Linga 65
Liṅga 65
- Language
- Sanskrit
Contents
- 65.45 — 1 part
65.1
sūta uvāca
etacchrutvā tu munayaḥ punastaṃ saṃśayānvitāḥ
papracchuruttaraṃ bhūyastadā te romaharṣaṇam
65.2
ṛṣaya ūcuḥ
yadetaduktaṃ bhavatā sūteha vadatāṃ vara !
etadvistarato brūhi jyotiṣāñca vinirṇayam
65.3
śrutvā tu vacanaṃ teṣāṃ tadā sūtaḥ samāhitaḥ
uvāca paramaṃ vākyaṃ teṣāṃ saṃśayanirṇaye
65.4
asminnarthe mahāprāśairyaduktaṃ śāntabuddhibhiḥ
etadvo'haṃ pravakṣyāmi sūryyacandramasorgatim
65.5
yathā devagṛhāṇīha sūryyacandrādayo grahāḥ
ataḥparantu trividhamagnervakṣye samudbhavam
65.6
divyasya bhautikasyāgne rathyo'gneḥ pārthivasya ca
vyuṣṭāyāntu rajanyāñca brahmaṇo'vyaktajanmanaḥ
65.7
avyākṛtamidaṃ kṣmāsonnaiśeena tamasāhṛtam
caturbhāgāvaśiṣṭe'smin loke naṣṭe viśeṣataḥ
65.8
svayambhūbhagavānstatra lokasarvvārthasādhakaḥ
khadyotavat sañcacaradāvirbhāvacikīrṣayā
65.6-2
so'gniṃ sṛṣṭvā'tha lokādau pṛthivījalasaṃśritaḥ
saṃhṛtya tatprakāśārthaṃ tridhā vyabhajadīśvaraḥ
65.10
pavano yastu loke'smin pārthivo vahnirucyate
yaścāsau tapate sūryye śuciragnistu saḥ smṛtaḥ
65.11
vaidyuto'psvasu vijñeyasteṣāṃ vakṣye tu lakṣaṇam
vaidyuto jāṭharaḥ sauro vārigarbhāstrayo'gnayaḥ
65.12
tasmādāpaḥ piban sūryyo gobhirdīpyatyasau vibhuḥ
jale cāgniḥ samāviṣṭo nādbhiragniḥ praśāmyati
65.13
mānavānāñca kukṣisyo nādbhiḥ śāmyati pāvakaḥ
arciṣmān pavanaḥ so'gnirniṣprabho jāṭharaḥ smṛtaḥ
65.14
yaścāyaṃ maṇḍalī śuklo nivṛṣā samprajāyate
prabhā saurī tu pādena hyastaṃ yāte divākare
65.15
agnimāviśate rātrau tasmād dūrāt prakāśate
udyantañca punaḥ sūryyamauṣṇamagneḥ samāviśet
65.16
pādena pārthivasyāgne stasmādagnistapatyasau
prakāśauṣṇāsvarūpe ca saurāgne ye tu tejasī
65.40
iti varṇāḥ samākhyātā mayā sūryyasamudbhavāḥ
65.41
oṣadhīṣu balaṃ dhatte svadhayā ca pitṛṣvapi
sūryyo'mareṣvapyamṛtaṃ trayaṃ triṣu niyacchati
65.42
evaṃ raśmisahasraṃ tat sauraṃ lokārthasādhakam
bhidyate lokamāsādya jalaśītoṣṇaniḥsravam
65.43
ityetanmaṇḍalaṃ śuklaṃ bhāskaraṃ sūryyasaṃjñitam
nakṣatragrahasomānāṃ pratiṣṭhā yonirèva ca
65.44
candraṛkṣagrahāḥ sarve vijñeyāḥ sūryyasambhavāḥ
nakṣatrādhipatiḥ somo nayanaṃ vāmamīśituḥ
65.45
nayanañcaiva mośasya dakṣiṇaṃ bhāskaraḥ svayam
teṣāṃ janānāṃ loke'sminnayanaṃ nayate yataḥ
65.45.p1
iti śrīlaiṅge sūryyaraśmisvarūpakathanaṃ nāma ekonaṣaṣṭitamo'dhyāyaḥ || 56
Linked texts (6)
- Liṅgapurāṇa — Vyāsa, Sanskrit
- Brahmāṇḍapurāṇa — Vyāsa, Sanskrit
- Vāyupurāṇa — Vyāsa, Sanskrit
- Sāmbapurāṇa — Sanskrit
- Liṅgapurāṇa — Ativīrarāma Pāṇṭiyar 1500, Sanskrit
- Prakriyāpāda — Sanskrit