Pramāṇa · Search · About · API

Linga 41: atha pañcatriṃśo'dhyāyaḥ

Liṅga 41

Language
Sanskrit

Contents

atha pañcatriṃśo'dhyāyaḥ

41.1

sanatkumāra uvāca
kathaṃ jaghāna rājānaṃ kṣupaṃ pādena suvrata !
dadhīcaḥ samare jitvā devadevaṃ janārddanam

41.2

vajrāsthitvaṃ kathaṃ lebhe mahādevānmahātapāḥ !
vaktumarhasi śailāde ! jito mṛtyu stvayā yathā

41.3

śailādiruvāca
brahmaputro mahātejā rājā kṣupa iti smṛtaḥ
abhranmitro dadhīcasya munīndrasya janeśvaraḥ

41.4

cirāttayoḥ prasaṅgādvai vādaḥ kṣupadadhīcayoḥ
abhavat kṣatriyaśreṣṭho vipra eveti viśrutaḥ

41.5

aṣṭānāṃ lokapālānāṃ vapurdhārayate nṛpaḥ
tasmādindro hyahaṃ vahniryamaśca nirṛtistathā

41.6

varuṇaścaiva vāyuśca somo dhanada eva ca
īśvaro'haṃ na sandeho nāvamantavya eva ca

41.7

mahatī devatā yā sā mahataścāpi suvrata !
tasmāttvayā mahābhāga ! cyāvaneya ! sadā hyaham

41.8

nāvamantavya eveha pūjanīyaśca sarvvathā
śrutvā tathāmataṃ tasya kṣupasya munisattamaḥ

41.6-2

dadhīcaścāvanistho'gro gauravādātmano dvijaḥ
atāḍayat kṣupaṃ mūrdhni dadhīco vāmamuṣṭinā
ciccheda vajreṇa ca taṃ dadhīcaṃ balavān kṣupaḥ

41.10

brahmaloke purā so hi brahmaṇaḥ kṣutasambhavaḥ
labdhaṃ vajrañca kāryyārthaṃ vajriṇā coditaḥ prabhuḥ

41.11

svecchayaiva naro bhūtvā narapālo babhūva saḥ
tasmādrājā sa viprendramajayadvai mahābalaḥ

41.12

yathā vajradharaḥ śrīmān balavāṃstamasānvitaḥ
papāta bhūmau nihato vajreṇa dvijapuṅgavaḥ

41.13

sasmāra ca tadā tatra duḥkhārtto bhārgavaṃ munim
śukro'pi sandhayāmāsa tār̤itaṃ kuliśena tam

41.14

yogādetya dadhīcasya dehaṃ dehabhṛtāṃ varaḥ
sandhāya pūrvvavaddehaṃ dadhīcasyāha bhārgavaḥ

41.15

bho dadhīca ! mahābhāga ! devadevamumāpatim
sampūjya pūjyaṃ brahmādyairdevadevaṃ nirañjanam

41.16

abadhyo bhava viprarṣe prasādāt tryambakasya tu
mṛtasañjīvanaṃ tasmāllubdhametanmayā dvija !

41.17

nāsti mṛtyubhayaṃ śambhorbhaktānāmabhiha sarvvataḥ
mṛtasañjīvanañcāpi śaivamadya vadāmi te

41.18

triyambakaṃ yajāmahe trailokyāpitaraṃ prabhum
trimaṇḍalasya pitaraṃ triguṇasya maheśvaram

41.18-2

tritalasya trivakrasya tridhā bhūtasya sarvataḥ
trivedasya mahādevaṃ sugandhiṃ puṣṭivardhanam

41.20

sarvabhūteṣu sarvatra triguṇe prakṛtau tathā
indriyeṣu tathānyeṣu deveṣu ca gaṇeṣu ca

41.21

puṣpeṣu gandhavat sūkṣmaḥ sugandhiḥ parameśvaraḥ
puṣṭiśca prakṛtiryasmāt puruṣasya dvijottama !

41.22

mahadādiviśeṣāntavikalpasyāpi suvrata !
viṣṇoḥ pitāmahasyāpi munīnāñca mahāmune !

41.23

indrasyāpi ca devānāṃ tasmādvai puṣṭivardhanaḥ
taṃ devamamṛtaṃ rudraṃ karmaṇā tapasā tathā

41.24

svādhyāyena ca yogena dhyānena ca yajāmahe
satyenānena mucyeyān mṛtyupāśādvayaṃ svayam

41.25

bandhamocakaro yasmādūrvārukamiva prabhuḥ
mṛtasañjīvano mantro mayā labdhastu śaṅkarāt

41.26

japtvā hutvābhimantryaivaṃ jalaṃ pītvā divāniśam
liṅgasya sannidhau dhyātvā nāsti mṛtyubhayaṃ dvija !

41.27

tasya tadvacanaṃ śrutvā tapasārādhya śaṅkaram
vajrāsthitvamavadhyatvamadīnatvañca labdhavān

41.28

evamārādhya deveśaṃ dadhīco munisattamaḥ
prāpyāvadhyatvamanyaiśca vajrāsthitvaṃ prayatnataḥ

41.26-2

atāḍayacca rājendraṃ pādamūlena mūrddhani
kruddho dadhīcaṃ vajreṇa jaghānorasi ca prabhuḥ

41.30

nābhūnnāśāya tadvajraṃ dadhīcasya mahātmanaḥ
prabhāvāt parameyasya vajravadvapraśauriṇaḥ

41.31

dṛṣṭāpyavadhyatvamadīnasattva
stṛpo dadhīcasya tadāprabhāvam
ārādhayāmāsa hariṃ mukundamindrānujaṃ prekṣya tadāmbu jācam

41.31.p1

iti śrīlaiṅge nṭapaparābhavo nāma pañcatriṃśo'dhyāya

Linked texts (4)