Linga 55: atha ūnapañcāśattamo'dhyāyaḥ
Liṅga 55
- Language
- Sanskrit
Contents
- 55.66-2 — 1 part
atha ūnapañcāśattamo'dhyāyaḥ
55.1
sūta uvāca
śatamekaṃ sahastrāṇāṃ yojanānāṃ sa tu smṛtaḥ
anuddīpaṃ sahastrāṇāṃ dviguṇaṃ dviguṇottaram
55.2
pañcāśatkoṭivistīrṇā sasamudrā dharā smṛtā
dvīpeśca saptabhiryuktā lokālokāvṛtā śubhā
55.3
nīlastathottare meroḥ śvetastasyottare punaḥ
śṛṅgī tasyottare viprāstrayaste varṣaparvatāḥ
55.4
jaṭharo devakūṭaśca pūrvasyāṃ diśi parvatau
niṣadho dakṣiṇe merostasya dakṣiṇato giriḥ
hemakūṭa iti khyāto himavāṃstasya dakṣiṇe
55.5
meroḥ paścimataścaiva parvatau dvau dharādharau
mālyavān gandhamādaśca dvāvetāvudgāyato
55.6
ete parvatarājānaḥ siddhacāraṇasevitāḥ
teṣāmantaraviṣkambho navasāhastramekakaḥ
55.7
idaṃ haimavataṃ varṣaṃ bhārataṃ nāma viśrutam
hemakūṭaṃ paraṃ tasmānnāmnā kimpuruṣaṃ smṛtam
55.8
naiṣadhaṃ hemakūṭāttu harivarṣaṃ taducyate
harivarṣātparañcaiva meroḥ śubhamilāvṛtam
55.6-2
ilāvṛtātparaṃ nīlaṃ ramyakaṃ nāma viśrutam
ramyakātparataraṃ śvetaṃ vikhyātaṃ taddhiraṇmayam
55.10
hiraṇmayātparañcāpi śṭaṅgī caiva kuruḥ smṛtaḥ
dhanuḥsaṃsthe tu vijñeye dve varṣe dakṣiṇottare
55.11
dīrghāṇi tatra catvāri madhyatastvilāvṛtam
meroḥ paścimapūrveṇa dve tu dīrghatare smṛte
55.12
arvāktu niṣadhasyātha vedyarddhaṃ cottaraṃ smṛtam
vedyarddhe dakṣiṇe trīṇi varṣāṇi trīṇi cottare
55.13
tayormadhye ca vijñeyaṃ merumadhyamilāvṛtam
dakṣiṇena tu nīlasya niṣadhasyottareṇa tu
55.14
udagāyato mahāśailo mālyavānnāma parvataḥ
yojanānāṃ sahasre dve upariṣṭāttu vistṛtaḥ
55.15
āyāmatastutriṃśat sahasrāṇi prakīrttitaḥ
tasya pratīcyāṃ vijñeyaḥ parvvato gandhamādanaḥ
55.16
āyāmataḥ sa vijñeyo mālyavāniva vistṛtaḥ
jambūddīpasya vistārāt samena tu samantataḥ
55.17
prāgāyatāḥ suparvāṇaḥ ṣar̤ete varṣaparvvatāḥ
avagāḍhāvubhayataḥ samudrau pūrvapaścimau
55.18
himaprāyastu himavān hemakūṭastu hemavān
taruṇādityasaṅkāśo hairaṇyo niṣadhaḥ smṛtaḥ
55.18-2
caturvvarṇaḥ sa sauvarṇo meruścordhvāyataḥ smṛtaḥ
vṛttākṛtiparīṇāhaścaturasraḥ samutthitaḥ
55.20
nīlaśca vaiḍūryamayaḥ śvetaḥ śuklo hiraṇmayaḥ
mayūravarhavarṇastu śātakumbhastriśṭaṅgavān
55.21
evaṃ saṃkṣepataḥ proktāḥ punaḥ śṛṇu girauśvarān
mandaro devakūṭaśca pūrvvasyāṃ diśi parvvatau
55.22
kailāso gandhamādaśca hemavāṃścaiva parvatau
pūrvvataścāyatāvetāvarṣṇavāntarvvavasthitau
55.23
niṣadhaḥ pāriyātraśca dvāveto varaparvvatau
yathā pūrvvau tathā yāmyāveto paścimataḥ śritau
55.24
triśṛṅgo jārudhiścaiva uttarau varaparvvatau
pūrvvataścāyatāvetāvarṣṇavāntarvvavasthitau
55.25
maryyādāparvvatānetānnāvāndharmamanīṣiṇaḥ
yo'so merurddijaśreṣṭhāḥ ! prāṃśuḥ kanakaparvvataḥ
55.26
tasya pādāstu catvāraścaturddikṣu nagottamāḥ
yairviṣṭabdhā na calati saptaddīpavatī mahī
55.27
daśayojanasāhasramāyāmasteṣu pavyate
pūrve tu mandaro nāma dakṣiṇe gandhamādanaḥ
55.28
vipulaḥ paścime pāśrve supārśvaścottare smṛtaḥ
mahāvṛkṣāḥ samutpannāścatvāro ddīpaketavaḥ
55.26-2
mandarasya gireḥ śṛṅge mahāvṛkṣaḥ saketurāṭ
pralambaśākhāśikharaḥ kadambaścaityapādapaḥ
55.30
dakṣiṇasyāpi śailasya śikhare devasevitā
jambūḥ sadā puṣpaphalā sadā mālyopaśobhitā
55.31
saketurdakṣiṇe dvīpe jambūllokeṣu viśrutā
vipulasyāpi śailasya paścime ca mahātmanaḥ
55.32
sañjātaḥ śikhare'kṣayyaḥ sa mahān caityapādapaḥ
supārśvasyottarasyāpi śṛṅge jāto mahādrumaḥ
55.33
nyagrodho vipulaskandho'nekayojanamaṇḍalaḥ
teṣāṃ caturṇāṃ vakṣyāmi śailendrāṇāṃ yathākramam
55.34
amānuṣāṇi ramyāṇi sarvvakālasukhāni ca
manoharāṇi catvāri devakrīr̤anakāni ca
55.35
vanāni vai caturdikṣu nāmatastu nibodhata
pūrve caitrarathaṃ nāma dakṣiṇe gandhamādanam
55.36
vaibhrājaṃ paścime vidyāduttare saviturvvanam
mitreśvarantu pūrve tu ṣaṣṭheśvaramataḥparam
55.37
varyyeśvaraṃ paścime tu uttare cāmrakeśvaram
mahāsarāṃsi ca tathā catvāri munipuṅgavāḥ !
55.38
yatra krīr̤anti munayaḥ parvvateṣu vaneṣu ca
aruṇodaṃ saraḥ pūrvaṃ dakṣiṇaṃ mānasaṃ smṛtam
55.39
sitodaṃ paścimasaro mahābhadraṃ tathottaram
śākhasya dakṣiṇe caiva viśākhasya ca paścime
55.40
uttare naigameyasya kumārasya ca pūrvvataḥ
aruṇodasya pūrveṇa śailendrā nāmataḥ smṛtāḥ
55.41
tāṃstu saṃkṣepato vakṣye na śakyaṃ vistareṇa tu
sitāntaśca kuraṇḍaśca kuraraścācalottamaḥ
55.42
vikaro maṇibhailaśca vṛṣabhāṃścācalottamaḥ
mahānaulo'tha rucakaḥ savindurdurastathā
55.43
veṇumāṃśca sameghaśca niṣadho devaparvvataḥ
ityete parvvatavarā hyanye ca girayastathā
55.44
pūrveṇa mandarasyaite siddhāvāsā udāhṛtāḥ
teṣu teṣu girondreṣu guhāsu ca vaneṣu ca
55.45
rudracetāṃsi divyāni viṣṇornārāyaṇasya ca
saraso mānasasyeha dakṣiṇena mahābalāḥ
55.46
ye kīrtyamānāstān sarvvān saṅkṣipya pravadāmyaham
śailaśca viśirāścaiva śikharaścācalottamaḥ
55.47
ekaśṭaṅgo mahāśūlo gajaśailaḥ piśācakaḥ
pañca śailo'tha kailāso himavāṃścācalottamaḥ
55.48
