Linga 28: atha caturviṃśo'dhyāyaḥ
Liṅga 28
- Language
- Sanskrit
Contents
- 28.150 — 1 part
atha caturviṃśo'dhyāyaḥ
28.1
sūta uvāca
śrutvaivamakhilaṃ brahmā rudre ṇa paribhāṣitam
punaḥ praṇamya deveśaṃ rudramāha prajāpatiḥ
28.2
bhagavan ! devadeveśa ! viśvarūpa ! maheśvara !
umādhava ! mahādeva ! namo lokābhivandita !
28.3
viśvarūpa ! mahābhāga ! kasmin kāle maheśvara !
yā imāste mahādeva ! tanavo lokavanditāḥ
28.4
kasyāṃ vā yugasandhyāyāṃ drakṣyantīha dvijātayaḥ
kena vā tapasā deva ! dhyānayogena kena vā
28.5
namaste vai mahādeva ! śakyo draṣṭuṃ dvijātibhiḥ
tasya tadvacanaṃ śrutvā śarvaḥ samprekṣya taṃ puraḥ
28.6
smayan prāha mahādevo ṛgyajuḥsāmasambhavaḥ
śrībhagavānuvāca
tapasā naiva vṛttena dānadharmaphalena ca
28.7
na tīrthaphalayogena kratubhirvāptadakṣiṇeḥ
na vedādhyayanairvāpi na vittena na vedanaiḥ
28.8
na śakyaṃ mānavairdraṣṭum ṛte dhyānādahaṃ tviham
saptame caiva vārāhe tatastasmin pitāmaha !
28.9
kalpeśvaro'tha bhagavān sarvalokaprakāśanaḥ
manurvaivasvataścaiva tava pautro bhaviṣyati
28.10
tadā caturyugāvasthe tasmin kalpe yugāntike
anugrahārthaṃ lokānāṃ brāhmaṇānāṃ hitāya ca
28.11
utpatsyāmi tadā brahman ! punarasmin yugāntike
yugapravṛttyā ca tadā tasmiṃśca prathame yuge
28.12
dvāpare prathame brahman ! yadā vyāsaḥ svayaṃ prabhuḥ
tadāhaṃ brāhmaṇārthāya kalau tasmin yugāntike
28.13
bhaviṣyāmi śikhāyukto śva to nāma mahāmuniḥ
himavacchikhare ramye chāgale parvatottame
28.14
tatra śiṣyāḥ śikhāyuktā bhaviṣyanti tadā mama
śvetaḥ śvetaśikhaścaiva śvetāsyaḥ śve talohitaḥ
28.15
catvārastu mahātmāno brāhmaṇā vedapāragāḥ
tatastaṃ brahmabhūryiṣṭhā dṛṣṭvā brahmagatiṃ parām
28.16
rudrasamīpaṃ gamiṣyanti dhyānayogaparāyaṇāḥ
tataḥ punaryadā brahman ! dvitīye dvāpare prabhuḥ
28.17
prajāpatiryadā vyāsaḥ sadyonāma bhaviṣyati
tadā lokahitārthāya sutāro nāma nāmataḥ
28.18
bhaviṣyāmi kalau tasmin śiṣyānugrahakāmyayā
tatrāpi mama te śiṣyā nāmataḥ parikīrttitāḥ
28.18-2
dundubhiḥ śatarūpaśca ṛcīkaḥ ketumāṃstadā
prāpya yogaṃ tathā dhyānaṃ sthāpya brahma ca bhūtale
28.20
rudralokaṃ gamiṣyanti sahacāritvameva ca
tṛtīye dvāpare caiva yadā vyāsastu bhārgavaḥ
28.21
tadāpyahaṃ bhaviṣyāmi damanastu yugāntike
tatrāpi ca bhaviṣyanti catvāro mama putrakāḥ
28.22
viśoṣāśca vikeśaśca vipāśaḥ śāpanāśanaḥ
te'pi tenaiva mārgeṇa yogoktena mahaujasaḥ
28.23
rudralokaṃ gamiṣyanti punarāvṛttidurlabham
caturthe dvāpare caiva yadā vyāso'ṅgirāḥ smṛtaḥ
28.24
tadāpyahaṃ bhaviṣyāmi suhotro nāma nāmataḥ
tatrāpi mama te putrāścatvāro'pi tapodhanāḥ
