Pramāṇa · Search · About · API

Linga 6: atha pañcamo'dhyāyaḥ

Liṅga 6

Language
Sanskrit

Contents

atha pañcamo'dhyāyaḥ

6.1

sūta uvāca
yadā sraṣṭuṃ matiścakre mohaścāsīnmahātmanaḥ
hijāścābuddhipūrvvastu brahmaṇo'vyaktajanmanaḥ

6.2

tamo moho mahāmohastāmisraścāndhasaṃjñitaḥ
avidyā pañcadhā hyeṣā prādurbhūtā svayambhuvaḥ

6.3

avidyayā munergarbhyaḥ sargo mukhya iti smṛtaḥ
asādhaka iti smṛtvā sargo mukhyaḥ prajāpatiḥ

6.4

abhyamanyata so'nyaṃ vai nagā mukhyodbhavāḥ smṛtāḥ
tridhā kaṣṭo munestasya dhyāyato vai hyavarttata

6.5

prathamaṃ tasya vai jajñe tiryyak sroto mahātmanaḥ
ūrddha srotaḥ parastasya sāttvikaḥ sa dūti smṛtaḥ

6.6

arvāk sroto'nugrahaśca tathā bhūtādikaḥ punaḥ
brahmaṇo mahatasvādyo dvitīyo bhautikastathā

6.7

sargastṛtīyaścaindriyastūrīyo mukhya ucyate
tiryyagyonyaḥ pañcamastu ṣaṣṭho daivika ucyate

6.8

saptamo mānuṣo viprā ! aṣṭamo'nugrahaḥ smṛtaḥ
navamaścaiva kaumāraḥ prākṛtā vaikṛtāstrime

6.9

purastādasṛjaddevaḥ sanandaṃ sanakaṃ tathā
sanātanaṃ muniśreṣṭhā ! naiṣkaryyeṇa gatāḥ param

6.10

marīcibhṛgvaṅgirasaṃ pulastyaṃ pulahaṃ kratum
dattamatriṃ vasiṣṭhañca so'sṛjad yogavidyayā

6.11

navate brahmaṇaḥ putrā brahmājñā brāhmaṇottamāḥ
brahmavādina evaite brahmaṇaḥ sadṛśāḥ smṛtāḥ

6.12

saṅkalpaścaiva dharmaśca adharmo dharmasannidhiḥ
dvādaśaiva prajāstvetā brahmaṇo'vyaktajanmanaḥ

6.13

ṛbhuṃ sanatkumārañca sasarjādau sanātanaḥ
tāvṛrddharetasau divyau cāgrajau brahmavādinau

6.14

kumārau brahmaṇastulyau sarvvajñau sarvabhāvinau
vakṣye bhāryyākulaṃ teṣāṃ munīnāmagrajanmanām

6.15

samāsato muniśreṣṭhāḥ ! prajāsambhūtimeva ca
śatarūpāntu vai rājñīṃ virājamasṛjat prabhuḥ

6.16

svāyambhu vāttu vai rājñī śatarūpā tvayonijā
lebhe putradvayaṃ puṇyo tathā kanyādvayañca sā

6.17

uttānapādo hyavaro dhīmān jyeṣṭhaḥ priyavrataḥ
jyeṣṭhā variṣṭhā tvākūtiḥ prasūtiścānujā smṛtā

6.18

upayeme tadākūtiṃ rucirnāma prajāpatiḥ
prasūtiṃ bhagavān daco lokadhātośca yoginīm

6.18-2

dakṣiṇāsahitaṃ yajñamākūtiḥ suṣuve tathā
dakṣiṇā janayāmāsa divyān dvādaśa putrikān

6.20

prasūtiḥ suṣuve dakṣāccaturviṃśati ca dvijāḥ !
śraddhāṃ lakṣmīṃ dhṛtiṃ puṣṭiṃ tuṣṭiṃ medhāṃ kriyāṃ tathā

6.21

buddhiṃ lajjāṃ vapuḥ śāntiṃ siddhiṃ kīrttiṃ mahātapāḥ !
khyātiṃ śāntiṃ ca sambhūtiṃ smṛtiṃ prītiṃ kṣamāṃ tathā

6.22

sannatiñcānasūyāñca ūrjāṃ svāhāṃ surāraṇim
svadhāñcaiva mahābhāgāṃ pradadau ca yathākramam

6.23

śraddhādyāścaiva kīrtyantāstrayodaśa sudārikāḥ
dharmaṃ prajāpatiṃ jagmuḥ patiṃ paramadurlabhāḥ

6.24

upayeme bhṛgurdhīmān khyātiṃ tāṃ bhārgavāraṇim
sambhūtiñca marīcistu smṛtiṃ caivāṅgirā muniḥ