ityete devacaritā utkaṭāḥ parvatottamāḥ
teṣu teṣu ca sarvveṣu parvateṣu vaneṣu ca
55.46-2
rudrakṣetrāṇi divyāni sthāpitāni surottamaiḥ
digbhāge dakṣiṇe proktāḥ paścime ca vadāmi vaḥ
55.50
apareṇa sitodasya surapaśca mahābalaḥ
kumudo madhumāṃścaiva añjano mukuṭastathā
55.51
kṛṣṇaśca pāṇḍuraścaiva sahasraśikharaśca yaḥ
pārijātaśca śailendraḥ śrīmacchṛṅgācalottamaḥ
55.52
ityete devacaritā utkaṭāḥ parvatottamāḥ
sarvve paścima digbhāge rudrakṣetrasamanvitāḥ
55.53
mahābhadrasya sarasaścottare ca mahābalāḥ
ye sthitāḥ kīrtyamānāṃstān saṃkṣipyeha nibodhata
55.54
śaṅkhakūṭī mahāśailo vṛṣabho haṃsaparvataḥ
nāgaśca kapilaścaiva indraśailaśca sānumān
55.55
nīlaḥ kaṇṭakaśṭaṅgaśca śataśṭaṅgaśca parvvataḥ
puṣpakośaḥ prahailaśca virajaścācalottamaḥ
55.56
varāhaparvvataścaiva mayūraścācalottamaḥ
jārudhiścaiva śailendra eta uttarasaṃsthitāḥ
55.57
teṣu śaileṣu divyeṣu devadevasya śūlinaḥ
asaṃkhyātāni divyāni vimānāni sahasraśaḥ
55.58
eteṣāṃ śailamukhyānāmantareṣu yathākramam
santi caivāntaradroṇyaḥ sarāṃsyupavanāni ca
55.59
vasanti devā munayaḥ siddhāśca śivabhāvitāḥ
kṛtavāsāḥ sapatnīkāḥ prāsādāt parameṣṭhinaḥ
55.60
lakṣmādyānāṃ bilvavane kakubhe kaśyapādayaḥ
tathā tālavane proktamindropendroragāsanām
55.61
udumbare karddamasya tathānyeṣāṃ mahātmanām
vidyādharāṇāṃ siddhānāṃ puṇye tvāmralane śubhe
55.62
nāgānāṃ siddhasaṅghānāṃ tathā nimbavane sthitiḥ
sūryyasya kiṃśukavane tathā rudragaṇasya ca
55.63
bījapūravane puṇye devācāryyo vyavasthitaḥ
kaumude tu vane viṣṇupramukhānāṃ mahātma̍nām
55.64
sthalapadmavanāntastha nyagrodhe'śeṣabhoginaḥ
śeṣastvaśeṣajagatāṃ patirāste 'tigarvitaḥ
55.65
sa eva jagatāṃ kālaḥ pātāle ca vyavasthitaḥ
viṣṇorviśvagurormūttiṃ divyaḥ sākṣādvalāyudhaḥ
55.66
śayanaṃ devadevasya sahareḥ śaṅkhiṇo vibhoḥ
vane panasamantrāṇāṃ saṅghā dānavādayaḥ
55.67
kinnarairuragāścaiva viśākhakavane sthitāḥ
manoharavane vṛkṣāḥ sarvakoṭisamanvitāḥ
55.68
nandīśvaro gaṇavaraiḥ stūyamāno vyavasthitaḥ
santānakasthalomadhye sākṣāddevī sarasvatī
55.66-2
evaṃ saṃkṣepataḥ proktā vaneṣu vanavāsinaḥ
asaṃkhyātā mayāpyatra vaktuṃ no vistareṇa tu
55.66-2.p1
iti śrīlaiṅge ekonapañcāśattamo'dhyāyaḥ || 48
Linked texts (6)
- Liṅgapurāṇa — Vyāsa, Sanskrit
- Vāyupurāṇa — Vyāsa, Sanskrit
- Varāhapurāṇa — Vyāsa, Sanskrit
- Brahmāṇḍapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Prakriyāpāda — Sanskrit