Linga 27: atha trayoviṃśā'dhyāyaḥ
Liṅga 27
- Language
- Sanskrit
Contents
- 27.51 — 1 part
atha trayoviṃśā'dhyāyaḥ
27.1
sūta uvāca
tasya tadvacanaṃ śrutvā brahmaṇo bhagavān bhavaḥ
brahmarūpī prabodhārthaṃ brahmāṇaṃ prāha sasmitam
27.4
śvetakalpo yadā hyāsīdahameva tadābhavam
śvetoṣṇīṣaḥ śvetamālyaḥ śvetāmbaradharaḥ sitaḥ
śvetāsthiḥ śvetara romāca śvetāsṛk śvetalohitaḥ
tena nāmnā ca vikhyātaḥ śvetakalpastadā hyāsīt
matprasūtā ca deveśī śvetāṅgī śvetalohitā
śvetavarṇā tadā hyāsīdgāyatrī brahmasaṃjñitā
27.5
tasmādahañca deveśa ! tvayā guhyena vai punaḥ
vijñātaḥ svena tapasā sadyojātatvamāgataḥ
27.6
sadyojāteti brahma taddhyāścaitat prakīrtitam
tasmādguhyatvamāpannaṃ ye vetsyanti dvijātayaḥ
27.7
matsamīpaṃ gamiṣyanti punarāvṛttidurlabham
yadācaiva punastvāsīllohito nāma nāmataḥ
27.8
matkṛtena ca varṇena kalpo vai lohitaḥ smṛtaḥ
tadā lohitamāṃsāsthi lohitacīrasambhavā
27.6-2
lohitākṣī stanavatī gāyatrī gauḥ prakīrtitā
tato'syā lohitatvena varṇasya ca viparyayāt
27.10
vāmatvāccaiva devasya vāmadevatvamāgataḥ
tatrāpi ca mahāsatva ! tvayāhaṃ niyatātmanā
27.11
śū0--6
vijñātaḥ svena yogena tasmin varṣāntare sthitaḥ
tataśca vāmadeveti khyātiṃ yāto'smi bhūtale
27.13
ye cāpi vāmadeva tvaṃ jñāsyantīha dvijātayaḥ
rudralokaṃ gamiṣyanti punarāvṛttidurlabham |) 12
yadāhaṃ punareveha pītavarṇo yugakramāt
matkṛtena ca nāmnā vai pītakalpo'bhavattadā
27.14
matprasūtā ca deveśī pītāṅgī pītalohitā
pītavarṇā tadāhyāsīd gāyatrī brahmasaṃjñitā
27.15
tatrāpi ca mahāsatva ! yogayuktena cetasā
yasmādahantve vijñāto yogatatparamānasaḥ
27.16
tatra tatpuruṣatvena vijñāto'haṃ tvayā punaḥ
tasmāttatpuruṣatvaṃ vai mamaitat kanakāṇḍaja !
27.17
ye māṃ rudrañca rudrāṇīṃ gāyatrīṃ vedamātaram
vetsyanti tapasā yuktā vimalā brahmasaṅgatāḥ
27.18
rudralokaṃ gamiṣyanti punarāvṛttidurlabham
yadāhaṃ punarevāsaṃ kṛṣṇavarṇo bhayānakaḥ
27.18-2
matkṛtena ca varṇena saṅkalpaḥ kṛṣṇa ucyate
tatrāhaṃ kālasaṅkāśaḥ kālo lokaprakālakaḥ
27.20
vijñāto'haṃ tvayā brahman ! ghoro ghoraparākramaḥ
matprasūtā ca gāyatrī kṛṣṇāṅgī kṛṣṇalohitā
27.21
kṛṣṇarūpā ca deveśa ! tadāsaubrahmasaṃjñitā
tasmādghoratvamāpannaṃ ye māṃ vetsyanti bhūtale
27.22
teṣāmaghoraḥ śāntaśca bhaviṣyāmyahamavyayaḥ
punaśca viśvarūpatvaṃ yadā brahman ! mamābhavat
27.23
tadāpyahaṃ tvayā jñātaḥ parameṇa samādhinā
viśvarūpā ca saṃvṛttā gāyatrī lokadhāriṇī
27.24
tasmin viśvatvamāpannaṃ ye māṃ vetsyanti bhūtale
teṣāṃ śivaśca saumyaśca bhaviṣyāmi sadaiva hi
27.25
yasmācca viśvarūpo vai kalpo'yaṃ samudāhṛtaḥ
viśvarūpā tathā ceyaṃ sāvitrī samudāhṛtā
27.26
sarvarūpā tathā ceme saṃvṛttā mama putrakāḥ
catvāraste mayā khyātāḥ putrā vai lokasaṃmatāḥ
27.27
yasmācca sarvavarṇatvaṃ prajānāñca bhaviṣyati
sarvabhakṣā ca medhyā ca varṇataśca bhaviṣyati
27.28
mokṣodharmastathārthaśca kāmaśceti catuṣṭayam
yasmādbhe dāśca vedāśca caturddhā vai bhaviṣyati
27.28-2
bhūtagrāmāśca catvāra āśramāśca tathaiva ca
dharmasya pādāścatvāraścatvāro mama putrakāḥ
27.30
tasmāccaturyugāvasthaṃ jagadvai sacarācaram
caturdhāvasthitañcaiva catuṣpādo bhaviṣyati
27.31
bhūloko'tha bhuvarlokaḥ svarlokaśca mahastathā
janastapaśca satyañca viṣṇulokastataḥ param
27.32
aṣṭākṣarasthito lokaḥ sthāne sthāne tadakṣaram
bhūrbhuvaḥ svarmahaścaiva pādāścatvāra eva ca
27.33
bhūrlokaḥ prathamaḥ pādo bhuvarlokastataḥ param
svarloko vai tṛtīyaśca caturthastu mahastathā
27.34
pañcamastu janastatra ṣaṣṭhaśca tapa ucyate
satyantu saptamo loko hyapunarbhavagāminām
27.35
viṣṇulaukaḥ smṛtaṃ sthānaṃ punarāvṛttidurlabham
skāndamaumantathā sthānaṃ sarvvasiddhisamanvitam
27.36
rudralokaḥ smṛtastasmāt padaṃ tad yogināṃ śubham !
nirmamā nirahaṅkārāḥ kāmakrodhavivarjitāḥ
27.37
drakṣyanti tad dvijā yuktā dhyānatatparamānasāḥ
yasmāccatuṣpadā hyeṣā tvayā dṛṣṭā sarasvatī
27.38
pādāntaṃ viṣṇulokaṃ vai kaumāraṃ śāntamuttamam
omaṃ māheśvarañcaiva tasmād dṛṣṭā catuṣpadā
27.36-2
tasmāttu paśavaḥ sarvve bhaviṣyanti catuṣpadāḥ
tataścaiṣāṃ bhaviṣyanti catvāraste payodharāḥ
27.41
somaśca mantrasaṃyukto yasmānmama mukhāt cyutaḥ
jīvaḥ prāṇabhṛtāṃ brahman ! punaḥ pītastanāḥ smṛtāḥ
27.41-2
tasmātsomamayañcaiva amṛtaṃ jīvasaṃjñitam
catuṣpādā bhaviṣyanti hyetatvañcāsya tena tat
27.42
yasmāccaiva kriyā bhūtvā dvipadā ca maheśvarī
dṛṣṭā punastathaivaiṣā sāvitrī lokabhāvinī
27.43
tasmācca dvipadāḥ sarvve dvistanāśca narāḥ śubhāḥ
tasmācceyamajā bhūtvā sarvvavarṇā maheśvarī
27.44
yā vai dṛṣṭā mahāsatvā sarvvabhūtadharā tvayā
tasmācca viśvarūpatvaṃ prajānāṃ vai bhaviṣyati
27.45
ajaścaiva mahātejā viśvarūpo bhaviṣyati
amogharetāḥ sarvvatra mukhecāsya hutāśanaḥ
27.4-2
tasmāt sarvvagato medhyaḥ paśurūpī hutāśanaḥ
tapasā bhāvitātmāno ye māṃ drakṣyanti vai dvijāḥ
27.47
iśitve ca vaśitveca sarvvagaṃ sarvvataḥ sthitam
rajastamobhyāṃ nirmuktāstyaktvā mānuṣyakaṃ vapuḥ
27.48
matsamīpamupeṣyanti punarāvṛttidurlabham
ityevamukto bhagavān brahmā rudreṇa vai dvijāḥ !
27.46
praṇamya prayato bhūtvā punarāha pitāmahaḥ
ya evaṃ bhagavan ! vidvān gāyacā vai maheśvaram
27.50
viśvātmānaṃ hi sarvaṃ tvāṃ gāyatrāstava ceśvara !
tasya dehi paraṃ sthānaṃ tathāstviti ca so'bravīt
27.51
tasmād vidvān hi viśvatvamasyāścāsya mahātmanaḥ
sa yāti brahmasāyujyaṃ vacanād brahmaṇaḥ prabhoḥ
27.51.p1
iti śrīlaiṅge trayoviṃśo'dhyāyaḥ || 13
Linked texts (2)
- Liṅgapurāṇa — Ativīrarāma Pāṇṭiyar 1500, Sanskrit
- Liṅgapurāṇa — Vyāsa, Sanskrit