Linga 49: atha tricatvāriṃśo'dhyāyaḥ
Liṅga 49
- Language
- Sanskrit
Contents
- 49.53 — 1 part
atha tricatvāriṃśo'dhyāyaḥ
49.1
nandikeśvara uvāca
mayā saha pitā hṛṣṭaḥ praṇamya ca maheśvaram
uṭajaṃ svaṃ jagāmāśu nidhiṃ labdhveva nirdhanaḥ
49.2
yadā gato'hamuṭajaṃ śilādasya mahāmune !
tadā vai daivikaṃ rūpaṃ tyaktvā mānuṣyamāsthitaḥ
49.3
naṣṭā caiva smṛtirdivyā yena kenāpi kāraṇāt
mānuṣyamāsthitaṃ dṛṣṭvā pitā me lokapūjitaḥ
49.4
vilalāpātiduḥkhārttaḥ svajanaiśca samāhṛtaḥ
jātakarmādikāṃścaiva cakāra mama sarvavit
49.5
gālaṅgāyanaputro vai śilādaḥ putravatsalaḥ
upadiṣṭā hi tenaiva ṛkśākhā yajuṣastathā
49.6
sāmaśākhā sahasrañca sāṅgopāṅgaṃ mahāmune !
āyurvedaṃ dhanurvedaṃ gāndharvvaṃ cāśvalakṣaṇam
49.7
hastināñcaritañcaiva narāṇāñcaiva lakṣaṇam
sampūrṇe saptame varṣe tato'tha munisattamau
49.8
mitrāvaruṇanāmānau tapo yogabalānvitau
tasyāśramaṃ gatau divyau draṣṭuṃ māṃ cājñayā vibhoḥ
49.6-2
ūcatuśca mahātmānau māṃ nirīkṣya muhurmuhuḥ
tāta ! nandyayamalpāyuḥ sarvvaśāstrārthapāragaḥ
49.10
na dṛṣṭamevamāścaryyamāyurvarṣādataḥparam
ityuktavati viprendraḥ śilādaḥ putravatsalaḥ
49.12
samāliṅgya ca duḥkhārtto rarodātīva visvaram
hā putra ! putra ! putreti papāta ca samantataḥ
49.12-2
aho balaṃ daivavidhervidhātṛnneti duḥkhitaḥ
tasya cārttasvaraṃ śrutvā tadāśramanivāsinaḥ
49.13
nipeturvihvalātyarthaṃ rakṣāñcakruśca maṅgalam
tuṣṭuvuśca mahādevaṃ triyambakamumāpatim
49.14
hutvā triyambakenaiva madhurnaiva ca saṃplutām
dūrvāmayutasaṃkhyātāṃ sarvadravyasamanvitām
49.15
pitā vigatasaṃjñaśca tathā caiva pitāmahaḥ
viceṣṭaśca lalāpāsau mṛtavannipapāta ca
49.16
mṛtyorbhīto'hamacirācchirasā cābhivandya tam
mṛtavat patitaṃ sāntvayitarañca pitāmaham
49.17
pradakṣiṇīkṛtya ca taṃ rudrajāpyarato'bhavam
hṛtpuṇḍarīke suṣire dhyātvā devaṃ triyambakam
49.18
tātaṃ daśabhujaṃ śāntaṃ pañcavaktraṃ sadāśivam
saritsāmantare puṇye sthitaṃ māṃ parameśvaraḥ
49.19
tuṣṭo'bravīnmahādevaḥ somaḥ somārdhabhūṣaṇaḥ
vatsa ! nandin ! mahābāho ! mṛtyorbharbhītiḥ kutastava
49.20
mayaiva preṣitau viprau matsamastvaṃ na saṃśayaḥ
vatsaitattava dehaśca laukikaṃ paramārthataḥ
49.21
nāstyeva daivikaṃ dṛṣṭaṃ śilādena purā tava
devaiśca munibhiḥ siddhairgandharvairdānavottamaiḥ
49.22
pūjitaṃ yat purā vatsa ! daivikaṃ nandikeśvara !