28.25
dvijaśreṣṭhā bhaviṣyanti yogātmāno dṛḍhavratāḥ
sumukho durmukhaścaiva durddharo duratikramaḥ
28.26
prāpya yogagatiṃ sūkṣmāṃ vimalā dagdhakilbiṣāḥ
te'pi tenaiva mārgeṇa yogayuktā mahaujasaḥ
28.27
rudralokaṃ gamiṣyanti punarāvṛttidurlabham
pañcame dvāpare caiva vyāsastu savitā yadā
28.28
tadā cāpi bhaviṣyāmi kaṅkonāma mahātapāḥ
anugrahārthaṃ lokānāṃ yogātmakakalāgatiḥ
28.26-2
catvārastu mahābhāgā vimalāḥ śuddhayonayaḥ
śiṣyā mama bhaviṣyanti yogātmāno dṛr̤havratāḥ
28.30
sanakaḥ sanandanaścaiva prabhuryyaśca sanātanaḥ
vibhuḥ sanatkumāraśca nirmamā nirahaṅkṛtāḥ
28.31
matsamīpamupeyryānti punarāvṛttidurlabham
parivartte punaḥ ṣaṣṭhe mṛtyurvyāso yadā vibhuḥ
28.32
tadāpyahaṃ bhaviṣyāmi laugākṣirnāma nāmataḥ
tatrāpi mama te śiṣyā yogātmāno dṛr̤havratāḥ
28.33
bhaviṣyanti mahābhāgāścatvāro lokasammatāḥ
sudhāmā virajāścaiva śaṅkhapādaja eva ca
28.34
yogātmāno mahātmānaḥ sarve vai dagdhakilbiṣāḥ
te'pi tenaiva mārgeṇa dhyānayogasamanvitāḥ
28.35
matsamīpaṃ gamiṣyanti punarāvṛttidurlabham
saptame parivartte tu yadā vyāsaḥ śatakratuḥ
28.36
vibhurnāmā mahātejāḥ prathitaḥ pūrvajanmani
tadāpyahaṃ bhaviṣyāmi kalau tasmin yugāntike
28.37
jaigīṣavyo vibhuḥ khyātaḥ sarveṣāṃ yogināṃ varaḥ
tatrāpi mama te putrā bhaviṣyanti yuge tathā
28.38
sārasvataśca meghaśca meghavāhaḥ suvāhanaḥ
te'pi tenaiva mārgeṇa dhyānayogaparāyaṇāḥ
28.36-2
gamiṣyanti mahātmāno rudralokaṃ nirāmayam
vasiṣṭhaścāṣṭame vyāsaḥ parivartte bhaviṣyati
28.40
yadā tadā bhaviṣyāmi nāmnāhaṃ dadhivāhanaḥ
tatrāpi mama te putrā yogātmāno dṛr̤havratāḥ
28.41
bhaviṣyanti mahāyogā yeṣāṃ nāsti samo bhuvi
kapilaścāsuriścaiva tathā pañcaśikho muniḥ
28.42
vāṣkalaśca mahāyogī dharmātmāno mahaujasaḥ
prāpya māheśvaraṃ yogaṃ jñānino dagdhakilbiṣāḥ
28.43
matsamīpaṃ gamiṣyanti punarāvṛttidurlabham
parivartte tu navame vyāsaḥ sārasvato yadā
28.44
tadāpyahaṃ bhaviṣyāmi ṛṣabhau nāma nāmataḥ
tatrāpi mama te putrā bhaviṣyanti mahaujasaḥ
28.45
parāśaraśca gargaśca bhārgavāṅgirasau tadā
bhaviṣyanti mahātmāno brāhmaṇā vedapāragāḥ
28.46
dhyānamārgaṃ samāsādya gamiṣyanti tathaiva te
sarvve tapobalotkṛṣṭataḥ śāpānugrahakovidāḥ
28.47
te'pi tenaiva mārgeṇa yogokte na tapasvinaḥ
rudralokaṃ gamiṣyanti punarāvṛttidurlabham
28.48
daśame dvāpare vyāsaḥ tripāhe nāma nāmataḥ
yadā bhaviṣyate viprastadāhaṃ bhavitā muniḥ
28.49
himavacchikhare ramye bhṛgutuṅge nagottame
nāmnā bhṛgostu śikharaṃ prathitaṃ devapūjitam
28.50
tatrāpi mama te putrā bhaviṣyanti dṛḍhavratāḥ
