Linga 64: atha aṣṭapañcāśattamo'dhyāyaḥ

Liṅga 64

Language: Sanskrit

64.17 — 1 part

atha aṣṭapañcāśattamo'dhyāyaḥ

64.1

ṛṣaya ūcuḥ
abhyaṣiñcat kathaṃ brahmā cādhipatye prajāpatiḥ
devadaityamukhān sarvvān sarvvātmā vada sāmpratam

64.2

sūta uvāca
grahādhipatye bhagavānabhyaṣiñcaddivākaram
ṛkṣāṇāmoṣadhīnāñca somaṃ brahmā prajāpatiḥ

64.3

apāñca varuṇaṃ devaṃ dhanānāṃ yakṣapuṅgavam
ādityānāṃ tathā viṣṇuṃ vasūnāṃ pāvakaṃ tathā

64.4

prajāpatīnāṃ dakṣañca marutāṃ śakramave ca
daityānāṃ dānavānāñca prahlādaṃ daityapuṅgavam

64.5

dharmaṃ pitṛṇāmadhipaṃ nirṛtiṃ piśitāśinām
rudraṃ paśūnāṃ bhūtānāṃ nandināṃ gaṇanāyakam

64.6

vīrāṇāṃ vīrabhadrañca piśācānāṃ bhayaṅkaram
mātṝṇāñcaiva cāmuṇḍāṃ sarvadevanamaskṛtām

64.7

rudrāṇāṃ devadeveśaṃ nīlalohitamīśvaram
vighnānāṃ vyomajaṃ devaṃ gajāsyantu vināyakam

64.8

strīṇāṃ devīmumādevī vācasāṃ ca sarasvatīm
viṣṇuṃ māyāvināñcaiva svātmānaṃ jagatāṃ tathā

64.9

himavantaṃ girīṇāntu nadīnāñcaiva jāhnavīm
samudrāṇāñca sarveṣāmadhipaṃ payasāṃ nidhim

64.10

vṛkṣāṇāñcaiva cāśvatthaṃ pṛcchañca prapitāmahaḥ

gandharvavidyādharakinnarāṇāmīśaṃ punaścitrarathañcakāra
nāgādhipaṃ vāsukimugravīryyaṃ sarpādhipaṃ takṣakamugravīryyam
digvāraṇānāmadhipañcakāra gajendramairāvatamugravīryyam
suparṇamīśaṃ patatāmathāśvarājānamuccaiḥśravasañcakāra

64.14

siṃhaṃ mṛgāṇāṃ vṛṣabhaṃ gavāṃśca mṛgādhipānāṃ śarabhañcakāra
senādhipānāṃ guhamaprameyaṃ śrutismṛtīnāṃ lakulīśamīśam
abhyaṣiñcat sudharmmāṇaṃ tathā śaṅkhapadaṃ diśām
ketumantaṃ krameṇaiva hemaramāṇameva ca

64.15

pṛthivyāṃ pṛthumauśānaṃ sarveṣāntu maheśvaram
caturmūttiṣu sarvvajñaṃ śaṅkaraṃ vṛṣabhadhvajam

64.16

prasādādbhragavāṃñchambhoścābhyaṣiñcad yathākramam
purāmabhiṣicya puṇyātmā rarāja bhuvaneśvaraḥ

64.17

etadvo vistareṇaiva kathitaṃ munipuṅgavāḥ !
abhikṣiptāstatastene viviṣṭā viśvayoninā

64.17.p1

iti śrīlaiṅge sūryādyabhiṣekakathanaṃ nāmāṣṭapañcāśattamo'dhyāyaḥ || 58

Linked texts (2)

Liṅgapurāṇa — Vyāsa, Sanskrit
Liṅgapurāṇa — Ativīrarāma Pāṇṭiyar 1500, Sanskrit