Pramāṇa · Search · About · API

Linga 31: atha saptaviṃśo'dhyāyaḥ

Liṅga 31

Language
Sanskrit

atha saptaviṃśo'dhyāyaḥ

31.1

śailādiruvāca
vakṣyāmi śṛṇu saṃkṣepālliṅgārcanavidhikramam
vaktuṃ varṣaśatenāpi na śakyaṃ vistareṇa yat

31.2

evaṃ snātvā yathānyāyaṃ pūjāsthānaṃ praviśya ca
prāṇāyāmatrayaṃ kṛtvā dhyāyeddevaṃ triyambakam

31.3

pañcavaktraṃ daśabhujaṃ śuddhasphaṭikasannibham
sarvābharaṇasaṃyuktaṃ citāmbaravibhūṣitam

31.4

tasya rūpaṃ samāśritya dahanaplāvanādibhiḥ
śaivīṃ tanuṃ samāsthāya pūjayet parameśvaram

31.5

dehaśuddhiñca kṛtvaiva mūlamantraṃ nyaset kramāt
sarvatra praṇavenaiva brahmāṇi ca yathākramam

31.6

sūtre namaḥ śivāyeti chandāṃsi parame śubhe
mantrāṇi sūkṣmarūpeṇa saṃsthitāni yatastataḥ

31.7

nyagrodhabīje nyagrodhastathā sūtre tu śobhane
mahatyapi mahadbrahmasaṃsthitaṃ sūkṣmavat svayam

31.8

secayedarcanasthānaṃ gandhacandanavāriṇā
dravyāṇi śodhayet paścāt cālanaprokṣaṇādibhiḥ

31.9

cālanaṃ prokṣaṇañcaiva praṇavena vidhīyate
prokṣaṇī cāryyapātrañca pādyapātramanukramāt

31.10

tathā hyācamanīyarthaṃ kalpitaṃ pātrameka ca
sthāpayedvidhinā dhīmānavaguṇṭhya yathāvidhi

31.11

darbhairācchādayeccaiva prokṣayecchuddhavāriṇā
teṣu teṣvatha sarveṣu kṣipettoyaṃ suśītalam

31.12

praṇaveṇa kṣipetteṣu dravyāṇyālokya buddhimān
uśīraṃ candanaścaiva pādye tu parikalpayet

31.13

jātikaṅkolakarpūrabaṅgamūlatamālakam
cūrṇayitvā yathā nyāya kṣipedācamanīyeke

31.14

evaṃ sarveṣu pātreṣu dāpayeccandanaṃ tathā
karpūrañca yathā nyāya puṣpāṇi vividhāni ca

31.15

kuśāgramakṣatāṃccaiva yavavrīhitilāni ca
ājyasiddhārthapuṣpāṇi bhasitaṃ cārghyapātrake

31.16

kuśapuṣyayavavrīhibaṅgamūlatamālakam
dāpayet prokṣaṇīpātre bhasitaṃ praṇavena ca

31.17

nyaset pañcākṣarañcaiva gāyatrīṃ rudradevatām
kevalaṃ praṇavaṃ vāpi vedasāramanuttamam

31.18

atha samprokṣayet paścād dravyāṇi praṇavena tu
prokṣaṇīpātrasaṃsthena īśānādyaiśca pañcabhiḥ

31.16-2

pārśvato devadevasya nandinaṃ māṃsamarcayet
dīptānalāyutaprakhyaṃ trinetraṃ tridṛśekharam

31.20

bālendumukuṭañcaiva harivaktraṃ caturbhujam
śuṣpamālādharaṃ saumyaṃ sarvābharaṇabhūṣitam

31.21

uttare cātmanaḥ puṇyāṃ bhāryyāñca mahatāṃ śubhām
suprabhāṃ suvratāṃ cāsyā pādamaṇḍanatatparām

31.22

evaṃ pūjya praviśyāntarbhavanaṃ parameṣṭhinaḥ
datvā puṣpāñjaliṃ bhaktyā pañcamūrddha su pañcabhiḥ

31.23

gandhapuṣpai stathā dhūpairvividhaiḥ pūjya śaṅkaram
skandaṃ vināyakaṃ devīṃ liṅgaśuddhiñca kārayet

31.24

japtvā sarvāṇi mantrāṇi praṇavādi namo'ntakam
kalpayedāsanaṃ paścāt padmākhyaṃ praṇavena tat

31.25

tasya pūrvadalaṃ sācādaṇimāprathamacaram
laghimā dakṣiṇañcaiva mahimā paścimaṃ tathā

31.26

prāptistathottaraṃ patraṃ prākāmyaṃ pāvakasya tu
īśitvaṃ naiṛtaṃ patraṃ vaśitvaṃ vāyugocare