balabandhurnirāmitraḥ ketuśṛṅgastapodhanaḥ
28.51
yogātmāno mahātmānastapoyogasamanvitāḥ
rudralokaṃ gamiṣyanti tapasā dagdhakilbiṣāḥ
28.52
ekādaśe dvāpare tu vyāsastu trivrato yadā
tadāpyahaṃ bhaviṣyāmi gaṅgādvāre kalau tathā
28.53
ugronāma mahātejāḥ sarvvalokeṣu viśrutaḥ
tatrāpi mama te putrā bhaviṣyanti mahaujasaḥ
28.54
lambodaraśca lambākṣolambakeśaḥ pralambakaḥ
prāpya māheśvaraṃ yogaṃ rudralokaṃ gatā hi te
28.55
dvādaśe parivartte tu śatatejā yadā muniḥ
bhaviṣyati mahātejā vyāsastu kavisattamaḥ
28.56
tadāpyahaṃ bhaviṣyāmi kalāvihaṃ yugāntike
haitukaṃ vanamāsādya atrirnāmnā pariśrutaḥ
28.57
tatrāpi mama te putrā bhasmasnānānulepanāḥ
bhaviṣyanti mahāyogā rudralokaparāyaṇāḥ
28.58
sarvvajñaḥ samabuddhiśca sādhyaḥ sarvvastathaiva ca
prāpya māheśvaraṃ yogaṃ rudralokaṃ gatā hi te
28.59
trayodaśe punaḥ prāpte parivartte krameṇa tu
dharmmo nārāyaṇo nāma vyāsastu bhavitā yadā
28.60
tadāpyahaṃ bhaviṣyāmi vālirnāma mahāmuniḥ
vālakhilyāśrame puṇye parvvate gandhamādane
28.61
tatrāpi mama te putrā bhaviṣyanti tapodhanāḥ
sudhāmā kāśyapaścaiva vāsiṣṭho virajāstathā
28.62
mahāyaugabalopetā vimalā ūrddhva retasaḥ
prāpya māheśvaraṃ yogaṃ rudralokaṃ gatā hi te
28.63
yadā vyāsastaraṃstustu paryyāye tu caturddaśe
tatrāpi punarevāhaṃ bhaviṣyāmi yugāntike
28.64
vaṃśe tvaṅgirasāṃ śreṣṭhe gautamonāma nāmataḥ
bhaviṣyati mahāpuṇyaṃ gautamaṃ nāma tadvanam
28.65
tatrāpi mama te putrā bhaviṣyanti kalau tadā
atrirdevasadaścaiva śravaṇo'tha śraviṣṭhakaḥ
28.66
yogātmāno mahātmānaḥ sarve yogasamanvitāḥ
prāpya māheśvaraṃ yogaṃ rudralokāya te gatāḥ
28.67
tataḥ pañcadaśe prāpte parivarte kramāgate
vaiyyāruṣiryadā vyāso dvāpare samajāyata
28.68
tadāpyahaṃ bhaviṣyāmi nāmnā vedaśirā dvijaḥ
tatra vedaśiro nāma astraṃ tat pārameśvaram
28.69
bhaviṣyati mahāvīryaṃ vedaśīrṣañca parvataḥ
himavatpṛṣṭhamāsādya sarasvatyāṃ nagottame
28.70
tatrāpi mama te putrā bhaviṣyanti tapodhanāḥ
kuṇiśca kuṇibāhuśca kuśarīraḥ sunetrakaḥ
28.71
yogātmāno mahātmānaḥ sarve te hyurdhvaretasaḥ
prāpya māheśvaraṃ yogaṃ rudralokāya te gatāḥ
28.72
vyāso yuge ṣoḍaśe tu yadā devo bhaviṣyati
tatra yogapradānāya bhaktānāñca yatātmanām
28.73
tadāpyahaṃ bhaviṣyāmi gokarṇo nāma nāmataḥ
bhaviṣyati supuṇyañca gokarṇaṃ nāma tadvanam
28.74
tatrāpi mama te putrā bhaviṣyanti ca yoginaḥ
kāśyapo hyuśanāścaiva cyavano'tha bṛhaspatiḥ
28.75
te'pi tenaiva mārgeṇa dhyānayogasamanvitāḥ
prāpya māheśvaraṃ yogaṃ gantāro rudrameva hi
28.76
tataḥ saptadaśe caiva parivarte kramāgate
bhadā bhaviṣyati byāso nāmnā devakṛtaccayaḥ
