Linga 32: atha aṣṭāviṃśo'dhyāyaḥ
Liṅga 32
- Language
- Sanskrit
Contents
- 32.33 — 1 part
atha aṣṭāviṃśo'dhyāyaḥ
32.1
śailādiruvāca
āgneyaṃ sauramamṛtaṃ bimbaṃ bhāvyaṃ tatopari
guṇatrayañca hṛdaye tathā cātmatrayaṃ kramāt
32.2
tasyopari mahādevaṃ niṣkalaṃ sakalākṛtim
kāntārbhārūḍhadehañca pūjayet dhyānavidyayā
32.3
tato bahuvidhaṃ proktaṃ cintyaṃ tatrāsti ced yataḥ
cintakasya tataścintā anyathā nopapadyate
32.4
tasmāddheyaṃ tathā dhyānaṃ yajamānaḥ prayojanam
smarettannānyathā jātu budhyate puruṣasya ha
32.5
pure śete puraṃ dehaṃ tasmāt puruṣa ucyate
yājyaṃ yajñena yajate yajamānastu sa smṛtaḥ
32.6
dhyeyo maheśvaro dhyānaṃ cintanaṃ nirvvṛtiḥ phalam
pradhānapuruṣeśānaṃ yathātathyaṃ prapadyate
32.7
iha ṣaḍviṃśako dhyeyo dhyātā vai pañcaviṃśakaḥ
caturviṃśakamavyaktaṃ mahadādyāstu sapta ca
32.8
mahāṃstathā tvahaṅkāraṃ tanmātraṃ pañcakaṃ punaḥ
karmendriyāṇi pañcaiva tathā buddhīndriyāṇi ca
32.9
manaśca pañcabhūtāni śivaḥ ṣaḍviṃśakastataḥ
sa eva bharttā karttā ca vidherapi maheśvaraḥ
32.10
hiraṇyagarbhaṃ rudro'sau janayāmāsa śaṅkaraḥ
viśvādhikaśca viśvātmā viśvarūpa iti smṛtaḥ
32.11
vinā yathā hi pitaraṃ mātaraṃ tanayāsviha
na jāyante tathā somaṃ vinā nāsti jagattrayam
32.12
sanatkumāra uvāca
karttā yadi mahādevaḥ paramātmā maheśvaraḥ
tathā kārayitā caiva kurvvato'pyātmanastathā
32.14
nityo viśuddho buddhaśca niṣkalaḥ parameśvaraḥ
tvayokto muktidaḥ kiṃ vā niṣkalaścet karoti kim 13
śailādiruvāca
kālaḥ karoti sakalaṃ kālaṃ kalayate sadā
niṣkalañca manaḥ sarvaṃ manyate so'pi niṣkalaḥ
32.15
karmaṇā tasya caiveha jagat sarvaṃ pratiṣṭhitam
kimatra devadevasya mūrtyaṣṭakamidaṃ jagat
32.16
vinākāśaṃ jagannaiva vinā kṣmāṃ vāyunā vinā
tejasā vāriṇā caiva yajamānaṃ tathā vinā
32.17
bhānunā śaśinā lokastasyaitāstanavaḥ prabhoḥ
vicāratastu rudrasya sthūlametaccarācaram
32.18
sūkṣmaṃ vadanti ṛṣayo yatra vāca dijottamāḥ !
yato vāco nivarttante aprāpya manasā saha
32.16-2
ānandaṃ brahmaṇo vidvānna bibheti kutaścana
na bhetavyaṃ tathā tasmājjñātvā'nandaṃ pinākinaḥ
32.20
vibhūtayaśca rudrasya matvā sarvvatra bhāvataḥ
sarvaṃ rudra iti prāhurmamaśastrapradarśinaḥ
32.21
namaskāreṇa satataṃ gauravāt parameṣṭhinaḥ
sarvantu khalvidaṃ brahma sarvo vai rudra īśvaraḥ
32.22
puruṣo vai mahādevo maheśānaḥ paraḥ śivaḥ
evaṃ vibhurvanirddiṣṭo dhyānaṃ tatraiva cintanam
32.23
caturvyūheṇa mārgeṇa vicāryyālokya suvrata !
saṃsārahetuḥ saṃsāro mokṣahetuśca nirvṛtiḥ
32.24
caturvyūhaḥ samākhyātaḥ cintakasyeha yoginaḥ
cintā bahuvidhā khyātā saikava parameṣṭhinā
32.25
suniṣṭhetyava kathitā rudre raudrī na saṃśayaḥ
aindrī cendre tathā saumyā some nārāyaṇe tathā
32.26
sūryye vahnau ca sarveṣāṃ sarvatraivaṃ vicārataḥ
saivāhaṃ so'hamityevaṃ dvidhā saṃsthāpya bhāvataḥ
32.27
bhakto'sau nāsti yastvasyāñcintā brāhmī na saṃśayaḥ
evaṃ brahmamayaṃ dhyāyet pūrvvaṃ vipra ! carācaram
32.28
carācaravibhāgañca tyajedabhimataṃ smaran
tyājyaṃ grāhyamalabhyañca kṛtyañcākṛtyameva ca
32.26-2
yasya nāsti suhṛttasya tasya brāhmī na cānyathā
ābhyantaraṃ samākhyātamaivamabhyarcanaṃ kramāt
32.30
ābhyantarārcakāḥ pūjyā namaskārādibhistathā
virūpā vikṛtāścāpi na nindyā brahmavādinaḥ
32.31
ābhyantarārcakāḥ sarve na parīkṣyā vijānatā
nindakā eva duḥkhārttā bhaviṣyantyalpacetasaḥ
32.33
yathā dāruvane rudraṃ vinindya munayaḥ purā
varṇāśramavibhirmuktā varṇāśramaparāyaṇaiḥ
32.33.p1
iti śrīlaiṅge 'ṣṭāviṃśo'dhyāyaḥ || 28
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit