Linga 40: atha catustriṃśo'dhyāyaḥ
Liṅga 40
- Language
- Sanskrit
Contents
- 40.31 — 1 part
atha catustriṃśo'dhyāyaḥ
40.1
śrībhagavānuvāca
etadva vaḥ sampravakṣyāmi kathāsarvasvamadya vai
agnihyahaṃ somakarttā somaścāgnimupāśritaḥ
40.2
ṛtametadahantyagnibhūyo lokasamāśrayāt
asakṛtsvagninā dagdhaṃ jagat sthāvarajaṅgamam
40.3
bhasmasādvihitaṃ sarvaṃ pavitramidamuttamam
bhasmanā vīryyamāsthāya bhūtāni pariṣiñcati
40.4
agnikāryyañca yaḥ kṛtvā kariṣyati triyāyuṣam
bhasmanā mama vīryeṇa mucyate sarvakilbiṣaiḥ
40.5
bhāsatetyeva yadbhasma śubhaṃ bhāvayate ca yat
bhakṣaṇāt sarvapāpānāṃ bhasmeti parikīrttitam
40.6
ūṣmapāḥ pitaro jñeyā devā vai somasambhavāḥ
agnīṣomātmakaṃ sarvaṃ jagat sthāvarajaṅgamam
40.7
ahamagnirmahātejāḥ somaścaiṣā mahāmbikā
ahamagniśca somaśca prakṛtyā puruṣaḥ svayam
40.8
tasmādbhāsma mahābhāgā ! maddauryyamiti cocyate
svavīryyaṃ vapuṣā caiva dhārayāmīti vai sthitiḥ
40.9
tadā prabhṛti lokeṣu rakṣārthamaśubheṣu ca
bhasmanā kriyate rakṣā sūtikānāṃ gṛheṣu ca
40.10
bhasmasnānaviśuddhātmā jitakrodho jitendriyaḥ
matsamīpaṃ samāgamya na bhūyo vinivarttate
40.11
vrataṃ pāśupataṃ yogaṃ kāpilañcaiva nirmimam
pūrvaṃ pāśupataṃ hyetannirmitaṃ tadanuttamam
40.12
śeṣāścāśramiraṇaḥ sarve paścāt sṛṣṭāḥ svayambhu vā
sṛṣṭireṣā mayā sṛṣṭā lajjāmohabhayātmikā
40.13
nagnā eva hi jāyante devatā munayastathā
ye cānye mānavā loke sarve jāyantyavāsasaḥ
40.14
indriyairajitairnagno dukūlenāpi saṃvṛtaḥ
taireva saṃvṛtairgupto na vastraṃ kāraṇaṃ smṛtam
40.15
kṣamā dhṛtirahiṃsā ca vairāgyañcaiva sarvaśaḥ
tulyau mānāvamānau ca tadāvaraṇamuttamam
40.16
bhasmasnānena digdhāṅgo dhyāyate manasā bhavam
yadyakāryyasahasrāṇi kṛtvā yaḥ snāti bhasmanā
40.17
tatsarvaṃ dahate bhasma yathāgnistejasā vanam
tasmād yatnaparo bhūtvā trikālamapi yaḥ sadā
40.18
bhasmanā kurute snānaṃ gāṇapatyaṃ sa gacchati
samāhṛtya kratūna sarvān gṛhītvā vratamuttamam
40.18-2
dhyāyanti ye mahādevaṃ lolāsadbhāvabhaktitaḥ
uttareṇārthya panthānaṃ te'mṛtatvamavāpna yuḥ
40.20
dakṣiṇena ca panthānaṃ ye śmaśānāni bhejire
aṇimā garimā caiva laghimā prāptireva ca
40.21
icchākāmāvasāyitvaṃ tathā prākāmyameva ca
īśitvañca vaśitvañca amaratvañca te gatāḥ
40.22
indrādayastathā devāḥ kāmikavratamāsthitāḥ
aiśvaryyaṃ paramaṃ prāpya sarve prathitatejasaḥ
40.23
vyapagatamadamohamuktarāgastamarajadoṣavivarjitasvabhāvaḥ
paribhavamidamuttamaṃ viditvā
paśupatiyogaparo bhavet sadaivaṃ
40.24
imaṃ pāśupataṃ dhyāyan sarvapāpapraṇāśanam
yaḥ paṭhecca śucirbhūtvā śraddadhāno jitendriyaḥ
40.25
sarvapāpaviśuddhātmā rudralokaṃ sa gacchati
te sarve munayaḥ śrutvā vasiṣṭhādyā dvijottamāḥ
40.26
bhasmapāṇḍuradigdhāṅgā babhūvurvigataspṛhāḥ
rudralokāya kalpānte saṃsthitāḥ śivatejasā
40.27
tasmānna nindyāḥ pūjyāśca vikṛtā malinā api
rūpānvitāśca viprendrāḥ sadā yogīndraśaṅkayā
40.28
bahunā kiṃ pralāpena bhavabhaktā dvijottamāḥ
sampūjyāḥ sarvayatnena śivavannātra saṃśayaḥ
40.29
malināścaiva viprendrā bhavabhaktā dṛr̤havratāḥ
dadhīcastu yathā devadevaṃ jitvā vyavasthitaḥ
40.30
nārāyaṇaṃ tathā loke rudrabhaktyā na saṃśayaḥ
tasmāt sarvvaprayatnena bhasmādigdhatanūruhāḥ
40.31
jaṭino muṇḍinaścaiva nagnā nānāprakāriṇaḥ
sampūjyāḥ śivavannityaṃ manasā karmaṇā girā
40.31.p1
itimahāpurāṇe śrīlaiṅge yogipraśaṃsonāma catustriṃśo'dhyāyaḥ || 34
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit