Pramāṇa · Search · About · API

Linga 34: atha triṃśo'dhyāyaḥ

Liṅga 34

Language
Sanskrit

atha triṃśo'dhyāyaḥ

34.1

śailādiruvāca
evamuktāstadā tena brahmaṇā brāhmaṇarṣabhāḥ
śvetasya ca kathāṃ puṇyāmapṛcchan paramarṣayaḥ

34.2

pitāmaha uvāca
śvetonāma muniḥ śrīmān gatāyurgirigahvare
sakto hyabhyarcya yadbhaktyā tuṣṭāva ca maheśvaram

34.3

rudrādhyāyena sūktena namastetyādinā dvijāḥ !
tataḥ kālo mahātejāḥ kālaprāptaṃ dvijottamam

34.4

netuṃ sañcintya viprendrāḥ ! sānnidhyamakaronmuneḥ
śveto'pi dṛṣṭvā taṃ kālaṃ kālaprāpto'pi śaṅkaram

34.5

pūjayāmāsa puṇyātmā triyambakamanusmaran
triyambakaṃ yajeddevaṃ sugandhiṃ puṣṭivarddhanam

34.6

kiṃ kariṣyati me mṛtyurmṛtyormṛtyu̱rahaṃ yataḥ
taṃ dṛṣṭvā sasmitaṃ prāha śvetaṃ lokabhayaṅkaraḥ

34.7

ehyehi śveta ! cānena vidhinā kiṃ phalaṃ tava
rudro vā bhagavān viṣṇurbrahmā vā jagadīśvaraḥ

34.8

kaḥ samarthaḥ paritrātuṃ mayā grastaṃ dvijottama !
anena mama kiṃ vipra ! raudreṇa vidhinā prabhoḥ

34.10

netuṃ yasyodyitaścāhaṃ yamalokaṃ kṣaṇena vai
yasmādgatāyustvaṃ tasmān mune ! netumihodyataḥ || 6.
tasya tadvacanaṃ śrutvā bhairavaṃ dharmamiśritam
hā rudra ! rudrarudreti lalāpa munipuṅgavaḥ

34.11

taṃ prāha ca mahādevaṃ kālaṃ samprekṣya vai dṛśā
netreṇa bāṣpamiśreṇa sambhrāntena samākulaḥ

34.12

śveta uvāca
tvayā kiṃ kāla ! nonāthaścāsti ceddi vṛṣadhvajaḥ
liṅge'smin śaṅkaro rudraḥ sarvadevabhavodbhavaḥ

Linked texts (2)