Pramāṇa · Search · About · API

Linga 54: atha aṣṭacatvāriṃśo'dhyāyaḥ

Liṅga 54

Language
Sanskrit

Contents

atha aṣṭacatvāriṃśo'dhyāyaḥ

54.1

sūta uvāca
asya dvīpasya madhye tu merurnāma mahāgiriḥ
nānāratnamayaiḥ śṛṅgaiḥ sthitaḥ sthitimatāṃ varaḥ

54.2

caturāśītisāhasrasamutsedhena prakīrttitaḥ
praviṣṭaḥ ṣor̤aśādhastādvistṛtaḥ ṣor̤aśaiva tu

54.3

śarāvavat saṃsthitatvādudvātriṃśanmūrdhni vistṛtaḥ
vistārāt triguṇaścāsya pariṇāho'numaṇḍalaḥ

54.4

haimoktato maheśasya śubhāṅgasparśanena ca
dhattūrapuṣpasaṅkāśaḥ sarvadevaniketanaḥ

54.5

krīr̤ābhūmiśca devānām anekāścaryyasaṃyutaḥ
lakṣayojana āyāmastasyaivantu mahāgireḥ

54.6

tataḥ ṣor̤aśasāhasraṃ yojanāni kṣiteradhaḥ
śeṣañcopari viprendrā ! dharāyāstasya śṛṅgiṇaḥ

54.7

mūlāyāmapramāṇantu vistārān mūlato gireḥ
ūrddhavistāramasyaiva dviguṇaṃ mūlato gireḥ

54.8

pūrvataḥ padmarāgābho dakṣiṇe hemasannibhaḥ
paścime nīlasaṅkāśaḥ uttare vidrumaprabhaḥ

54.9

amarāvatī pūrvabhāge nānāprāsādasaṅkulā
nānādevagaṇaiḥ kīrṇā maṇijālasamāvṛtā

54.10

gopurairvividhākārairhemaratnavibhūṣitaiḥ
toraṇairhemacitraistu maṇiklṛptaiḥ pathi sthitaiḥ

54.11

saṃlāpālāpakuśalaiḥ sarvābharaṇabhūṣitaiḥ
stanabhāravinamraiśca madaghūrṇitalocanaiḥ

54.12

strīsahasraiḥ samākīrṇā cāpsarobhiḥ samantataḥ
dīrghikābhirvicitrābhiḥ phullāmbhoruhasaṅkulaiḥ

54.13

hemasopānasaṃyuktairhemasaikatarāśibhiḥ
nīlotpalaiścotpalaiśca haimaiścāpi sugandhibhiḥ

54.14

evaṃvidhaistaṭākaiśca nadībhiśca nadairyutā
virājate purī. śubhrā tatrā'sau parvataḥ śubhaḥ

54.15

tejasvino nāma puro āgne yyāṃ pāvakasya tu
amarāvatī samā divyā sarvabhogasamanvitā

54.16

vaivasvatī dakṣiṇe tu yamasya yamināṃ varāḥ !
bhavanairāvatā divyairjābvū nadamayaiḥ śubhaiḥ

54.17

naiṛte kṛṣṇavarṇā ca tathā śuddhavatī śubhā
tādṛśī gandhavanto ca vāyavyāṃ diśi śobhanā

54.18

mahodayā cottare ca aiśānyāntu yaśovato
parvatasya diganteṣu śobhate divi sarvadā

54.19

brahmaviṣṇumaheśānāṃ tathānyeṣāṃ niketanam
sarvabhogayutaṃ puṇyaṃ dīrghikābhinagottamam

54.20

siddhairyacaistu sampūrṇa gandharvairmunipuṅgavaiḥ
tathān‍yairvividhākārairbhūtasaṅgheścaturvidhaiḥ

54.21

girerupari viprendrāḥ ! śuddhasphaṭikasannibham
mahatsabhaimaṃ vistīrṇaṃ vimānaṃ na raḥ sthitam

54.22

tasmin mahābhujaḥ śarvaḥ somasūryāgnilocanaḥ
siṃhāsane maṇimaye devyāste ṣaṇmukhena ca

54.23

harestadadhaṃ vistīrṇaṃ vimānaṃ tatra so'pi ca
padmarāgamayaṃ divyaṃ paṅkajasya ca dakṣiṇe

54.24

tasmin śakrasya vipulaṃ puraṃ ramyaṃ yamasya ca
somasya varuṇasyātha nirūteḥ pāvakasya ca

54.25

vāyoścaiva tu rudrasya sarvāliyasagantataḥ
teṣāṃ teṣāṃ vimāneṣu divyeṣu vividheṣu ca

54.26

īśānyāmīśvarañceve nityārcā ca vyavasthitā
siddheśvareṇa bhagavānkhelādiḥ śiṣyasaṅgataḥ

54.27

sanatkumāraḥ siddhaistu sukhāsīnaḥ sureśvaraḥ
sanakaśca sanandaśca sahagāśca sahasraśaḥ

54.28

yogabhūmiḥ kvacittasmin bhogabhūmiḥ kvacit kvacit
bālasūryyapratīkāśaṃ vimānaṃ tatra śobhanam

54.29

śailādinaḥ śubhaścāsti tasminnāste gaṇeśvaraḥ
ṣaṇmukhasya gaṇeśasya gaṇānāntu sahasraśaḥ

54.30

suyaśroyāḥ sunetrāyāḥ mātṛṇāṃ madanasya ca
tasya jambū nadī nāma mūlamāveṣṭya saṃsthitā

54.31

tasya dakṣiṇapārśve tu jambūvṛkṣaḥ suśobhanaḥ
atyucchritaḥ suvistīrṇaḥ sarvakālaphalapradaḥ

54.32

meroḥ samantādvistīrṇaṃ śubhaṃ varṣamilāvṛtam
tatra jambū phalāhārāḥ keciccāmṛtabhojanāḥ

54.33

jāmbūnadasamaprakhyā nānāvarṇāśca bhoginaḥ
merupādāśrito viprā ! dvīpo'yaṃ madhyamaḥ śubhaḥ

54.34

navavarṣānvitaścaiva nadonadagirīśvaraiḥ
navavarṣantu vakṣyāmi jambū dvīpaṃ yathātatham

54.35

vistārāmaṇḍalāñcaiva yojaneśca nibodhata

54.35.p1

iti śrīlaiṅge 'ṣṭacatvāriṃśo'dhyāyaḥ || 48

Linked texts (5)