyabhogā bhavanti

25.87

aprasaṃkhyeyatattvasya yathā vijñaḥ svaśaktitaḥ
kīrttitaṃ tava māhātmyamapārasya mahātmanaḥ

25.88

śivo no bhava sarvatra yo'si so'si namo'stu te
sūta uvāca
ya idaṃ kīrtta yedbhaktyā brahmā nārāyaṇastavam

25.86-2

śrāvayed vā dvijān vidvān śṛṇuyādvā samāhitaḥ
aśvamedhāyutaṃ kṛtvā yat phalaṃ tadavāpna yāt

25.60-2

pāpācāro'pi yo martyaḥ śṛṇuyācchivasannidhau
japedvāpi vinirmukto brahmalokaṃ sa gacchati

25.61-2

śrāddhe vā daivike kāryye yajñe vāvabhṛthāntike
kīrttayedvā satāṃ madhye sa yāti brahmaṇo'ntikam

25.61-2.p1

iti śrīlaiṅge brahmaviṣṇustutirnāmaikaviṃśo'dhyāyaḥ || 21

Linked texts (4)