Pramāṇa · Search · About · API

Linga 26: atha dvāviṃśo'dhyāyaḥ

Liṅga 26

Language
Sanskrit

Contents

atha dvāviṃśo'dhyāyaḥ

26.1

sūūta uvāca
atyantāvanatau dṛṣṭvā madhupiṅgāyatekṣaṇaḥ
prahṛṣṭavadano'tyarthamabhavat satyakīrttanāt

26.2

umāpatirvirūpākṣo dakṣayajñavināśanaḥ
pināko khaṇḍaparaśuḥ suprītastu trilocanaḥ

26.3

tataḥ sa bhagavān devaḥ śrutvā vāgamṛtaṃ tayoḥ
jānannapi mahādevaḥ krīr̤āpūrvvamathābravīt

26.4

kau bhavantau mahātmānau parasparahitaiṣiṇau
sametāvambu jābhākṣāvasmin ghore mahāplave

26.5

tāvūcaturmahātmānau sannirokṣya parasparam
bhagavan ! kintva yatte'dya na vijñātaṃ tvayā vibho !

26.6

vibho ! rudra ! mahāmāya ! icchayāvāṃ kṛtau tvayā
tayostadvacanaṃ śrutvā abhinandyābhimānya ca

26.7

uvāca bhagavān devo madhuraṃ ślakṣṇayā girā
bho ! bho ! hiraṇyagarbha ! tvāṃ tvāñca kṛṣṇa ! bravīmyaham

26.8

prīto'hamanayā bhaktyā śāśvatāvyayayuktayā
bhavantau hṛdayasyāsya mama iṣṭatarāvubhau

26.6-2

yuvābhyāṃ kiṃ dadāmyadya varāṇāṃ varamīpsitam
athovāca mahābhāgo viṣṇurbhavamidaṃ vacaḥ

26.10

sarvaṃ mama kṛtaṃ deva ! parituṣṭo'si me yadi
tvayi me supratiṣṭhā tu bhaktirbhavatu śaṅkara !

26.11

evamuktastu vijñāya sambhāvayata keśavam
pradadau ca mahādevo bhaktiṃ nijapadāmbuje

26.12

bhavān sarvasya lokasya karttā tvamadhidaivatam
tadevaṃ svasti te vatsa ! gamiṣyāmyambujekṣaṇa !

26.13

evamuktvā tu bhagavān brahmaṇañcāpi śaṅkaraḥ
anugṛhyāspṛśaddevo brahmāṇaṃ parameśvaraḥ

26.14

karābhyāṃ suśubhābhyāñca prāha hṛṣṭataraḥ svayam
matsamastvaṃ na sandeho vatsa ! bhaktaśca me bhavān

26.15

svastyastu te gamiṣyāmi saṃjñā bhavatu suvrata !
evamuktvā tu bhagavāṃstato'ntardhānamīśvaraḥ

26.16

gatavān vṛṣapo devaḥ sarvadevanamaskṛtaḥ
avāpya saṃjñāṃ govindāt padmayoniḥ pitāmahaḥ

26.17

prajāḥ sraṣṭumathācakre tapa ugraṃ pitāmahaḥ
tasyaivaṃ tapyamānasya na kiñcit samavarttata

26.18

tato dīrgheṇa kālena duḥkhāt krodho hyajāyata
krodhāviṣṭasya netrābhyāṃ prāpatannaśruvindavaḥ

26.18-2

tatastebhyo'śrubindubhyo vātapittakaphātmakāḥ
mahābhāgā mahāsatvāḥ svastikairapyalaṅkṛtāḥ

26.20

prakīrṇakeśāḥ sarpāṃste prādurbhūtā mahāviṣāḥ
sarpāṃstānagrajān dṛṣṭvā brahmātmānamanindayat

26.21

aho ! dhik tapaso mahyaṃ phalamīdṛśakaṃ yadi
lokavaināśikī yacce ādāveva prajā mama

26.22

tasya tīvrābhavanmūrcchā krodhāmarṣasamudbhavā
mūrcchābhipāratāpena jahau prāṇān prajāpatiḥ

26.23

tasyāpratimavīryyasya dehāt kāruṇyapūrvakam
athaikādaśa te rudrā rudanto'bhyakramaṃstathā

26.24

rodanāt khalu rudratvaṃ teṣu vai samajāyata
ye rudrāste khalu prāṇā ye prāṇāste tadātmakāḥ

26.25

prāṇāḥ prāṇavatāṃ jñeyāḥ sarvabhūteṣvavasthitāḥ
atyugrasya mahatvasya sādhurācaritasya ca

26.26

prāṇāṃstasya dadau bhūyastriśūlo nīlalohitaḥ
labdhvāsanaṃ bhagavān brahmā devadevamumāpatim

26.27

praṇamya saṃsthito'paśyad gāyatryā viśvamīśvaram
sarvalokamayaṃ devaṃ dṛṣṭvā stutvā pitāmahaḥ

26.28

tato vismayamāpannaḥ praṇipatyaṃ muhurmuhuḥ
uvāca vacanaṃ śarvaṃ saṃhyādi tvaṃ kathaṃ vibho !

26.28.p1

iti śrīlaiṅge dvāviṃśatitamo'dhyāyaḥ || 22

Linked texts (4)