Pramāṇa · Search · About · API

Linga 66

Liṅga 66

Language
Sanskrit

Contents

66.1

sūta uvāca
śeṣāḥ pañcagrahā jñeyā īśvarāḥ kāmacāriṇaḥ
pañcate cāgniraditya udakaṃ candramāḥ smṛtaḥ

66.2

śeṣāṇāṃ prakṛtiṃ samyag vakṣyamāṇāṃ nibodhata
surasenāpatiḥ skandaḥ pañcate'ṅgārako grahaḥ

66.3

nārāyaṇaṃ budhaṃ prāhurdevaṃ jñānavido janāḥ
sarvalokaprabhuḥ sākṣād yamī lokaprabhuḥ svayam

66.4

mahāgraho dvijaśreṣṭhā ! mandagāmī śanaiścaraḥ
devāsuragurū dvau tu bhānumantau mahāgrahau

66.5

prajāpatisutāvuktau tataḥ śukrabṛhaspatī
ādityamūlamakhilaṃ trailokyaṃ nātra saṃśayaḥ

66.6

bhavatyasmājjagat kṛtsnaṃ sadevāsuramānuṣam
rudrendropendracandrāṇāṃ viprendrāgnidivaukasām

66.7

dyutirdyutimatvāṃ kṛtsnaṃ yattejaḥ sārvalaukikam
sarvātmā sarvalokeśo mahādevaḥ prajāpatiḥ

66.8

sūryya eva trilokeśo mūlaṃ paramadaivatam
tataḥ sañjāyate sarvaṃ tatraiva pravilīyate

66.6-2

bhāvābhāvau hi lokānāmādityānniḥsṛtau purā
avijñeyo graho viprā ! dīptimān suprabho raviḥ

66.10

atra gacchanti nidhanaṃ jāyante ca punaḥ punaḥ
kṣaṇā muhūrttā divasā niśāḥ pakṣāśca kṛtsnaśaḥ

66.11

māsāḥ saṃvatsarāścaiva ṛtavo'tha yugāni ca
tadādityādṛte hyeṣā kālasaṃkhyā na vidyate

66.12

kālādṛte na niyamo na dīkṣā nāhnikakramaḥ
ṛtūnāñca vibhāgasya puṣpaṃ mūlaṃ phalaṃ kutaḥ

66.13

kutaḥ śasyaviniṣpattistṛṇauṣadhigaṇo'pi ca
abhāvo vyavahārāṇāṃ jantūnāṃ divi ceha ca

66.14

jagatpratāpamamṛte bhāskaraṃ rudrarūpiṇam
sa eṣa kālāgnistvagnistvagniśca dvādaśātmā prajāpatiḥ

66.15

tapatyeṣa dvijaśreṣṭhāstrailokyaṃ sacarācaram
sa eṣa tejasāṃ rāśiḥ samastaḥ sārvalaukikaḥ

66.17

parasparāsupraveśādāpyāyate parasparam
uttare caiva bhūmyardhe tathā cāgniśca dakṣiṇe

66.18

uttiṣṭhati punaḥ' sūryyaḥ punarvai praviśatyapaḥ
tasmāttāmrā bhavantyāpo divārātipraveśanāt

66.19

astaṃ yāti punaḥ sūryo aharvai praviśatyapaḥ
tasmāttaktaṃ punaḥ śuklā āpo dṛśyanti bhāskarāḥ

66.20

etena kramayogena bhūmyarddhe dakṣiṇottare
udayāstamane nityamahorātraṃ viśatyapaḥ

66.21

yathāsau tapate sūryyaḥ pibannambho gabhastibhiḥ
pārthivāgnivimiśro'sau divyaḥ śuciriti smṛtaḥ

66.22

sahasrapādasau vahnirvṛttakumbhanibhaḥ smṛtaḥ
ādatte sa tu nār̤īnāṃ sahasreṇa samantataḥ

66.23

nādeyīścaiva sāmudrīḥ kṛpāścaiva tathā ghanāḥ
sthāvarā jaṅgamāścaiva vāpau kulyādikā apaḥ

66.24

tasya raśmisahasraṃ tacchītavarṣoṣṇaniḥsravam
tāmāhyatuḥśatā nādyo varṣante citramūrttayaḥ

66.25

bhajanāścaiva mālyāśca ketanāḥ patanāstathā
amṛtānāmataḥ sarvā raśmayo dṛṣṭisarjanāḥ

66.26

himohasrāśca tā nāḍyo raśmayastriṃśatāḥ punaḥ
regvā meghāśca vātyāśca hlādinyo himamarjanāḥ

66.27

candrabhā nāmataḥ sarvāḥ pītābhāśca gabhastayaḥ
śuklāśca kakubhāścaiva gāvo viśvabhṛtastathā

66.28

śuklāmtā nāmataḥ sarvāliyatorgharmasarjamāḥ
somo bibhartti tābhistu manuṣyapitṛdevatāḥ

66.29

manuṣyānoṣadheneha svadhayā ca pitṝnapi
amṛtena surān sarvāṃstisṛbhistarpayatyasau

66.30

vasante caiva grīṣme ca śataiḥ sa tapate tribhiḥ
varṣāsvatho śaradi ca caturbhiḥ sampravarṣati

66.31

hemante śiśire caiva himamutsṛjate tribhiḥ
indro dhātā bhagaḥ pūṣā mitro'tha varuṇo'ryyamā

66.32

aṃśurvivasvāṃstvaṣṭā ca parjanyo viṣṇureva ca
varuṇo māghamāse tu sūryya eva tu phālgune

66.33

caitre māsi bhavedaṃśurdhātā vaiśākhatāpanaḥ
jyeṣṭhe māsi bhavedindra āṣār̤he cāryyamā raviḥ

66.34

vivasvān śrāvaṇe māsi prauṣṭhapade bhagaḥ smṛtaḥ
parjanyo'śvayuje māsi tvaṣṭā vai kārttike raviḥ

66.35

mārgaśīrṣe bhavenmitraḥ pauṣe viṣṇuḥ sanātanaḥ
pañcaraśmisahasrāṇi varuṇasyārkakarmaṇi

66.36

śrīmadvimanagajāmānasasarojavihārakartre namaḥ
ṣaḍbhiḥ sahasraiḥ pūṣā tu devo'śuḥ saptabhistathā
dhātāṣṭabhiḥ sahasraistu navabhistu śatakratuḥ

66.37

vivasvān daśabhiryāti yātyekādaśabhirbhagaḥ
saptabhistapate mitrastvaṣṭā caivāṣṭabhiḥ smṛtaḥ

66.38

aryyamā daśabhiryāti parjanyo navabhistathā
ṣaḍbhauraśmisahasraistu viṣṇustapati medinīm

66.39

vasante kapilaḥ sūryyo grīṣme kāñcanaprabhaḥ
śveto varṣāsu varṇena pāṇḍuḥ śaradi bhāskaraḥ

66.16

hemante tāmravarṇastu śiśire lohito raviḥ
uttamaṃ mārgamāsthāya rātrāvahobhiridaṃ jagat
pārśvatordhvamadhaścaiva tāpayatyeṣa sarvvaśaḥ

66.17-2

yathā prabhākaro dīpo gṛhamadhye 'valambitaḥ
pārśvatorddha madhaścai va tamo nāśayate samam

66.18-2

tadvat sahasrakiraṇo graharājo jagat prabhuḥ
sūryyo gobhirjagatsarvvamādīpayati sarvvataḥ

66.16-2

raveraśmisahasra yat prāṅmayā samudāhṛtam
teṣāṃ śreṣṭhāḥ punaḥ saptaraśmayo grahayonayaḥ

66.20-2

suṣumno harikeśaśca viśvakarmā tathaiva ca
viśvavyacāḥ punaścānyaḥ sannaddhaśca tataḥ paraḥ

66.21-2

sarvvāvasuḥ punaścānyaḥ svarāḍanyaḥ prakīrttitaḥ
suṣumnaḥ sūryyaraśmistu dakṣiṇāṃ rāśimedhayat

66.22-2

nyagūrdhvādhaḥ pracāro'sya suṣumnaḥ parikīrttitaḥ
harikeśaḥ purastād yo ṛkṣayoniḥ prakīrtyate

66.23-2

dakṣiṇe viśvakarmā ca raśmirvvardhayate budham
viśvavyacāstu yaḥ paścācchukrayoniḥ smṛto budhaiḥ

66.24-2

sannaḍaśca tu yo raśmiḥ sa yonirlohitasya tu
ṣaṣṭhaḥ sarvvāvasūraśmiḥ sa yonistu bṛhaspateḥ

66.25-2

śanaiścaraṃ punaścāpi raśmirāpyāyate svarāṭ
evaṃ sūryya prabhāveṇa nakṣatragrahatārakāḥ

66.26-2

dṛśyante divi tāḥ sarvvāḥ vikṣepyedaṃ punarjagat
na cchīyante yatastāni tasmānnakṣatratā smṛtā

66.26-2.p1

iti śrīlaiṅge ṣaṣṭitamo'dhyāyaḥ || 60

Linked texts (7)