Pramāṇa · Search · About · API

Linga 37

Liṅga 37

Language
Sanskrit

Contents

37.1

ekatriṃśo'dhyāyaḥ
sanatkumāra uvāca
kathambhavaprasādena devadāruvanaukasaḥ
prapannāḥ śaraṇaṃ devaṃ vakta marhasi me prabho !

37.2

śailādiruvāca
tānuvāca mahābhāgān bhagavānātmabhūḥ svayam
devadāruvanasthāṃstu tapasā pāvakaprabhān

37.3

pitāmaha uvāca
eṣa devo mahādevo vijñeyastu maheśvaraḥ
na tasmāt paramaṃ kiñcit padaṃ samadhigamyate

37.4

devānāñca ṛṣīṇāñca pitṝṇāñcaiva sa prabhuḥ
sahasrayugaparyyante pralaye sarvadehināḥ

37.5

saṃharatyeṣa bhagavān kālo bhūtvā maheśvaraḥ
eṣa caiva prajāḥ sarvāḥ sṛjatyekaḥ svatejasā

37.6

eṣa cakrī ca vajrī ca śrīvatsamṛtalakṣaṇaḥ
yogī kṛtayuge caiva cetāyāṃ kraturucyate

37.7

dvāpare caiva kālāgnirdharmaketuḥ kalau smṛtaḥ
rudrasya mūrttayastvetā ye'bhidhyāyanti paṇḍitāḥ

37.8

caturasraṃ bahisrāntaḥ aṣṭāsraṃ piṇḍikāśraye
vṛttaṃ sudarśanaṃ yogyamevaṃ liṅgaṃ prapūjayet

37.6-2

tamo hyagnau rajo brahmā satvaṃ viṣṇuḥ prakāśakam
mūrttirekā sthitā cāsya mūrttayaḥ parikīrttitāḥ

37.10

yatra tiṣṭhati tad brahma yogena tu samanvitam
tasmāddhi devadeveśamīśānaṃ prabhumavyayam

37.11

ārādhayanti viprendrā jitakrodhā jitendriyāḥ
liṅgaṃ kṛtvā yathānyāya sarvalakṣaṇasaṃyutam

37.12

aṅguṣṭhamātraṃ suśubhaṃ suvṛttaṃ sarvasammatam
samanābhaṃ tathāṣṭāsraṃ ṣoḍaśāsramathāpi vā

37.13

suvṛttaṃ maṇḍalaṃ divyaṃ sarvakāmaphalapradam
vedikā dviguṇā tasya samā vā sarvasammitā

37.14

gomukhī ca tribhāgaikā vedyā lakṣaṇasaṃyutā
paṭṭikā ca samantādvai yavamātrā dvijottamāḥ !

37.15

sauvarṇaṃ rājataṃ śailaṃ kṛtvā tāmramayaṃ tathā
vedikāyāśca vistāraṃ triguṇaṃ vai samantataḥ

37.16

varttulaṃ caturasraṃ vā ṣaḍasraṃ vā trisrakam
samantāccitritaṃ śubhraṃ lakṣaṇaistat sulakṣitam

37.17

pratiṣṭhāpya yathānyāya pūjālakṣaṇasaṃyutam
kalaśaṃ sthāpayettasya vedimadhye tathā dvijāḥ !

37.18

sahiraṇyaṃ sabījañca brahmabhiśvābhimantritam
secayecca tato liṅgaṃ pavitraiḥ pañcabhiḥ śubhaiḥ

37.16-2

pūjayecca yathālābhaṃ tataḥ siddhimavāpsyatha
samāhitāḥ pūjayadhvaṃ saputrāḥ saha bandhubhiḥ

37.20

sarve prāñjalayo bhūtvā śūlapāṇiṃ prapadyata
tato drakṣyatha deveśaṃ durddarśamakatātmabhiḥ

37.21

yaṃ dṛṣṭvā sarvamajñānamadharmaśca prakyaṣyati
tataḥ pradakṣiṇa katvā brahmāṇamamitaujasam

37.22

samprasthitā vaneākāso devadāruvanaṃ tataḥ
ārādhayitumārebhā brahmaṇā kathitaṃ yathā

37.23

sthaṇḍileṣu vicitreṣu parvatānāṃ guhāsu ca
nadīnāñca vivikteṣu pulineṣu śubheṣu ca

37.24

śaivālaśobhanāḥ kecit kecidantarjaleśayāḥ
kecidabhāvakāmāstu pādāṅguṣṭhāvadhiṣṭhitāḥ

37.25

danto lūkhalinastvanye aśmakuṭṭāstathāpare
sthānavīrāsanāstvanye mṛgacaryyā ratāḥ pare

37.26

kālaṃ nayanti tapasā pūjayā ca mahādhiyaḥ
evaṃ saṃvatsare pūrṇe vasante samupasthite

37.27

tatasteṣāṃ prasādārthaṃ bhaktānāmanukampayā
devaḥ kṛtayuge tasmin girau himavataḥ śubhe

37.28

devadāruvanaṃ prāptaḥ prasannaḥ parameśvaraḥ
bhasmapāṃsūpadigdhāṅgo nagno vikṛtarūpadhṛk

37.26-2

ulmukavyagrahastaśca raktapiṅgalalocanaḥ
kvacicca hasate raudraṃ kvacidgāyati vismitaḥ

37.30

kvacinnṛtyati śṛṅgāraṃ kvacidrauti muhurmuhuḥ
āśrame bhraṭate bhaikṣyaṃ yācate ca punaḥ punaḥ

37.31

māyāṃ kṛtvā tathā rūpaṃ devastatramamāgataḥ
tataste munayaḥ sarve tuṣṭuvuśca samāhitāḥ

37.32

adbhirvividhamālyaiśca dhūpairgandhaistathaiva ca
sapatnīkā mahābhāgāḥ saputrāḥ saparicchadāḥ

37.33

munayaste tathā vāgbhirīśvaraṃ cedamabruvan
ajñānāddevadeveśa ! yadasmābhiranuṣṭhitam

37.34

karmaṇā manasā vācā tatsarvaṃ kṣantumarhasi
caritāni vicitrāṇi guhyāni gahanāni ca

37.35

brahmādīnāñca devānāṃ durvijñeyāni te hara !
agatiṃ tena jānīmo gatiṃ naiva ca naiva ca

37.36

viśveśvara ! mahādeva ! yo'si so'si namo'stu te
stuvanti tvāṃ mahātmāno devadevaṃ maheśvaram

37.37

namo bhavāya bhavyāya bhāvanāyodbhavāya ca
anantabalavīryyāya bhūtānāṃ pataye namaḥ

37.38

saṃhartre ca piṅgalāya avyayāya vyayāya ca
gaṅgāsaliladhārāya ādhārāya guṇātmane

37.36-2

tryambakāya trinetrāya triśūlavaradhāriṇe
kandarpāya hutāśāya namo'stu paramātmane

37.40

śaṅkarāya vṛṣāṅkāya gaṇānāṃ pataye namaḥ
daṇḍahastāya kālāya pāśahastāya vai namaḥ

37.41

vedamantrapradhānāya śatajihvāya vai namaḥ
bhūtaṃ bhavyaṃ bhaviṣyañca sthāvaraṃ jaṅgamañca yat

37.42

tava dehāt samutpannaṃ deva ! sarvamidaṃ jagat
pāsa haṃsi ca bhadraṃ te prasīda bhagavaṃstataḥ

37.43

ajñānād yadi vijñānād yatkiñcit kurute naraḥ
tatsarvaṃ bhagavāneva kurute yogamāyayā

37.44

evaṃ stutvā tu munayaḥ prahṛṣṭairantarātmabhiḥ
yācanta tapasā yuktāḥ paśyāmastvāṃ yathā purā

37.45

tato devaḥ prasannātmā svamevāsthāya śaṅkaraḥ
rūpaṃ tvāttañca sandraṣṭuṃ divyañcakṣuradāt prabhuḥ

37.46

labdhadṛṣṭyā tayā dṛṣṭvā devadevaṃ triyambakam
punastuṣṭuvurośānaṃ devadāruvanaukasaḥ

37.46.p1

iti mahāpurāṇe śrīlaiṅge ekatriṃśo'dhyāyaḥ ||31

Linked texts (3)