Linga 57: atha ekapañcāśattamo'dhyāyaḥ
Liṅga 57
- Language
- Sanskrit
Contents
- 57.31 — 1 part
atha ekapañcāśattamo'dhyāyaḥ
57.1
sūta uvāca
devakūṭe girau madhye mahākūṭe suśobhane
hemavaidūryyamāṇikya nīla gomeda kāntibhiḥ
57.2
tathāntairmaṇimukhyaiśca nirmite nirmale śubhe
śākhāśatasahasrāḍhye sarvadrumavibhūṣite
57.3
campakāśokapunnāgavakulāsanamaṇḍite
pārijātakasampanne nānāpakṣigaṇānvite
57.4
naikadhātuśataiścitre vicitrakusumākule
nitambapuṣpasālambe naikasatvagaṇānvite
57.5
vimalasvādupānīye naikaprasravaṇairyyute
nirjharaiḥ kusumākīrṇairanekam̐śca vibhūṣite
57.6
tṛṣṇoḍupavahābhiśca sravantībhiralaṅkate
snigdhavarṇaṃ mahāmūlamanekaskandhapādapam
57.7
ramyaṃ hyaviralacchāyaṃ daśayojanamaṇḍalam
tatra bhūtavanaṃ nāma nānābhūtagaṇālayam
57.6-2
mahādevasya devasya śaṅkarasya mahātmanaḥ
hemaprākārasaṃyuktaṃ maṇitoraṇamaṇḍitam
sphāṭikaiśca vicitraiśca gopuraiśca samanvitam
57.10
siṃhāsanairmaṇimayaiḥ śubhāstaraṇasaṃyutaiḥ
dvitāvitastataḥ samyak śarveṇādhiṣṭhitaiḥ śubhaiḥ
57.11
amlānamātyānicitairnānāvarṇairgṛhottamaiḥ
maṇḍapaiḥ suvicitraiśca sphāṭikastambhasaṃyutaiḥ
57.12
saṃyutaṃ sarvabhūtaindrairbrahma ndropendrapūjitaiḥ
varāhagajasiṃharkṣaśārdū lakarabhānanaiḥ
57.13
uṣṭrolūkamukhaiścānyairmṛgoṣṭrājamukhairapi
pramathairvividhaiḥ sthūlairgirikūṭopamaiḥ śubhaiḥ
57.14
karālairharikeśaiśca romaśaiśrca mahābhujaiḥ
nānāvarṇākṛtidharairnānāsaṃsthānasaṃsthitaiḥ
57.15
dīptāsyairdīptacaritairnandīśvaramukhaiḥ śubhaiḥ
brahma ndraviṣṇusaṅkāśairaṇimādiguṇānvitaiḥ
57.16
aśūnyamamarairnityaṃ mahāpariṣadaistathā
tatra bhūtapaterdevāḥ pūjāṃ nityaṃ prayuñjate
57.17
jharjharaiḥ śaṅkhapaṭahairbherauḍiṇḍimagomukhaiḥ
lalitāvalitodgītairhastavalitagarjitaiḥ
57.18
pūjito vai mahādevaḥ pramathaiḥ pramatheśvaraḥ
siddharṣidevagandharvairbrāhmaṇā ca mahātmanā
57.18-2
upendrapramukhaiścānyaiḥ pūjitastatra śaṅkaraḥ
vibhaktakṣāraśikharaṃ yacca tacchaṅkhavarcasam
57.21
kailāso yakṣarājasya kuberasya mahātmanaḥ
tatrāpi devadevasya bhavasyāyatanaṃ mahat
tasminnāyatane somaḥ sadāste sagaṇo haraḥ
57.22
yatra mandākinī nāma nalinī vipulaudakā
suvarṇamaṇisopānā kuveraśikhare śubhe
57.23
jāmbūnadamayaiḥ padmairgandhasarvvaguṇānvitaiḥ
nīlavaidūryyapatraiśca gandhopitairmahotpalaiḥ
57.24
tathā kumudakhaṇḍaiśca mahāpakṣmairalaṅkṛtā
yakṣagandharvanārībhirapsarobhiśca sevitā
57.25
devadānavagandharvvairyakṣarakṣasakinnaraiḥ
upaspṛṣṭajalā puṇyā nadī mandākinī śubhā
57.26
tasyāścottarapārśve tu bhavasyāyatanaṃ śubham
vaidūryyamaṇisampannaṃ tatrāste śaṅkaro'vyayaḥ
57.27
dvijāḥ kanakanandāyāstīre vai prāci dakṣiṇe
vanaṃ dvijasahasrākhyaṃ mṛgapakṣisamākulam
57.28
tatrāpi sagaṇaḥ sāmbaḥ krīr̤ate'dri same gṛhe
nandāyāḥ paścime tīre kiñcidvai dakṣiṇāśrite
57.26-2
puraṃ rudrapurau nāma nānāprāsādasaṅkulam
tatrāpi śatadhā kṛtvā tmānaṃ cāmbayā saha
57.30
krīr̤ate sagaṇaḥ sāmbastacchivāyalamucyate
evaṃ śatasahasrāṇi sarvasyāyatanāni tu
57.31
pratidvīpe muniśreṣṭhāḥ ! parvvateṣu vaneṣu ca
nadīnadataṭākānāṃ tīreṣvarṣavasandhisu
57.31.p1
iti śrīlaiṅge ekapañcāśattamo'dhyāyaḥ || 51
Linked texts (4)
- Liṅgapurāṇa — Vyāsa, Sanskrit
- Vāyupurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Prakriyāpāda — Sanskrit