saṃsārasya svabhāvo'yaṃ sukhaṃ duḥkhaṃ punaḥ punaḥ
49.23
nṛṇāṃ yoniparityāgaḥ sarvathaiva vivekinaḥ
evamuktā tu mā sākṣāt sarvadevamaheśvaraḥ
49.24
karābhyāṃ suśubhābhyāñca ubhābhyāṃ parameśvaraḥ
pasparśa bhagavān rudraḥ paramārttiharo haraḥ
49.25
uvāca ca mahādevastuṣṭātmā vṛṣabhadhvajaḥ
nirīkṣya gaṇapāṃścaiva devīṃ himavataḥ sutām
49.26
samālokya ca tuṣṭātmā mahādevaḥ sureśvaraḥ
ajaro jarayā tyakto nityaṃ duḥkhavivarjitaḥ
49.27
akṣayaścāvyayaścaiva sa pitā sa suhṛjjanaḥ
mameṣṭo gaṇapaścaiva mahauryyo matparākramaḥ
49.28
dṛṣṭo mama sadā caiva mama pārśvagataḥ sadā
madbalaścaiva bhavitā mahāyogabalānvitaḥ
49.26-2
evamuktvā ca māṃ devī bhagavān samahastataḥ
kuśeśayamayīṃ mālāṃ samunmucyātmanastadā
49.30
ābabandha mahātejā mama devo vṛṣadhvajaḥ
tayā'haṃ mālayā jātaḥ śubhayā kaṇṭhasaktayā
49.31
tryakṣo daśabhujaścaiva dvitīya iva śaṅkaraḥ
tata eva samādāya hastena parameśvaraḥ
49.32
uvāca brūhi kiṃ te'dya dadāmi varamuttamam
tato jaṭāśritaṃ vāri gṛhītvā cātinirmalam
49.33
uktvā nadī bhavetyeti utsasarja vṛṣadhvajaḥ
tataḥ sā divyatoyā ca pūrṇā sitajalā śubhā
49.34
padmotpalavanopetā prāvarttata mahānadī
tāmāha ca mahādevo nadīṃ paramaśobhanām
49.35
yasmājjaṭodakādeva pravṛttā tvaṃ mahānadī
tasmājjaṭodakā puṇyā bhaviṣyasi saridvarā
49.36
tvayi snātvā naraḥ kaścit sarvapāpaiḥ pramucyate
tato devyā mahādevaḥ śilādatanayaṃ prabhuḥ
49.37
putraste 'yamiti procya pādayoḥ samyapātayat
sā māmāghrāya śirasi pāṇibhyāṃ parimārjati
49.38
putrapremṇābhyaṣiñcacca srotobhistanayaistribhiḥ
payasā śaṅkhagaureṇa devadevaṃ nirīkṣya sā
49.39
tāni srotāṃsi trīṇyasyāḥ srotasvinyo'bhavaṃstadā
nadīṃ trisrotasaṃ devo bhagavānavadadbhavaḥ
49.40
trisrotasaṃ nadīṃ dṛṣṭvā vṛṣaḥ paramaharṣitaḥ
nanāda nādāsrastrāśca sāradanyā tato'bhavat
49.41
vṛṣadhvaniriti khyātā devadevena sā nadī
jāmbūnadamayaṃ citraṃ sarvaratnamayaṃ śubham
49.42
svaṃ devasaṅghataṃ divyaṃ nirmitaṃ viśvakarmaṇā
mukuṭañcāvataṃseśo mama mūrdhni vṛṣadhvajaḥ
49.43
kuṇḍale ca śubhe divye vajravaidūryyabhūṣite
ābabandha mahādevaḥ svayameva maheśvaraḥ
49.44
māṃ tathābhyarcitaṃ vyomni dṛṣṭvā meghaiḥ prabhākaraḥ
meghāmbhasā cābhyaṣiñcacchilādanamatho mune !
49.45
tasyābhiṣiktasya tadā pravṛttā srotasā bhṛśam
yasmāt suvarṇānniḥsṛtya na hyeṣā sampravarttate
49.46
svarṇodaketi tāmāha devadevastriyambakaḥ
jāmbūnadamayādyasmādvitīyā mukuṭācchubhā
49.47
prāvarttata nadī puṇyā jacurjāṃmba nadīti tām
etat pañcanadaṃ nāma jyeṣṭheśvarasamīpagam
49.48
yaḥ pañcanadamāsādya snātvā jyeṣṭheśvareśvaram
pūjayecchivasāyujyaṃ prayātyeva na saṃśayaḥ
49.46-2
atha devo mahādevaḥ sarvvabhūtapatirbhavaḥ
devīmuvāca śarvāṇīmumāṃ girisutāmajām
49.50
devi ! nandīśvaraṃ devamabhiṣiñcāmi bhūtapam
gaṇendraṃ vyāhariṣyāmi kiṃ vā tvaṃ manyase'vyaye !
49.51
tasya tadvacanaṃ śrutvā bhavānī harṣitānanā
svayantau varadaṃ prāha bhavaṃ bhūtapatiṃ patim
49.52
sarvvalokādhipatyañca gaṇeśatvaṃ tathaiva ca
dātumarhasi deveśa ! śailādisūnayo mama
49.53
tataḥ sa bhagavān śarvvaḥ sarvvalokeśvarośvaraḥ
sasmāra gaṇapān divyān devadevo vṛṣadhvajaḥ
49.53.p1
iti śrīlaiṅge nandikeśvaraprādurbhāva nandikeśvarābhiṣekamando nāma tricatvāriṃśo'dhyāyaḥ || 43
Linked texts (4)
- Liṅgapurāṇa — Vyāsa, Sanskrit
- Skandapurāṇa (early; "Ambikākhaṇḍa") — Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Ambikākhaṇḍa — Sanskrit