Linga 56: atha pañcāśattamo'dhyāyaḥ
Liṅga 56
- Language
- Sanskrit
Contents
- 56.21 — 1 part
atha pañcāśattamo'dhyāyaḥ
56.1
sūta uvāca
nitāntaśikhare śakraḥ pārijātavane śubhe
tasya prācyāṃ kumudādrikūṭo'sau bahuvistaraḥ
56.2
aṣṭau purāṇya dīrṇāni dānavānāṃ dvijottamāḥ !
suvarṇakoṭare puṇye rākṣasānāṃ mahātmanām
56.3
nīlakānāṃ purāṇya hurāṣaṣṭirdvijottamāḥ !
mahānīle'pi śailendre purāṇi daśa pañca ca
56.4
hayānanānāṃ mukhyānāṃ kinnarāṇāṃ ca suvratāḥ !
veṇusaudhe mahāśaile vidyādharapuratrayam
56.5
vaikuṇṭhe garur̤aḥ śrīmān karañje nīlalohitaḥ
vasudhāre vasūnāntu nivāsaḥ parikīrttitaḥ
56.6
ratnadhāre girivare saptarṣīṇāṃ mahātmanām
saptasthānāni puṇyāni siddhāvāsayutāni ca
56.7
mahat prajāpateḥ sthānamekaśrṛṅge nagottame
gajaśaile tu durgāyāḥ sumedhe vasavastathā
56.8
ādityāśca tathā rudrāḥ kṛtāvāsāstathāśvinau
aśītirdevapuryyaṃstu hemakakṣe nagottame
56.6-2
sunīle rakṣasāṃ vāsāḥ pañcakoṭiśatāni ca
pañcakūṭe purāṇyāman pañcakoṭipramāṇataḥ
56.10
śataśṛṅge puraśataṃ yakṣāṇāmamitaujasām
tāmrābhe kādraveyāṇāṃ viśākhe tu guhasya vai
56.11
śvetodare muniśreṣṭhāḥ ! suparṇasya mahātmanaḥ
piśācake kuverasya harikūṭe harergṛham
56.12
kumude kinnarāvāsastvañjane cāraṇālayaḥ
kṛṣṇo gandharvanilayaḥ pāṇḍure purasaptakam
56.13
vidyādharāṇāṃ viprendrā ! viśvabhogasamanvitam
sahasraśikhare śaile daityānāmugrakarmaṇām
56.14
purāṇāntu sahasrāṇi sapta śakrāriṇāṃ dvijāḥ !
mukuṭe pannagāvāsaḥ puṣpaketau munīśvarāḥ !
56.15
vaivasvatasya somasya vāyornāgādhipasya ca
takṣake caiva śailendre catvāryāyatanāni ca
56.16
brahmendraviṣṇurudrāṇāṃ guhasya ca mahātmanaḥ
kuverasya ca somasya tathānyeṣāṃ mahātmanām
56.17
santyāyatanamukhyāni maryādā parvateṣvapi
śrīkaṇṭhādriguhāvāsī sarvāvāsaḥ sahomayā
56.18
śrīkaṇṭhasyādhipatyaṃ vai sarvadeveśvarasya ca
aṇḍasyāsya pravṛttistu śrīkaṇṭhena na saṃśayaḥ
56.19
ananteśādayastvevaṃ pratyekaṃ cāṇḍapālakāḥ
cakravarttina ityuktāstato vidyeśvarāstviha
56.20
śrīkaṇṭhādhiṣṭhitānyatra sthānāni ca samāsataḥ
maryādāparvateṣvadya śṛṇvantu pravadāmyaham
56.21
śrīkaṇṭhādhiṣṭhitaṃ viśvaṃ carācaramidaṃ jagat
kālāgniśivaparyyantaṃ kathaṃ vakṣye savistaram
56.21.p1
iti śrīlaiṅge bhuvanavinyāsediksthānavarṇanaṃ nāma pañcāśattamo'dhyāyaḥ || 50
Linked texts (3)
- Liṅgapurāṇa — Vyāsa, Sanskrit
- Vāyupurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit