Linga 69
Liṅga 69
- Language
- Sanskrit
Contents
- 69.42 — 1 part
69.12
uvāca prāñjalirbhūtvā bhagavan ! vaktumarhasi
sarveṣāmuparisthānaṃ kena prāpsyāmi sattama !
69.13
pituraṅke samāsīnaṃ mātā māṃ surucirmune !
vyadhūnayat satāṃ rājā pitā novāca kiñcana
69.14
etasmāt kāraṇād brahmaṃstrasto'haṃ mātaraṃ gataḥ
sunītirāha me mātā mā kṛthāḥ śokamuttamam
69.15
svakarmaṇā paraṃ sthānaṃ prāptumarhasi putraka !
tasyā hi vacanaṃ śrutvā sthānaṃ tava mahāmune !
69.16
prāpto vanamidaṃ brahmābradya tvāṃ dṛṣṭavān prabho !
tava prasādāt prāpsye'haṃ sthānamadbhutamuttamam
69.17
ityuktaḥ sa muniḥ śrīmān prahasannidamabravīt
rājaputra ! śṭaṇuṣvedaṃ sthānamuttamamāpsyasi
69.18
ārādhya jagatāmīśaṃ keśavaṃ kleśanāśanam
dakṣiṇāṅkabhavaṃ śambhormahādevasya dhīmataḥ
69.18-2
japa nityaṃ mahāprājña ! sarvapāpavināśanam
iṣṭadaṃ paramaṃ śuddhaṃ pavitramamalaṃ param
69.20
brūhi mantramimaṃ divyaṃ praṇavena samanvitam
namo'stu vāsudevāya ityevaṃ niyatendriyaḥ
69.21
dhyāyan sanātanaṃ viṣṇuṃ japahomaparāyaṇaḥ
ityuktaḥ praṇipatyainaṃ viśvāmitraṃ mahāyaśāḥ
69.22
prāṅmukho niyato bhūtvā jajāpa prītimānasaḥ
śākamūlaphalāhāraḥ saṃvatsaramatandritaḥ
69.23
jajāpa mantramaniśamajasraṃ sa punaḥ punaḥ
vetālā rākṣasā ghorāḥ siṃhādyāśca mahāmṛgāḥ
69.24
tamabhyayurmahātmānaṃ buddhimrohāya bhīṣaṇāḥ
japan sa vāsudeveti na kiñcit pratipadyata
69.25
sunītirasya yā mātā tasyā rūpeṇa saṃhatā
piśācī samanuprāptā ruroda bhṛśa duḥkhitā
69.26
mama tvamekaputro'si kimarthaṃ klibhyate bhavān
māmanāthāmapāhāya tapa āsthitavānasi
69.27
evamādīni vākyāni bhāṣamāṇāṃ mahratapāḥ
anirīkṣyaiva dṛṣṭātmā harernāma jajāpa saḥ
69.28
tataḥ praśemuḥ sarvvatra vighnarūpāṇi tatra vai
tato garuḍamāruhya kālameghasamadyutiḥ
69.28-2
sarvvadevaiḥ parivṛtaḥ stūyamāno maharṣibhiḥ
āyayau bhagavān viṣṇuḥ dhruvāntikamarātihā
69.30
samāgataṃ vilokyātha ko'sāvityeva cintayan
pibanniva hṛṣīkeśaṃ nayanābhyāṃ jagatpatim
69.31
japan sa vāsudeveti dhruvastasthau mahādyutiḥ
śaṅkhaprāntena govindaḥ pasparśosya hi tasya vai
69.32
tataḥ sa paramaṃ jñānamavāpya puruṣottamam
tuṣṭāva prāñjalirbhūtvā sarvvalokeśvaraṃ harim
69.34
prasīda devadeveśa ! śaṅkhacakragadādhara !
lokātman ! vedaguhyātman ! tvāṃ prapanno'smi keśava !
na vidustvāṃ mahātmānaṃ sanakādyā maharṣayaḥ
tat kathaṃ tvāmahaṃ vidyāṃ namaste bhuvaneśvara !
69.35
tamāha prahasan viṣṇurehi vatsa ! dhruvo bhavān
sthānaṃ dhruvaṃ samāsādya jyotiṣāmagrabhug bhava
69.36
mātrā tvaṃ sahitastatra jyotiṣāṃ sthānamāpnuhi
matsthānametat paramaṃ dhruvaṃ nityaṃ suśobhanam
69.37
tapasārādhya deveśaṃ purā labdhaṃ hi śaṅkarāt
vāsudeveti yo nityaṃ praṇavena samanvitam
69.38
namaskārasamāyuktaṃ bhagavacchabdasaṃyutam
japedevaṃ hi yo vidvān dhruvaṃ sthānaṃ prapadyate
69.39
tato devāḥ sagandharvāḥ siddhāśca paramarṣayaḥ
mātrā saha dhruvaṃ sarve tasmin sthāne nyaveśayan
69.40
viṣṇorājñāṃ puraskṛtya jyotiṣāṃ sthānamāptavān
evaṃ dhruvo mahātejāṃ dvādaśāttaravidyayā
69.41
avāpa mahatīṃ siddhimetatte kathitaṃ mayā
69.42
sūta uvāca
tasmād yo vāsudevāya praṇāmaṃ kurute naraḥ
ma yāti dhruvasālokyaṃ dhruvatvaṃ tasya tattathā
69.42.p1
iti śrīlaiṅge bhuvanakośe dhruvasaṃsthānavarṇanaṃ nāma dviṣaṣṭitamo'dhyāyaḥ || 62
Linked texts (2)
- Liṅgapurāṇa — Vyāsa, Sanskrit
- Liṅgapurāṇa — Ativīrarāma Pāṇṭiyar 1500, Sanskrit