28.77
tadāpyahaṃ bhaviṣyāmi guhāvāsīti nāmataḥ
himavacchikhare ramye mahottuṅge mahālaye
28.78
siddhacetaṃ mahāpuṇyaṃ bhaviṣyati mahālayam
tatrāpi mama te putrā yogajñā brahmavādinaḥ
28.79
bhaviṣyanti mahātmāno nirmamā nirahaṅkṛtāḥ
utathyo vāmadevaśca mahāyogo mahābalaḥ
28.80
teṣāṃ śatasahasrantu śiṣyāṇāṃ dhyānayogināṃ
bhaviṣyanti tadā kāle sarve te dhyānayuṅgakāḥ
28.81
yogābhyāsaratāścai va hṛdi kṛtvā maheśvaram
mahālaye padaṃ nyastaṃ dṛṣṭvā yānti śivaṃ padam
28.82
ye cānye 'pi mahātmānaḥ kalau tasmin yugāntike
dhyāne manaḥ samādhāya vimalāḥ śuddhabuddhayaḥ
28.83
mama prasādādyāsyanti rudralokaṃ gatajvarāḥ
gatvā mahālayaṃ puṇyaṃ dṛṣṭvā māheśvaraṃ padam
28.84
tīrṇastārayate janturdaśapūrvān daśottarām
ātmānamekaviṃśantu tārayitvā mahālaye
28.85
mama prasādād yāsyanti rudralokaṃ gatajvarāḥ
tato'ṣṭādaśame caiva parivarte yadā vibho !
28.86
tadā ṛtañjayo nāma vyāsastu bhavitā muniḥ
tadāpyahaṃ bhaviṣyāmi śikhaṇḍī nāma nāmataḥ
28.87
siddhacetre mahāpuṇye devadānavapūjite
himavacchikhare ramye śikhaṇḍī nāma parvataḥ
28.88
śikhaṇḍino vanañcāpi yatra siddhaniṣevitam
tatrāpi mama te putrā bhaviṣyanti tapodhanāḥ
28.86-2
vācaśravā ṛcīkaśca śyāvāśvaśca yatīśvaraḥ
yogātmāno mahātmānaḥ sarve te vedapāragāḥ
28.60-2
prāpya māheśvaraṃ yogaṃ rudralokāya saṃvṛtāḥ
atha ekonaviṃśe tu parivarte kramāgate
28.61-2
vyāsastu bhavitā nāmnā bharadvājo mahāmuniḥ
tadāpyahaṃ bhaviṣyāmi jaṭāmālī ca nāmataḥ
28.62-2
himavacchikhare ramye jaṭāyuryatra parvataḥ
tatrāpi mama te putrā bhaviṣyanti mahaujasaḥ
28.63-2
hiraṇyanābhaḥ kauśalyo laugākṣī kuthumistathā
īśvarā yogadharmmāṇaḥ sarve te hyurdhvaretasaḥ
28.64-2
prāpya māheśvaraṃ yogaṃ rudralokāya saṃsthitāḥ
tato viṃśatimaścaiva parivarttī yadā tadā
28.65-2
gautamastu tadā vyāso bhaviṣyati mahāmuniḥ
tadāpyahaṃ bhaviṣyāmi aṭṭahāsastu nāmataḥ
28.66-2
aṭṭahāsapriyāścaiva bhaviṣyanti tadā narāḥ
tatraiva himavatpṛṣṭhe aṭṭahāso mahāgiriḥ
28.67-2
devadānavayacendrasiddhacāraṇasevitaḥ
tatrāpi mama te putrā bhaviṣyanti mahaujasaḥ
28.68-2
yogātmāno mahātmāno dhyāyino niyatavratāḥ
sumanturbarbarī vidvān kabandhaḥ kuśikandharaḥ
28.68-3
prāpya māheśvaraṃ yogaṃ rudralokāya te gatāḥ
ekaviṃśe punaḥ prāpte parivarte kramāgate
28.100
vācaśravāḥ smṛto vyāso yadā sa ṛṣisattamaḥ
tadāpyahaṃ bhaviṣyāmi dāruko nāma nāmataḥ
28.101
tasmādgamiṣyate puṇyaṃ devadāruvanaṃ śubham
tatrāpi mama te putrā bhaviṣyanti mahaujasaḥ
28.102
plakṣo dārbhāyaṇicaiva ketumān gautamastathā
