Linga 29
Liṅga 29
- Language
- Sanskrit
Contents
- 29.28-2 — 1 part
29.1
pañcaviṃśo'dhyāyaḥ
ṛṣaya ūcuḥ
kathaṃ pūjyo mahādevo liṅgamūrttimaṃ heśvaraḥ
vaktumarhasi cāsmākaṃ romaharṣaṇasāmpratam
29.2
sūta uvāca
devyā pṛṣṭo mahādevaḥ kailāse tāṃ nagātmajām
aṅkasthāmāha deveśo liṅgārcanavidhiṃ kramāt
29.3
tadā pārśve sthito nandī śālaṅkāyanakātmajaḥ
śrutvākhilaṃ purā prāha brahmaputrāya suvratāḥ
29.4
sanatkumārāya śubhaṃ liṅgārcanavidhiṃ param
tasmād vyāso mahātejāḥ śrutavān śrutisañcitam
29.5
jñānayogopacāraṃ ca yathā śailādino mukhāt
śrutavān tat pravakṣyāmi snānārthaṃ cārcanāvidhim
29.6
śilādiruvāca
atha snānavidhiṃ vakṣye brāhmaṇānāṃ hitāya ca
sarvapāpaharaṃ sākṣācchivena kathitaṃ purā
29.7
anena vidhinā snātvā sakṛt pūjya ca śaṅkaram
brahmakūrcaṃ ca pītvā tu sarvapāpaiḥ pramucyate
29.8
trividhaṃ snānamākhyātaṃ devadevena śambhunā
hitāya brāhmaṇādyānāṃ caturmukhasutottama !
29.6-2
vāruṇaṃ purataḥ kṛtvā tataścāgneyamuttamam
mantrasnānaṃ tataḥ kṛtvā pūjayet parameśvaram
29.10
bhāvaduṣṭo'mbhasi snātvā bhasmanā ca na śuddhyati
bhāvaśuddhastvarecchaucamanyathā na samācaret
29.11
saritsarastar̤āgeṣu sarveṣvāpralayaṃ naraḥ
snātvāpi bhāvaduṣṭaścenna śuddhyati nasaṃśayaḥ
29.12
nṛṇāṃ hi cittakamalaṃ prabuddhamabhavad yadā
prasuptaṃ tamasā jñānabhānorbhāsā tadā śuciḥ
29.13
mṛcchaktitpuṣpañca snānārthaṃ bhasitaṃ tathā
ādāya tīre nikṣipya snātatīrthe kuśāni ca
29.14
prakṣālyācamya pādau ca malaṃ dehādviśodhya ca
dravyaistu tīradeśasthaistataḥ snānaṃ samācaret
29.15
uddhṛtāsīti mantreṇa punardehaṃ viśodhayet
mṛdādāya tataścābhyaṅgasnaṃ snātvā hyanuttamam
29.16
gandhadvārāṃ durādharṣāmiti mantreṇa mantravit
kapilāgomayenaiva khasrainaiva tu lepayet
29.17
punaḥ snātvā parityajya tadvastraṃ malinaṃ tataḥ
śuklavastraparīdhāno bhūtvā srānaṃ samācaret
29.18
sarvapāpaviśuddhārthamāvāhya varuṇaṃ tathā
sampūjya manasā devaṃ dhyānayajñena vaibhavam
29.16-2
ācamya tristadā tīrthe hyavagāhya bhavaṃ smaran
punarācamya vidhivadabhimantrya mahājalam
29.20
avagāhya punastasmin japeddhai cāghamarṣaṇam
tantoye bhānusomāgnimaṇḍalañca smareddśī
29.21
ācamya ca punastasmājjalāduttīryya mantravit
praviśya tīrthamadhye tu punaḥ puṇyavivṛddhaye
29.22
śṛṅgeṇa parṇapuṭakaiḥ pālāśaiḥ cālitaistathā
sakuśena sapuṣpeṇa jalenaivābhiṣecayet
29.23
rudreṇa pavamānena tvaritākhyena mantravit
tarat samandivargādyaistathā śāntidvayena ca
29.24
śāntidharmeṇa caikena pañcabrahmapavitrakaiḥ
tattanmantrādhidevānāṃ svarupañca ṛṣīn smaran
29.25
evaṃ hi cābhiṣicyā'tha svamūrdhni payasā dvijāḥ !
dhyāyecca tryambakaṃ devaṃ hṛdi padmāsyamīśvaram
29.26
ācamyācamanaṃ kuryyāt svasūktoktaṃ samīkṣya ca
pavitrahastaḥ khāsīnaḥ śucau deśe yathāvidhi
29.27
abhyukṣya sakuśañcāpi dakṣiṇena kareṇa tu
pibet prakṣipya tristoyaṃ cakrī bhūtvā hyatandritaḥ
29.28
pradakṣiṇaṃ tataḥ kuryyāddhiṃsāpāpapraśāntaye
evaṃ saṃkṣepataḥ proktaṃ snānācamanamuttamama
29.28-2
sarveṣāṃ brāhmaṇānāntu hitārthaṃ dvijasattamāḥ !
29.28-2.p1
ityādimahāpurāṇe śrīlaiṅge pañcaviṃśo'dhyāyaḥ ||25
Linked texts (2)
- Liṅgapurāṇa — Ativīrarāma Pāṇṭiyar 1500, Sanskrit
- Liṅgapurāṇa — Vyāsa, Sanskrit