Linga 68: atha dviṣaṣṭitamo'dhyāyaḥ

Liṅga 68

ṛṣaya ūcuḥ
kathaṃ viṣṇoḥ prasādādvai dhruvo buddhimatāṃ varaḥ
mer̤hībhūto grahāṇāṃ vai vaktumarhasi sāmpratam

sūta uvāca
etamarthaṃ mayā pṛṣṭo nānāśāstraviśāradaḥ
mārkaṇḍeyaḥ purā prāha mahyaṃ śuśrūṣave dvijāḥ !

mārkaṇḍe ya uvāca
sārvabhaumo mahātejāḥ sarvaśastrabhṛtāṃ varaḥ
uttānapādo rājā vai pālayāmāsa medinīm

tasya bhāryādvayamabhūt sunītiḥ surucistathā
agrajāyāmabhūt putraḥ sunītyāntu mahāyaśāḥ

dhruvo nāma mahāprājñaḥ kuladīpo mahāmatiḥ
kadācit saptavarṣo'pi pituraṅkamupāviśat

surucistaṃ vinirdhūya svaputraṃ prītimānasā
nyaveśayat vipendrā ! hyaṅkaṃ rūpeṇa mānitā

alabdhvā sa piturdhīmānaṅkaṃ duḥkhitamānasaḥ
mātuḥ samīpamāgamya ruroda sa punaḥ punaḥ

rudantaṃ putramāhedaṃ mātā śokapariplutā
surucirdayitā bhartuḥ tasyāḥ putro'pi tādṛśaḥ

mama tvaṃ mandabhāgyāyā jātaḥ putro'pyabhāgyavān
kiṃ śocasi kimarthaṃ tvaṃ rodamānaḥ punaḥ punaḥ

santaptahṛdayo bhūtvā mama śokaṃ kariṣyasi
svasthasthānaṃ dhruvaṃ putra ! svagatyā tvaṃ samāpnuyāḥ

ityuktaḥ sa tu mātrā vai nirjagām tadā vanam | viśvāmitraṃ tato dṛṣṭvā praṇipatya yathāvidhi || 11

Linked texts (2)