yogātmāno mahātmāno niyatā ūrdhvaretasaḥ
28.103
naiṣṭhikaṃ vratamāsthāya rudralokāya te gatāḥ
dvāviṃśe parivartte tu vyāsaḥ śuṣṇāyaṇo yadā
28.104
tadāpyahaṃ bhaviṣyāmi vārāṇasyāṃ mahāmuniḥ
nāmnā vai lāṅgalī bhīmo yatra devāḥ savāsavāḥ
28.105
drakṣyanti māṃ kalau tasmin bhavaścaiva halāyudham
tatrāpi mama te putrā bhaviṣyanti sudhārmikāḥ
28.106
bhallavī madhupiṅgaśca śvetaketuḥ kuśastathā
prāpya māheśvaraṃ yogaṃ te'pi dhyānaparāyaṇāḥ
28.107
vimalā brahmabhūyiṣṭhā rudralokāya saṃsthitāḥ
parivartte trayoviṃśe tṛṇabinduryadā muniḥ
28.108
vyāso hi bhavitā brahmaṃstadāhaṃ bhavitā punaḥ
śveto nāma mahākāyo muniputrastu dhārmikaḥ
28.106-2
tatra kālaṃ jarayiṣyāmi tadā girivarottame
tena kālañjaro nāma bhaviṣyati sa parvataḥ
28.110
tatrāpi mama te śiṣyā bhaviṣyanti tapasvinaḥ
uśiṇako bṛhadaśvaśca devalaḥ kavirave ca
28.111
prāpya māheśvaraṃ yogaṃ rudralokāya te gatāḥ
parivartte caturviṃśe vyāso ṛkṣo yadā vibho !
28.112
tadāpyahaṃ bhaviṣyāmi kalau tasmin yugāntike
śūlī nāma mahāyogī naimiṣe devavandite
28.113
tatrāpi mama te śiṣyā bhaviṣyanti tapodhanāḥ
śālihotro'gniveśaśca yuvanāśvaḥ śaradvasuḥ
28.114
te'pi tenaiva mārgeṇa rudralokāya saṃsthitāḥ
pañcaviṃśe punaḥ prāpte parivarte kramāṃgate
28.115
vāsiṣṭhastu yadā vyāsaḥ śaktirnāmnā bhaviṣyati
tadāpyahaṃ bhaviṣyāmi daṇḍī muṇḍīśvaraḥ prabhuḥ
28.116
tatrāpi mama te putrā bhaviṣyanti tapodhanāḥ
kagalaḥ kuṇḍakarṇaśca kumbhāṇḍaśca pravāhakaḥ
28.117
prāpya māheśvaraṃ yogamamṛtatvāya te gatāḥ
ṣaḍ viṃśe parivarte tu yadā vyāsaḥ parāśaraḥ
28.118
tadāpyahaṃ bhaviṣyāmi sahiṣṇurnāma nāmataḥ
puraṃ bhadravaṭaṃ prāpya tasmin yugāntike
28.119
tatrāpi mama te putrā bhaviṣyanti sudhārmikāḥ
ulūko vidyutsaṃjñaśca tathā ca śambalāyanaḥ
28.120
prāpya māheśvaraṃ yogamamṛtatvāya te gatāḥ
saptaviṃśe punaḥ prāpte parivarte kramāṃgate
28.121
jātūkaṇyo yadā vyāso bhaviṣyati tapodhanaḥ
tadāpyahaṃ bhaviṣyāmi somaśarmā dvijottamaḥ
28.122
prabhāsatīrthamāśritya yogātmā yogavittamaḥ
tatrāpi mama te śiṣyā bhaviṣyanti tapodhanāḥ
28.123
akṣapādaḥ kumāraśca ulūko vatsa eva ca
yogātmāno mahātmāno vimalāḥ śuddhabuddhayaḥ
28.124
prāpya māheśvaraṃ yogaṃ rudralokaṃ tato gatāḥ
aṣṭāviṃśe punaḥ prāpte parivarte kramāgate
28.125
parāśarasutaḥ śrīmān viṣṇurlokapitāmahaḥ
yadā bhaviṣyati vyāso nāmnā dvaipāyanaḥ prabhuḥ
28.126
tadā ṣaṣṭhena cāṃśena kṛṣṇaḥ puruṣasattamaḥ
vasudevādyaduśreṣṭho bāsudevo bhaviṣyati
28.127
tadāpyahaṃ bhaviṣyāmi yogātmā yogamāyayā
lokavismāpanārthāya brahmacāriṇagaurakaḥ
28.128
śmaśāne mṛtamutsṛṣṭaṃ dṛṣṭvā kāya manāthakam
brāhmaṇānāṃ hitārthāya praviṣṭo yogamāyayā
28.129
divyāṃ meruguhāṃ puṇyāṃ tvayā sārdhañca viṣṇunā
bhaviṣyāmi tadā brahman ! lakulī nāma nāmataḥ
28.130
kāyāvatāra ityevaṃ siddhakṣetrañca vai tadā
bhaviṣyati suvikhyātaṃ yāvadbhūmirdhariṣyati
28.131
tatrāpi mama te putrā bhaviṣyanti tapasvinaḥ
kuśikaścaiva gargaśca mitraḥ kaurūṣya eva ca
28.132
yogātmāno mahātmāno brāhmaṇā vedapāragāḥ
prāpya māheśvaraṃ yogaṃ vimalā hyūrdhvaretasaḥ
28.133
rudralokaṃ gamiṣyanti punarāvṛttidurlabham
ete pāśupatāḥ siddhāḥ bhasmoddhūlitavigrahāḥ
28.134
liṅgārcanaratā nityaṃ bāhyābhyantarataḥ sthitāḥ
bhaktyā mayi ca yogena dhyānaniṣṭhā jitendriyāḥ
28.135
saṃsārabandhacchedārthaṃ jñānamārgaprakāśakam
svarūpajñānasiddhārthaṃ yogaṃ pāśupataṃ mahat
28.136
yogamārgā anekāśca jñānamārgāstvanekaṇaḥ
na nirvṛtimupāyānti vinā pañcākṣarīṃ kvacit
28.137
yadā caret tapaścāyaṃ sarvvadvandvavivarjitam
tadā sa mukto mantavyaḥ pakkaṃ phalamiva sthitaḥ
28.138
ekāhaṃ yaḥ pumān samyak caret pāśupatavratam
na sāṅkhye pañcarātre vā na prāpnoti gatiṃ kadā
28.138-2
ityetadvai mayā proktamavatāreṣu lakṣaṇam
manvādi kṛṣṇaparyyantamaṣṭāviṃśad yugrakramāt
28.140
tatra śrutisamūhānāṃ vibhāgī dharmalakṣaṇaḥ
bhaviṣyati tadā kalpe kṛṣṇadvaipāyano yadā
28.141
sūta uvāca
niśamyaivaṃ mahātejā mahādevena kīrttitam
rudrāvatāraṃ bhagavān praṇipatya maheśvaram
28.142
tuṣṭāva vāgbhiriṣṭābhiḥ punaḥ prāha ca śaṅkaram
pitāmaha uvāca
sarve viṣṇumayā devāḥ sarve viṣṇumayā gaṇāḥ
28.143
na hi viṣṇusamā kācitgatiranyā vidhīyate
ityevaṃ satataṃ vedā gāyanti nātra saṃśayaḥ
28.144
sa devadevo bhagavāṃstava liṅgārcane rataḥ
tava praṇāmaparamaḥ kathaṃ devo hyabhūt prabhuḥ
28.145
sūta uvāca
niśamya vacanaṃ tasya brahmaṇaḥ parameṣṭhinaḥ
prapibanniva cakṣurbhyāṃ prītastatpraśnagauravāt
28.146
pūjāprakaraṇaṃ tasmai tamālokyāha śaṅkaraḥ
bhavānnārāyaṇaścaiva śakraḥ sākṣāt surottamaḥ
28.14-2
munayaśca sadā liṅgaṃ sampūjya vidhipūrvakam
svaṃ svaṃ padaṃ vibho ! prāptāstasmāt sampūjayanti te
28.148
liṅgārcanaṃ vinā niṣṭhā nāsti tasmājjanārddanaḥ
ātmano yajate nityaṃ śraddhayā bhagavān prabhuḥ
28.146-2
ityevamuktvā brahmāṇam anugṛhya maheśvaraḥ
punaḥ samprekṣya deveśaṃ tatraivāntaradhīyata
28.150
tamuddiśya tadā brahmā namaskṛtya kṛtāñjaliḥ
sraṣṭuṃ khageśaṃ bhagavān labdhasaṃjñastu śaṅkarāt
28.150.p1
iti śrīlaiṅge caturviṃśatitamo'dhyāyaḥ || 24
Linked texts (3)
- Liṅgapurāṇa — Vyāsa, Sanskrit
- Varāhapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit