[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Linga](https://indike.org/pramana/in.purana.linga-anon) › 64 # Linga 64: atha aṣṭapañcāśattamo'dhyāyaḥ Liṅga 64 - **Language:** Sanskrit ## Contents - [64.17](https://indike.org/pramana/in.purana.linga-anon.64.17) — 1 part ### atha aṣṭapañcāśattamo'dhyāyaḥ ### [64.1](https://indike.org/pramana/in.purana.linga-anon.64.1) ṛṣaya ūcuḥ abhyaṣiñcat kathaṃ brahmā cādhipatye prajāpatiḥ devadaityamukhān sarvvān sarvvātmā vada sāmpratam ### [64.2](https://indike.org/pramana/in.purana.linga-anon.64.2) sūta uvāca grahādhipatye bhagavānabhyaṣiñcaddivākaram ṛkṣāṇāmoṣadhīnāñca somaṃ brahmā prajāpatiḥ ### [64.3](https://indike.org/pramana/in.purana.linga-anon.64.3) apāñca varuṇaṃ devaṃ dhanānāṃ yakṣapuṅgavam ādityānāṃ tathā viṣṇuṃ vasūnāṃ pāvakaṃ tathā ### [64.4](https://indike.org/pramana/in.purana.linga-anon.64.4) prajāpatīnāṃ dakṣañca marutāṃ śakramave ca daityānāṃ dānavānāñca prahlādaṃ daityapuṅgavam ### [64.5](https://indike.org/pramana/in.purana.linga-anon.64.5) dharmaṃ pitṛṇāmadhipaṃ nirṛtiṃ piśitāśinām rudraṃ paśūnāṃ bhūtānāṃ nandināṃ gaṇanāyakam ### [64.6](https://indike.org/pramana/in.purana.linga-anon.64.6) vīrāṇāṃ vīrabhadrañca piśācānāṃ bhayaṅkaram mātṝṇāñcaiva cāmuṇḍāṃ sarvadevanamaskṛtām ### [64.7](https://indike.org/pramana/in.purana.linga-anon.64.7) rudrāṇāṃ devadeveśaṃ nīlalohitamīśvaram vighnānāṃ vyomajaṃ devaṃ gajāsyantu vināyakam ### [64.8](https://indike.org/pramana/in.purana.linga-anon.64.8) strīṇāṃ devīmumādevī vācasāṃ ca sarasvatīm viṣṇuṃ māyāvināñcaiva svātmānaṃ jagatāṃ tathā ### [64.9](https://indike.org/pramana/in.purana.linga-anon.64.9) himavantaṃ girīṇāntu nadīnāñcaiva jāhnavīm samudrāṇāñca sarveṣāmadhipaṃ payasāṃ nidhim ### [64.10](https://indike.org/pramana/in.purana.linga-anon.64.10) vṛkṣāṇāñcaiva cāśvatthaṃ pṛcchañca prapitāmahaḥ ### [64.12](https://indike.org/pramana/in.purana.linga-anon.64.12) gandharvavidyādharakinnarāṇāmīśaṃ punaścitrarathañcakāra nāgādhipaṃ vāsukimugravīryyaṃ sarpādhipaṃ takṣakamugravīryyam digvāraṇānāmadhipañcakāra gajendramairāvatamugravīryyam suparṇamīśaṃ patatāmathāśvarājānamuccaiḥśravasañcakāra ### [64.14](https://indike.org/pramana/in.purana.linga-anon.64.14) siṃhaṃ mṛgāṇāṃ vṛṣabhaṃ gavāṃśca mṛgādhipānāṃ śarabhañcakāra senādhipānāṃ guhamaprameyaṃ śrutismṛtīnāṃ lakulīśamīśam abhyaṣiñcat sudharmmāṇaṃ tathā śaṅkhapadaṃ diśām ketumantaṃ krameṇaiva hemaramāṇameva ca ### [64.15](https://indike.org/pramana/in.purana.linga-anon.64.15) pṛthivyāṃ pṛthumauśānaṃ sarveṣāntu maheśvaram caturmūttiṣu sarvvajñaṃ śaṅkaraṃ vṛṣabhadhvajam ### [64.16](https://indike.org/pramana/in.purana.linga-anon.64.16) prasādādbhragavāṃñchambhoścābhyaṣiñcad yathākramam purāmabhiṣicya puṇyātmā rarāja bhuvaneśvaraḥ ### [64.17](https://indike.org/pramana/in.purana.linga-anon.64.17) etadvo vistareṇaiva kathitaṃ munipuṅgavāḥ ! abhikṣiptāstatastene viviṣṭā viśvayoninā ### [64.17.p1](https://indike.org/pramana/in.purana.linga-anon.64.17.p1) iti śrīlaiṅge sūryādyabhiṣekakathanaṃ nāmāṣṭapañcāśattamo'dhyāyaḥ || 58 ## Linked texts (2) - [Liṅgapurāṇa](https://indike.org/pramana/in.purana.linga.1.58.1) — Vyāsa, Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.64.1) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.linga-anon.64](https://indike.org/pramana/in.purana.linga-anon.64) · Pramāṇa