6.25

prītiṃ pulastyaḥ puṇyātmā kṣamāṃ tāṃ pulaho muniḥ
kratuśca sannatiṃ dhīmān atristāñcānasūyakām

6.26

ūrjāṃ vasiṣṭho bhagavān variṣṭho vārijekṣaṇām
vibhāvasustathā svāhāṃ svadhāṃ vai pitarastathā

6.27

putrīkṛtā satī yā sā mānasī śivasambhavā
dakṣeṇa jagatāṃ dhātrī rudramevāsthitā patim

6.28

arddhanārīśvaraṃ dṛṣṭvā sargādau kanakāṇḍajaḥ
vibhajasveti cāhādau yadā jātā tadābhavat

6.29

tasyāścaivāṃśajāḥ sarvāstriyastribhuvane tathā
ekādaśavidhā rudrāstasya prāṃgodbhavāstathā

6.30

strīliṅgamakhilaṃ sā vai puṃliṅgaṃ nīlalohitaḥ
taṃ dṛṣṭvā bhagavān brahmā dakṣamālokya suvratām

6.31

bhajasva dhātrīṃ jagatāṃ mamāpi ca tavāpi ca
punnāmno narakāttrāti iti putro tvihoktitaḥ

6.32

praśastā tava kānteyaṃ syāt putrī viśvamātṛkā
tasmāt putrī satī nāmnā tavaiṣā ca bhaviṣyati

6.33

evamuktastadā datto niyogād brahmaṇo muniḥ
labdhvā putrīṃ dadau sākṣāt satīṃ rudrāya sādaram

6.34

dharmasya patnyaḥ śraddhādyā kīrttitā vai trayodaśa
tāsu dharmaprajāṃ vakṣye yathākramamanuttamam

6.35

kāmo darpo'tha niyamaḥ santoṣo lobha eva ca
śrutastu daṇḍaḥ samayo bodhaścaiva mahādyutiḥ

6.36

apramādaśca vinayo vyavasāyo dvijottamāḥ
kṣemaṃ sukhaṃ yaśaścaiva dharmmaputrāśca tāsu vai

6.37

dharmmasya vai kriyāyāntu daṇḍaḥ samaya eva ca
apramādastathā bodho buddherdharmasya tau sutau

6.38

tasmāt pañcadaśaivaite tāsu dharmmātmajāstviha
bhṛgupatnī ca suṣuve khyātirviṣṇoḥ priyāṃ śriyam

6.39

dhātārañca vidhātāraṃ merojāmātarau sutau
prabhūtirnāma yā patnī marīceḥ suṣuve sutau

6.40

pūrṇamāsamtu mārīcaṃ tataḥ kanyā catuṣṭayam
tuṣṭirghyeṣṭhā ca vai dṛṣṭiḥ kraṣiścāpacitistathā

6.41

kṣamā ca suṣuve putrān putrīṃ ca pulahācchubhām
karddamañca varīyāṃsaṃ sahiṣṇuṃ munisattamāḥ !

6.42

tathā kanakapītāṃ sa pauvarīṃ pṛthivīsamām
prītyāṃ pulastyasya tathā janayāmāsa vai sutān

6.43

dattottaṃ vedabāhuñca putrīñcānyāṃ dṛṣadvatīm
putrāṇāṃ ṣaṣṭrisāhasraṃ sannatiḥ suṣuve śubhā

6.44

kratostu bhāryyā sarve te bālakhilyā iti śrutāḥ
sinīvālīṅkuhañcaiva rākāñcānumatiṃ tathā

6.45

smṛtiśca suṣuve patnī muneścāṅgirasastathā
labdhvānubhāvamagniñca kīrttimantañca suvratāḥ !

6.46

atrerbhāryyānusūyā vai suṣuve ṣaṭ prajāstu yāḥ
tāsvekā kanyakā nāmnā śrutiḥ sā sūnupañcakam

6.47

satyanetro munirbhavyo mūrttirāpaḥ śanaiścaraḥ
somaśca vai śrutiḥ ṣaṣṭhī pañcātreyāstu sūnavaḥ

6.48

ūrjā vasiṣṭhādvai lebhe sutāṃśca sutavatsalā
jyāyasī puṇḍarīkākṣān vāsiṣṭhān varalocanā

6.49

rajaḥ suhotro bāhuśca savanaścānaghastathā
sutapāḥ śukra ityete munervai sapta sūnavaḥ

6.50

yaścābhimānī bhagavān bharvātmā
paitāmaho vahnirasuḥ prajānām
svāhā ca tasmāt suṣuve sutānāṃ
trayaṃ trayāṇāṃ jagatāṃ hitāya

6.50.p1

iti śrīlaiṅge utpattivarṇanaṃ nāma pañcamo'dhyāyaḥ || 5

Linked texts (5)