Pramāṇa · Search · About · API

Linga 58: atha dvipañcāśattamo'dhyāyaḥ

Liṅga 58

Language
Sanskrit

Contents

atha dvipañcāśattamo'dhyāyaḥ

58.1

sūta uvāca
nadyaśca bahavaḥ proktāḥ sadā bahujalāḥ śubhāḥ
sarovarebhyaḥ sambhūtāstvasaṃkhyātā dvijottamāḥ !

58.2

prāṅmukhā dakṣiṇāsyāśca cottaraprabhavāḥ śubhāḥ
paścimādyāḥ pavitrāśca prativarṣaṃ prakīrttitāḥ

58.3

ākāśāmbhonidhiryyo'sau soma ityabhidhīyate
ādhāraḥ sarvabhūtānāṃ devānāṃmamṛtākaraḥ

58.4

asmāt pravṛttā puṇyodā nadī tvākāśagāminī
saptamenānilapathā pravṛttā cāmṛtodakā

58.5

sā jyotīṃṣyanuvarttantī jyotirgaṇaniṣevitā
tārākoṭisahastrāṇāṃ nabhasaśca samāyutā

58.6

parivarttatyaharaho yathā somastathaiva sā
catvāryyaśītiśca tathā sahastrāṇāṃ samucchritaḥ

58.7

yojanānāṃ mahāmeruḥ śrīkaṇṭhākrīr̤akomalaḥ
tatrāsīno yataḥ śarvvaḥ sāmbaḥ saha gaṇeśvaraiḥ

58.8

krīr̤ate suciraṃ kālaṃ tasmāt puṇyajalā śivā
giriṃ meruṃ nadī puṇyā sā prayāti pradakṣiṇam

58.6-2

vibhajyamānasalinā sā javenānilana ca
merorantarakūṭepu nipapāta cartuṣvapi

58.11

samantāt samatikramya sarvvādrīn pravibhāgaśaḥ
asyā vinirgatā nadyaḥ śataśo'tha sahasraśaḥ
sarvvadvīpādivarṣeṣu bahavaḥ parikīrttitāḥ

58.12

tuṅgaprasravasaṃsyātā gaṅgā yadvāṅgatāmbarāt
ketumāle narāḥ kālāḥ sarvve panasabhojanāḥ

58.13

striyaścotpalavarṇābhā jīvitañcāyutaṃ smṛtam
bhadrāśve śuklavarṇāśca striyaścandrāṃśusannibhāḥ

58.14

kālāmmabhojanāḥ sarvve nirātaṅkā ratipriyāḥ
daśavarṣasahasrāṇi jīvanti śivabhāvitāḥ

58.15

hiraṇmayā ivātyarthamīśvarāticetasaḥ
tathā ramaṇake jīvā nyagrodhaphalabhojanāḥ

58.16

daśavarṣasahasrāṇi śatāni daśa pañca ca
jīvanti śuklāste sarvve śivadhyānaparāyaṇāḥ

58.17

hairanmayā mahābhāgā hiraṇmayavanāśrayāḥ
ekādaśasahasrāṇi śatāni daśapañca ca

58.18

varṣāṇāṃ tatra jīvanti śaśvatyāśanajīvanāḥ
hiraṇmayā ivātyarthamīśvarātimānasāḥ

58.18-2

kuruvarṣe tu kuravaḥ svargalokāt paricyutāḥ
sarvve maithunajātāśca cīriṇaḥ kṣīrabhojanāḥ

58.20

anyonyamanuraktāśca cakravākasadharmiṇaḥ
anāmayā hyaśokāśca nityaṃ sukhaniṣeviṇaḥ

58.21

trayodaśasahasrāṇi śatāni daśa pañca ca
jīvanti te mahāvīryyā na cānyastrīniṣeviṇaḥ

58.22

sahaiva maraṇaṃ teṣāṃ kuruṇāṃ svargavāsinām
dṛṣṭānāṃ supradṛṣṭānāṃ sarvvāmṭatabhojinām

58.23

sadā tu candrakāntānāṃ sadā yauvanaśālinām
śyāmāṅgānāṃ sadā sarvabhūṣaṇāspadadehinām

58.24

jambūdvīpe tu tatrāpi kuruvarṣaṃ suśobhanam
tatra candraprabhaṃ śambhorvimānaṃ candramaulinaḥ

58.25

varṣe tu bhārate martyāḥ puruṣāḥ karmavaśāyuṣaḥ
śatāyuṣaḥ samākhyātā nānāvarṇalpadehinaḥ

58.26

nānādevārcane yuktā nānākarmaphalāśrinaḥ
nānājñānārthasampannā durbalāścālpabhoginaḥ

58.27

indradvīpe tathā kecittathaiva ca kaseruke
tāmradīpaṃ gatāḥ kecit keciddeśaṃ gabhastimat

58.28

nāgaddīpaṃ tathā saumyaṃ gāndharvaṃ vāruṇaṃ gatāḥ
kecit mlecchāḥ pulindāśca nānājātisamudbhavāḥ

58.28-2

pūrve kirātāstasyānte paścime yavanāḥ smṛtāḥ
brāhmaṇāḥ kṣatriyā vaiśyāḥ madhye śūdrāśca sarvaśaḥ

58.30

ijjyāyuddhavaṇijyābhirvarttayanto vyavasthitāḥ
teṣāṃ saṃvyavahāro'yaṃ varttate'tra parasparam

58.31

dharmārthakāmasaṃyukto varṇānāntu svakarmasu
saṅkalpaścābhimānaśca āśramāṇāṃ yathā vidhi

58.32

iha svargāpavargārthaṃ pravṛttiryatra mānuṣī
teṣāñca yugakarmāṇi nānyatra munipuṅgavāḥ !

58.33

daśavarṣasahasrāṇi sthitiḥ kimpuruṣe nṛṇām
suvarṇavarṇāśca narāstriyaścāpsarasopamāḥ

58.34

anāmayā hyaśokāśca sarve te śivabhāvitāḥ
śahasrattvāṃsa tebhābhāḥ saṃṭārāḥ plakṣabhojanāḥ

58.35

mahārajatasaṅkāśā harivarṣe'pi mānavāḥ
devalokāt cyutāḥ sarve devākārāśca sarvaśaḥ

58.36

haraṃ yajanti sarvvaśaṃ pibantīkṣurasaṃ śubham
na jarā bādhate tena na ca jīryyanti te narāḥ

58.37

daśavarṣasahasrāṇi tatra jīvanti mānavāḥ
madhyamaṃ yanmayā proktaṃ nāmnā varṣamilāvṛtam

58.38

na tatra sūryyastapati na te jīryyanti mānavāḥ
candrasūryyau na nakṣatraṃ na prakāśamilāvṛte

58.39

padmaprabhāḥ padmamukhāḥ padmapatranibhekṣaṇāḥ
padmapatrasugandhāśca jāyante bhavabhāvitāḥ

58.40

jambūphalarasāhārā aniṣyandāḥ sugandhinaḥ
devalokāgatāstatra jāyante hyajarāmarāḥ

58.41

trayodaśasahasrāṇi varṣāṇāmte narottamāḥ
āyuḥpramāṇaṃ jīvanti varṣe divye vilāvṛte

58.42

jambūphalarasaṃ pītvā na jarā bādhate tvimān
na kṣudhā na klamañcāpi na jano mṛtyumāṃstathā

58.43

tatra jāmbūnadaṃ nāma kanakaṃ devabhūṣaṇam
indragopapratīkāśaṃ jāyante bhāskarantu tat

58.44

evaṃ mayā samākhyātā navavarṣāṇuvarṇanaḥ
varṣāṇurbhojanādyāni saṅkṣipya na tu vistarāt

58.45

hemakūṭe tu gandharvā vidyādhrāścāpsaro gaṇāḥ
sarve nāgāśca niṣadhe śeṣavāsuki takṣakāḥ

58.46

mahāvalāstvayañciṅgadramante yāntrikāḥ surāḥ
nīle tu vaidūryyamaye siddhā brahmarṣayo'malāḥ

58.47

daityānāṃ dānavānāñca śvetaḥ parvvata ucyate
śṛṅgavān parvvataścaiva pitṝṇāṃ nilayaḥ sadā

58.48

himavān yakṣamukhyānāṃ bhūtānāmīśvarasya ca
sarvvādviṣu mahādevo hariṇā brahmaṇāgmayā

58.46-2

nandinā ca gaṇaiścaiva varṣeṣu ca vaneṣu ca
nīlaśve tatriśṛṅge ca bhagavānnīlalohitaḥ

58.50

siddhairdevaiśca pitṛbhirdṛṣṭo nityaṃ viśeṣataḥ
nīlaśca vaidūryyamayaḥ śvetaḥ śuklo hiraṇmayaḥ

58.51

mayūravarhavarṇastu śātakumbhastriśṛṅgavān
ete parvvatarājānā jambūdvīpe vyavasthitāḥ

58.51.p1

iti śrīlaiṅge bhuvanakośasvabhāvavarṇanaṃ nāma dvipañcāśattamo'dhyāyaḥ || 52

Linked texts (5)