Linga 39: atha trayastriṃ śo'dhyāyaḥ
Liṅga 39
- Language
- Sanskrit
Contents
- 39.24 — 1 part
atha trayastriṃ śo'dhyāyaḥ
39.1
manyuruvāca
tatastutoṣa bhagavānanugṛhya maheśvaraḥ
stutiṃ śrutvā sutastomamidaṃ vacanamabravīt
39.2
yaḥ paṭhecchṛṇuyādvāpi yuṣmābhiḥ kīrttitaṃ stavam
śrāvayeddā dvijān vipro gāṇapatyamavāpnu yāt
39.3
vakṣyāmi vo hitaṃ puṇyaṃ bhaktānāṃ munipuṅgavāḥ !
strīliṅgamakhilaṃ devī prakṛtirmama dehajā
39.4
pum̐lliṅga puruṣo viprā ! mama dehasamudbhavaḥ
ubhābhyāmeva vai sṛṣṭirmama viprā ! na saṃśayaḥ
39.5
na nindedyatinaṃ tasmād digvāsasamamuttamam
bālonmattaviceṣṭantu matparaṃ brahmavādinam
39.6
ye hi māṃ bhaktaniratā bhaktāmā dambhakilbiṣāḥ
yathoktakāriṇo dāntā viprā dhyānaparāyaṇāḥ
39.7
mahādevaparā nityaṃ caranto hyūrdhvaretasaḥ
arcayanti mahādevaṃ vāṅmanaḥ kāyasaṃyatāḥ
39.8
rudralokamanuprāpya na nivarttanti te punaḥ
tasmādetad vrataṃ divyamavyaktaṃ vyaktarūpiṇaḥ
39.6-2
bhasmavratāśca muṇḍāśca vratino viśvarūpiṇaḥ
na tān parivadedvidvāna caitānnābhilaṅghayet
39.10
na hasennāpriyaṃ brūyādamṛte ṣṭa hitārthavān
yastānnindati mūḍhātmā mahādevaṃ sa nindati
39.11
yastvetān pūjayennityaṃ sa pūjayati śaṅkaram
evameṣa mahādeve lokānāṃ hitakāmyayā
39.12
yuge yuge mahāyogī kraur̤ate bhasmaguṇṭhitaḥ
evañcarata bhadraṃ vastataḥ siddhimavāpsyatha
39.13
atulamiha mahābhayapraṇāśahetuṃ
śivakathitaṃ paramaṃ padaṃ viditvā
vyapagatabhavalobhamohacittāḥ
praṇipatitāḥ sahasā śirobhirugram
39.14
tataḥ pramuditā viprāḥ śrutvaivaṃ kathitaṃ tadā
gandhodakaiḥ suśuddhaiśca kuśapuṣpavimiśritaiḥ
39.15
snāpayanti mahākumbharireva maheśvaram
gāyanti vividhairgeyai huṅkāraiścāpi susvaraiḥ
39.16
namo devādhidevāya mahādevāya vai namaḥ
arddhanārīśarīrāya sāṃkhyayogapravarttine
39.17
meghavāhanakṛṣṇāya gajacarmanivāsine
kṛṣṇājinottarīyāya vyālayajñopavītine
39.18
suracitasuvicitrakuṇḍalāya
suracitamālyavibhūṣaṇāya tubhyam
mṛgapativaracarmavāsase ca
prathitayaśase namo'stu śaṅkarāya
39.18-2
tatastān sa munīn prītaḥ pratyuvāca maheśvaraḥ
prīto'smi tapasā yuṣmān varaṃ vṛṇute suvratāḥ !
39.20
tataste munayaḥ sarve praṇipatya maheśvaram
bhṛgvaṅgirā vaśiṣṭhaśca viśvāmitrastathaiva ca
39.21
gautamo'triḥ sukeśaśca pulastyaḥ pulahaḥ kratuḥ
marīciḥ kaśyapaḥ kaṇvaḥ saṃvarttaśca mahātapāḥ
39.22
te praṇamya mahādevamidaṃ vacanamabruvan
bhasmasnānañca nagnatvaṃ vāmatvaṃ pratilomatā
39.23
sevyāsevyatvamevañca etadicchāma veditum
tatasteṣāṃ vacaḥ śrutvā bhagavān parameśvaraḥ
39.24
sasmitaṃ prāha samprekṣya sarvān munivarāṃstadā
39.24.p1
itimahāpurāṇe śrīlaiṅge ṛṣiyākyaṃ nāma trayastriṃśo'dhyāyaḥ || 33
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit