Linga 30: atha ṣaḍviṃśo'dhyāyaḥ
Liṅga 30
- Language
- Sanskrit
Contents
- 30.41 — 1 part
atha ṣaḍviṃśo'dhyāyaḥ
30.1
nandyuvāca
āvāhayettato devīṃ gāyatrīṃ vedamātaram
āyātu varadā devītyanenaiva maheśvarom
30.2
pādyamācamanīyañca tasyāścārghyaṃ pradāpayet
prāṇāyāmatrayaṃ kṛtvā samāsīno'sthito'pi vā
30.3
sahasraṃ vā tadarddhaṃ vā śatamaṣṭottarantu vā
gāyatrīṃ praṇavenaiva trividheṣke kamācaret
30.4
arghyaṃ datvā samabhyarcya praṇamya śirasā svayam
uttame śikhare devītyuktodvāsya ca mātaram
30.5
prācyālokyābhivandye śāṃ gāyatrīṃ vedamātaram
kṛtāñjalipuṭo bhūtvā prārthayedbhāskaraṃ tathā
30.6
udutyañca tathā citraṃ jātavedasameva ca
abhivandya punaḥ sūryyaṃ brahmāṇañca vidhānataḥ
30.7
tathā saurāṇi sūktāni ṛgyajuḥsāmajāni ca
japtā pradakṣiṇaṃ paścādbhiḥ kṛtvā ca vibhāvasoḥ
30.8
ātmānaṃ cāntarātmānaṃ paramātmānameva ca
abhivandya punaḥ sūryyaṃ brahmāṇañca vibhāvasum
30.6-2
munīn pitṝn yathānyāyaṃ svanāmnāvāhayettataḥ
sarvānāvāhayāmīti devānāvāhya sarvataḥ
30.10
tarpayedvidhinā paścāt prāṅmukho vāpyudaṅmukhaḥ
dhyātvā svarūpaṃ tattattvamabhivandya yathākramam
30.11
devānāṃ puṣṣatoyena ṛṣīṇāñca kuśāmbhasā
pitṝṇāṃ tilatoyena gandhayukte na sarvataḥ
30.12
yajñopavītī devānāṃ nivītī ṛṣitarpaṇam
prācīnāvītī viprendra ! pitṝṇāṃ tarpayet kramāt
30.13
aṅgu lyagreṇa vai dhīmāṃstarpayedde vatarpaṇam
ṛṣīn kaniṣṭhāṅgulinā śrotriyaḥ sarvasiddhaye
30.14
pitṝṃstu tarpayedvidvān dakṣiṇāṅguṣṭhakena tu
tathaivaṃ muniśārdūla ! brahmayajñaṃ yajed dvijaḥ
30.15
devayajñañca mānuṣyaṃ bhūtayajñaṃ tathaiva ca
'pitṛyajñañca pūtātmā yajñakarmaparāyaṇaḥ
30.16
svaśākhādhyayanaṃ viprā ! brahmayajña iti smṛtaḥ
agnau juhoti yadyānaṃ devayajña iti smṛtaḥ
30.17
sarveṣāmeva bhūtānāṃ validānaṃ vidhānataḥ
bhūtayajña iti prokto bhūtidaḥ sarvadehinām
30.18
sadārān sarvatatvajñān brāhmaṇān vedapāragān
praṇamya tebhyo yahattamannaṃ mānuṣa ucyate
30.16-2
pitṝnuddiśya yahattaṃ pitṛyajñaḥ sa ucyate
evaṃ pañca mahāyajñān kuryāt sarvārthasiddhaye
30.20
sarveṣāṃ śṛṇu yajñānāṃ brahmayajñaḥ paraḥ smṛtaḥ
brahmayajñarato martyo brahmaloke mahīyate
30.21
brahmayajñena tuṣyanti sarve devāḥ savāsavāḥ
brahmā ca bhagavān viṣṇuḥ śaṅkaro nīlalohitaḥ
30.22
vedāśca pitaraḥ sarve nātra kāryā vicāraṇā
grāmādvahirgato bhūtvā brāhmaṇo brahmayajñavit
30.23
yāvatkhadṛṣṭamabhavadudajānācchadaṃ naraḥ
prācyāmudīcyāñca tathā prāgudīcyāmathāpi vā
30.24
punarācamanaṃ kuryād brahmayajñārthameva tat
prītyarthañca ṛcāṃ viprāḥ triḥ pītvā jhāvya jhāvya ca
30.25
yajuṣāṃ parimṛjyaivaṃ dviḥ prakṣālya ca vāriṇā
prītyartha sāmavedānāmupaspṛśya ca mūrddhani
30.26
spṛśedatharvavedānāṃ netre cāṅgirasāṃ tathā
nāsike brāhmaṇo'ṅgānāṃ cālya cālya ca vāriṇā
30.27
aṣṭādaśapurāṇānāṃ brahmādyānāṃ tathaiva ca
tathā copapurāṇānāṃ saurādīnāṃ yathākramam
30.28
pukhyānāmitihāsānāṃ śaivādīnāṃ tathaiva ca
śrotre spṛśecca tuṣṭyarthaṃ ṛṣīṇāmu tataḥ spṛśet
30.28-2
kalpādīnāntu sarveṣāṃ kalpavit kalpavittamaḥ !
evamācamya cāstīrya darbhapiñjūlamāsanaḥ
30.30
kṛtvā pāṇitale dhaumānāsano dakṣiṇottaram
hemāṅgulīyasaṃyukto brahmabandhayuto'pi vā
30.31
vidhivad brahmayajñañca kuryāt sūtrau samāhitaḥ
akṛtvā ca muniḥ pañca mahāyajñān dvijottamaḥ
30.32
bhuktā ca sūkarāṇāntu yonau vai jāyate naraḥ
tasmāt sarvaprayatnena karttavyāḥ śubhamicchatā
30.33
brahmayajñādaya snānaṃ kṛtvādau sarvathātmanaḥ
tīrthaṃ saṃgṛhya vidhivat praviśecchiviraṃ vaśī
30.34
bahirava gṛhāt pādau hastau prakṣālya vāriṇā
bhasmasnānaṃ tataḥ kuryyādvidhivadṛ hyaśuddhaye
30.35
śodhya bhasma yathā nyāyaṃ praṇavenāgnihotrajam
jyotiḥ sūryya iti prātarjuhuyādudite yataḥ
30.36
jyotirāgnistathā sāyaṃ samyak cānudite mṛṣā
tasmāduditahomasthaṃ bhasitaṃ pāvanaṃ śubham
30.37
nāsti satyasamaṃ yasmādasatyaṃ pātakañca yat
īśānena śirodeśaṃ mukhaṃ tatpuruṣeṇa ca
30.38
urodeśamaghoreṇa guhyaṃ vāmena suvratāḥ !
sadyena pādau sarvvāṅgaṃ praṇavenābhiṣecayet
30.36-2
tataḥ prakṣālayet pādaṃ hastaṃ brahmavidāṃ varaḥ
vyapohya bhasma cādāya devadevamanusmaran
30.40
mantrasnānaṃ tataḥ kuryyādāpohiṣṭhādibhiḥ kramāt
puṇyaiścaiva tathā mantraiṝgyajuḥsāmasambhavaiḥ
30.41
dvijānāntu hitāyaivaṃ kathitaṃ snānamadya te
saṃkṣipya yaḥ sakṛt kuryyāt sa yāti paramaṃ padam
30.41.p1
iti śrau laiṅge ṣaḍviṃśo'dhyāyaḥ || 26
Linked texts (4)
- Liṅgapurāṇa — Ativīrarāma Pāṇṭiyar 1500, Sanskrit
- Liṅgapurāṇa — Vyāsa, Sanskrit
- Purāṇasāra (Mādhava Vidyāraṇya) — Mādhava Vidyāraṇya, Sanskrit
- Purāṇasāra — Sāyaṇa, Sanskrit