31.27

sarvajñatvaṃ tathaiśāntyaṃ karṇikā soma ucyate
somasyādhastathā sūryya stasyādhaḥ pāvakaḥ svayam

31.28

dharmādayo vidintvete tvanantaṃ kalpayet kramāt
avyaktādicaturdikṣu somasyānte guṇatrayam

31.26-2

ātmatrayaṃ tataścorddhaṃ tasyānte śivapīṭhikā
sadyojātaṃ prapadyāmītyāvāhya parameśvaram

31.30

vāmadevena mantreṇa sthāpayedāsaneopari
sānnidhyaṃ rudragāyanyā aghoreṇa nirudhya ca

31.31

īśānaḥ sarvavidyānāmiti mantreṇa pūjayet
pādyamācamanīyañca vibhoścārghyaṃ pradāpayet

31.32

snāpayedvidhinā rudraṃ gandhacandanavāriṇā
pañcagavyaṃ vidhānena śṛṅge pātre'bhimantrya ca

31.33

praṇavenaiva gavyaistu snāpayecca yathāvidhi
ājyena madhunā caiva tathā cekṣurasena ca

31.34

puṇyairdravyairmahādevaṃ praṇavenābhiṣecayet
jalabhāṇḍeḥ pavitraistu mantraistoyaṃ kṣipettataḥ

31.35

śuddhiṃ kṛtvā yathāmnāyaṃ sitavastreṇa sādhakaḥ
kuśāpāmārgakarpūrajātipuṣpakacampakaiḥ

31.36

karavīraiḥ sitaiścaiva mallikākamalotpalaiḥ
āpūrya puṣpaiḥ suśubhaiḥ candanādyaiśca tajjalam

31.37

nyasenmantrāṇi toye sadyojātādikāni tu
suvarṇakalaśenātha tathā vai rājatena vā

31.38

tāmreṇa padmapatreṇa pālāśena dalena vā
śaṅkhena mṛṇmayenātha śa‍odhitana śubhena vā

31.39

sakūrcena sapuṣpeṇa snāpayenmantrapūrvakam
mantrāṇi te pravakṣyāmi śṛṇu sarvārthasiddhaye

31.40

yerliṅgaṃ sakṛdapyevaṃ snāpya mucyeta mānavaḥ
pavamānena mantrajñāḥ tathā vāmīyakena ca

31.41

rudreṇa nīlarudreṇa śrīsūktena śubhena ca
rajanosūktakenaiva camakena śubhena ca

31.42

hotāreśātha śirasā atharveṇa śubhena ca
śāntyā cātha punaḥ śāntyā bhāruṇḍaināmṇena ca

31.43

vāruṇena ca jyeṣṭhena tathā vedavratena ca
tathāntareṇa sūktena puruṣeṇa ca

31.44

tvaritenaiva rudreṇa kapinā ca kapardinā
śrāvo rājeti sāmnā tu hṛcchandreṇa viṣṇunā

31.45

virūpākṣeṇa skandena śatakratubhiḥ śivaistathā
pañcabrahmaśca sūkteṇa kevalapraṇavena ca

31.46

strāpayedde vadeveśaṃ sarvvapāpapraśāntaye
vastra ṃ śivopavītañca tathā hyācamanīyakam

31.47

gandhapuṣpaṃ tathā dhūpaṃ dīpamannaṃ krameṇa tu
toyaṃ sugandhitañcaiva punarācamanīyakam

31.48

mukuṭañca śubhaṃ kunnaṃ tathā vai bhūṣaṇāni ca
dāpayet praṇavenaiva mukhavāsādikāni ca

31.46-2

tataḥ sphaṭikasaṅgāśaṃ devaṃ niṣkalamakṣaram
kāraṇaṃ sarvvadevānāṃ sarvvalokamayaṃ param

31.50

brahma ndraviṣṇurudrādyai ṛ ṣidevairagocaram
vedavidbhiśca vedānte svagocaramiti śrutiḥ

31.51

ādimadhyāntarahitaṃ bheṣajaṃ bhavarogiṇām
śivatattvamiti khyātaṃ śivaliṅge vyavasthitam

31.52

praṇavenaiva mantre ṇa pūjayelliṅgamūrddha ni
stotraṃ japecca vidhinā namaskāraṃ pradakṣiṇam

31.53

arghyaṃ datvāya puṣpāṇi pādayostu vikīryya ca
praṇipatya ca deveśamātmanyāropayecchivam

31.54

evaṃ saṅkṣipya kathitaṃ liṅgārcanamamuttamam
ābhyantaraṃ pravakṣyāmi liṅgārcanamihādya te

31.27-2

iti śrīlaiṅge saptaviṃśo'dhyāyaḥ samāptaḥ

Linked texts (11)