Linga 48: atha dvicatvāriṃśo'dhyāyaḥ
Liṅga 48
- Language
- Sanskrit
Contents
- 48.38 — 1 part
atha dvicatvāriṃśo'dhyāyaḥ
48.1
sūta uvāca
gate purandare varade sahasrākṣe śilātmajaḥ
ārādhayanmahādevaṃ tapasātoṣayadbhavam
48.2
atha tasyaivamaniśaṃ tatparasya dvijasya tu
divyaṃ varṣasahasrantu gataṃ kṣaṇamivādbhutam
48.3
valmīkenāvṛtāṅgaśca khadyaḥ kīṭagaṇairmuniḥ
vajrasūcīmukhaiścānyai raktakīṭaiśca sarvataḥ
48.4
nirmāṃsarudhiratvagdai nirlepaḥ kudyavat sthitaḥ
asthiśeṣo'bhavattasyāsamamanyata śaṅkaraḥ
48.5
yadā spṛṣṭo munistena kareṇa ca smarāriṇā
tadaiva muniśārdūlastyotsasarja klamaṃ dvijaḥ
48.6
tapatastasya tapasā prabhustuṣṭo'tha śaṅkaraḥ
tuṣṭastavetyathovāca sagaṇaścomayā saha
48.7
tapasānena kiṃ kāyyaṃ bhavataste mahāmate !
dadāmi putraṃ sarvvajñaṃ sarvaśāstrārthapāragam
48.8
tataḥ praṇamya deveśaṃ stutvovāca śilāśanaḥ
harṣagadgadayā vācā somaṃ somavibhūṣaṇam
48.9
śilāda uvāca
bhagavan ! devadeveśa ! tripurārddana ! śaṅkara !
ajonijaṃ mṛtyuhīnaṃ putramicchāmi sattama !
48.10
sūta uvāca
pūrvvamārādhitaḥ prāha tapasā parameśvaraḥ
śilādaṃ brahmaṇā rudraḥ prītyā paramayā punaḥ
48.11
śrīdevadeva uvāca
pūrvvamārādhito vipra ! brahmaṇāṃ tapodhana !
tapasā cāvatārārthaṃ munibhiśca surottamaiḥ
48.12
tava putro bhaviṣyāmi nandināmnā tvayonijaḥ
pitā bhaviṣyasi mama piturve jagatāṃ mune !
48.13
evamuktā muniṃ prekṣya praṇipatya sthitaṃ kṣaṇī
somaḥ somopamaḥ prītastattraivāntaradhīyata
48.14
labdhaputraḥ pitā rudrāt prīto mama mahāmune !
yajñāṅgaṇaṃ mahat prāpya yajñārthaṃ yajñavittamaḥ
48.15
tadaṅgaṇādahaṃ śambhostanujastasya cājñayā
sañjātaḥ pūrvamevāhaṃ yugāntāgnisamaprabhaḥ
48.16
vavarṣu stadā puṣkarāvarttakādyārjaguḥ khecarāḥ kinnarāḥ siddhasādhyāḥ
śilādātmajatvaṃ gate mayyupendraḥ
sasarjātha vṛṣṭiṃ supuṣpaughamiśrām
48.17
māṃ dṛṣṭvā kālasūryābhaṃ jaṭāmukuṭadhāriṇam
ttryakṣañcaturbhujaṃ bālaṃ śūlaṭaṅkagadādharam
48.18
vajriṇaṃ vajradaṃṣṭrañca vajriṇārādhitaṃ śiśum
vajrakuṇḍalinaṃ ghoraṃ nauradopamaniḥsvanam
48.16-2
brahmādyāstuṣṭuvuḥ sarve surendrāśca munīśvarāḥ
neduḥ sasantataḥ sarve nanṛtuścāpsarogaṇāḥ
48.20
ṛṣayo muniśārdūla ! ṛgyajuḥ sāmasambhavaiḥ
mantrairmāheśvaraiḥ stutvā sampraṇemurmudānvitāḥ
48.21
brahmā hariśca rudraśca śakraḥ sākṣāccivāmbikā
jīvaścendurmahātejā bhāskaraḥ pavano'nalaḥ
48.22
īśāno nirṛtiryyakṣo yamo varuṇa eva ca
viśve devāstathā rudrā vasavaśca mahābalāḥ
48.23
lakṣmīḥ sākṣācchacī jyeṣṭhā devī caiva sarasvatī
aditiśca ditiścaiva śraddhā lajjā dhṛtistathā
48.24
nandā bhadrāca surabhī suśīlā sumanāstathā
vṛṣendraśca mahātejā dharmo dharmātmajastathā
48.25
āhvaya māṃ tathāśliṣya tuṣṭuvurmu nisattama !
śilādo'pi munirdṛṣṭvā pitā me tādṛśaṃ tadā
48.26
prītyā praṇamya puṇyātmā tuṣṭāveṣṭapradaṃ sutam
śilāda uvāca
bhagavan ! devadeveśa ! triyambaka ! mamāvyaya !
48.27
putro'si jagatāṃ yasmāt trātā duḥkhāddhi kiṃ punaḥ
rakṣako jagatāṃ yasmāt pitā me putra ! sarvagaḥ
48.28
ayonina ! namastubhyaṃ jagadyone ! pitāmaha !
pitāputra ! maheśāna ! jagatāñca jagadguro !
48.26-2
vatsa ! vatsa ! mahābhāga ! pāhi māṃ parameśvara !
tvayā'haṃ nandito yasmānnandī nāmnā sureśvara !
48.30
tasmānnandaya māṃ nandinramāmi jagadīśvaram
prasīda pitarau me'dya rudralokaṃ gato vibho !
48.31
pitāmahāśca bho ! nandinnavatīrṇe maheśvare
mamaiva saphalaṃ loke janma vai jagatāṃ prabho !
48.32
avatīrṇe sute nandin ! rakṣārthaṃ mahyamīśvara !
tubhyaṃ namaḥ sureśāna ! nandīśvara ! namo'stu te
48.33
putra ! pāhi mahābāho ! devadeva ! jagadguro !
putratvameva nandīśa ! matvā yat kīrttitaṃ mayā
48.34
tvayā tat kṣamyatāṃ vatsa ! stavastavya ! surāsuraiḥ
yaḥ paṭhecchṛṇuyādvāpi mama putraprabhāvitam
48.35
śrāvayeddā dvijān bhaktyā mayā sārdhaṃ sa modate
evaṃ śrutvā sutaṃ bālaṃ praṇamya bahumānataḥ
48.36
munīśvarāṃśca samprekṣya śilādovāca suvrataḥ
paśyadhvaṃ munayaḥ ! sarve ! mahābhāgyaṃ mamāvyayaḥ
48.37
nandī yajñāṅgaṇe devaścāvatīrṇo yataḥ prabhuḥ
matsamaḥ kaḥ pumān loke devo vā dānavo'pi vā
48.38
eṣa nandī yato jāto yajñabhūmī hitāya me
48.38.p1
iti śrīlaiṅge nandikeśvarotpattirnāma dvicatvāriṃśo'dhyāyaḥ || 42
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit