Pramāṇa · Search · About · API

Linga 7: atha ṣaṣṭho'dhyāyaḥ

Liṅga 7

Language
Sanskrit

Contents

atha ṣaṣṭho'dhyāyaḥ

7.1

sūta uvāca
pavamānaḥ pāvakaśca śuciragniśca te smṛtāḥ
nirmathyaḥ pavamānastu vaidyutaḥ pāvakaḥ smṛtaḥ

7.2

śuciḥ saurastu vijñeyaḥ svāhā putrāstrayastu te
putraiḥ pautraistrirvahneteṣāṃ saṅkhyā saṃkṣepataḥ smṛtā

7.3

visṛjya saptakañcādau catvāriṃśannavaiva ca
ityete vahnayaḥ proktāḥ praṇīyante 'dhvareṣu ca

7.4

sarve tapasvinastve te sarve vratabhṛtaḥ smṛtāḥ
prajānāṃ patayaḥ sarve sarve rudrātmakāḥ smṛtāḥ

7.5

ayajvānaśca yajvānaḥ pitaraḥ prītimānasāḥ
agniṣvāttāśca yajvānaḥ śeṣā barhiṣadaḥ smṛtāḥ

7.6

menāntu mānasīnteṣāṃ janayāmāsa vai svadhā
agniṣvāttātmajā menā mānasī lokaviśrutā

7.7

asta menā mainākaṃ krauñcantasyānujāmumām
gaṅgāṃ haimavatīṃ jajñe bhavāṅgāśleṣapāvanīm

7.8

dharaṇīṃ janayāmāsa mānasīṃ yajñayājinīm
svadhā sā merarurājasya patnī padmamamānanā

7.6-2

pitaro'mṛtapāḥ proktāsteṣāñcaiveha vistaraḥ
ṛṣīṇāñca kulaṃ sarvaṃ śṛṇudhvaṃ tat suvistaram

7.10

vadāmi pṛthagadhyāyasaṃsthitaṃ vastudūrdhvataḥ
dākṣāyaṇī satī yātā pārśvaṃ rudrasya pārvatī

7.11

pañcāhnenaṃ vinirjitya patiṃ lebhe bhavaṃ tathā
tāṃ jñātvā sasṛjadrudrānanekānnīlalohitaḥ

7.12

ātmanastu samān sarvān sarvalokanamasratān
yācito muniśārdūla ! brahmaṇā prahasan kṣaṇāt

7.13

taistu saṃcchāditaṃ sarvaṃ caturdaśavidhaṃ jagat
tān dṛṣṭvā vividhān rudrāṃvimaṃlāñchailalohitān

7.14

jarāmaraṇanirmuktān prāha rudrān pitāmahaḥ
namo'stu vo mahādevāstrinetrā nīlalohitāḥ

7.15

sarvajñāḥ sarvagā dīrghā hrasvā vāmanakāḥ śubhāḥ
hiraṇyakeśā dṛṣṭighnā nityā buddhāśca nirmalāḥ

7.16

nirdvandvā vītarāgāśca viśvātmāno bhavātmajāḥ
evaṃ stutvā tadā rudrān rudrañcāha bhavaṃ śivam
pradakṣiṇīkṛtya tadā bhagavān kanakāṇḍajaḥ

7.17

namo'stu te mahādeva ! prajānāhaṃsi śaṅkara !
mṛtyuhīnā vibhoḥ sraṣṭuṃ mṛtyuyuktāḥ sṛja prabho !

7.18

tatastvāha bhagavān na hi me tādṛśī sthitiḥ
sattvaṃ sṛja yathākāmaṃ mṛtyuyuktāḥ prajāḥ prabho !

7.16-2

labdhvā sasarja sakalaṃ śaṅkarāccaturānanaḥ
jarāmaraṇasaṃyuktaṃ jagadetaccarācaram

7.20

śaṅkaro'pi tadā rudrairnihatātmā hyadhiṣṭhitaḥ
sthāṇutvaṃ tasya vai viprāḥ ! śaṅkarasya mahātmanaḥ

7.21

niṣkalasyātmanaḥ śambhoḥ svecchādhṛtaśarīriṇaḥ
śaṃ rudraḥ sarvabhūtānāṃ karoti kṛpayā yataḥ

7.22

śaṅkarasyāprayatnena tadātmā yogavidyayā
vairāgyasya viraktasya vimuktiryacchramucyate

7.23

aṇostu viṣayatyāgaḥ saṃsārabhayataḥ kramāt
vairāgyājjāyate puṃso virāgī darśanāntare

7.24

vimukhyo viguṇatyāgo vijñānasyāvicārataḥ
tasya cāsya ca sandhānaṃ prasādāt parameṣṭhinaḥ

7.25

dharmo jñānañca vairāgyamaiśvaryyaṃ śaṅkarādiha
sa eva śaṅkaraḥ sākṣāt pinākī nīlalohitaḥ

7.26

ye śaṅkarāśritāḥ sarve mucyante te na saṃśayaḥ
na gacchantyeva narakaṃ pāpiṣṭhā api dāruṇam

7.27

āśritāḥ śaṅkaraṃ tasmāt prāpnuvanti ca śāśvatam
ṛṣaya ūcuḥ
māyāntāścaiva prorādyā hyaṣṭāviṃśatireva ca

7.28

koṭayo narakāṇāntu pacyante tāsu pāpinaḥ
anāśritāḥ śivaṃ rudraṃ śaṅkaraṃ nīlalohitam

7.26-2

āśrayaṃ sarvabhūtānāmavyayaṃ jagatāṃ patim
puruṣaṃ paramātmānaṃ puruhūtaṃ puruṣṭutam

7.30

tamasākālarudrākhyaṃ rajasā kanakāṇḍajam
satvena sarvagaṃ viṣṇuṃ nirguṇatve maheśvaram

7.31

kena gacchanti narakaṃ narāḥ kena mahāmate !
karmaṇākarmaṇā vāpi śrotuṃ kautūhalaṃ hi naḥ

7.31.p1

ityādi mahāpurāṇe śrīlaiṅge ṣaṣṭho'dhyāyaḥ || 6

Linked texts (2)