Pramāṇa · Search · About · API

Linga 70: atha triṣaṣṭitamo'dhyāyaḥ

Liṅga 70

Language
Sanskrit

Contents

atha triṣaṣṭitamo'dhyāyaḥ

70.1

ṛṣaya ūcuḥ
devānāṃ dānavānāñca gandharvoragarattasām
utpattiṃ brūhi sūtādya yathākramamanuttamam

70.2

sūta uvāca
saṅkalpāddarśanāt sparśāt pūrveṣāṃ sṛṣṭirucyate
dakṣāt prācetasāddhardhvaṃ sṛṣṭirmaithunasambhavā

70.3

yadā tu sṛjatastasya devarṣigaṇapannagān
na vṛddhiṃmagamallokastadā maithunayogataḥ

70.4

dattaḥ putrasahasrāṇi pañcabhūyāmajījanat
tāṃstu dṛṣṭvā mahābhāgān sisṛkṣurvividhāḥ prajāḥ

70.5

nāradaḥ prāha haryyaśvān dakṣaputrān samāgatān
bhuvaḥ pramāṇaṃ sarvvastu jñātvordhva madha eva ca

70.6

tataḥ sṛṣṭiṃ viśeṣeṇa kurudhvaṃ munisattamāḥ !
te tu tadvacanaṃ śrutvā prayātāḥ sarvvato diśam

70.7

adyāpi na nivarttante samudrādiva sindhavaḥ
haryyaśveṣu ca naṣṭeṣu punardakṣaḥ prajāpatiḥ

70.8

sṛtyāmeva ca putrāṇāṃ sahasramasṛjat prabhuḥ
śabalā nāma te viprāḥ ! sametāḥ sṛṣṭihetavaḥ

70.6-2

nārado'nugatān prāha punastān sūryyavarcasaḥ
bhuvaḥ pramāṇaṃ sarvvantu jñātvā bhrātṝn punaḥ punaḥ

70.10

āgatya vā'tha sṛṣṭiṃ vai kariṣyatha viśeṣataḥ
te'pi tenaiva mārgeṇa jagmurbhāṭagatiṃ tathā

70.11

tatasteṣvapi naṣṭeṣu ṣaṣṭikanyāḥ prajāpatiḥ
vairiṇyāṃ janayāmāsa dakṣaḥ prācetasastadā

70.12

prādāt sa daśakaṃ dharmai kaśyapāya trayodaśa
viṃśat sapta ca somāya catasro'riṣṭanemaye

70.13

dve caiva bhṛguputrāya dve kṛśāśvāya dhīmate
dve caivāṅgirase tadvattāsāṃ nāmāni vistarāt

70.14

śṛṇudhvaṃ devamātṝṇāṃ prajāvistāramāditaḥ
marutvatīva sūryyāmirlambā bhānururundhatī

70.15

saṅkalpā ca muhūrttā ca sādhyā viśvā ca bhāminī
dharmapatnyaḥ samākhyātāstāsāṃ putrān vadāmi vaḥ

70.16

viśvedevāstu viśvāyāḥ sādhyāsādhyānajījanat
marutvatyāṃ marutvanto vasostu vasavastathā

70.17

bhānostu bhānavaḥ proktā muhūrttāyā muhūrttakāḥ
lambāyā ghoṣanāmāno nāgavīthisu yāmijaḥ

70.18

saṅkalpāyāstu saṅkalpo vasusargaṃ vadāmi vaḥ
jyotiṣmantastu ye devā vyāpakāḥ sarvato diśam

70.19

vasavaste samākhyātāḥ sarvabhūtahitaiṣiṇaḥ
āpo dhruvaśca somaśca dharaścaivānilo'nalaḥ

70.20

pratyūṣaśca prabhāsaśca vasavo'ṣṭau prakīrttitāḥ
ajaikapādahirbradhnyo virūpākṣaḥ sa bhairavaḥ

70.21

haraśca bahurūpaśca tryambakaśca sureśvaraḥ
sāvitraśca jayantaśca pinākī cāparājitaḥ

70.22

ete rudrāḥ samākhyātā ekādaśagaṇeśvarāḥ
kaśyapasya pravakṣyāmi patnībhyaḥ putrapautrakam

70.23

aditiśca ditiścaiva ariṣṭā surasā muniḥ
surabhirvinatā tāmrā tadvat krodhavaśā ilā

70.24

kadrūsviṣādanustadvattāsāṃ putrān vadāmi vaḥ
tuṣitā nāma ye devāścākṣuṣasyāntare manoḥ

70.25

vaivasvatāntare te vai ādityā dvādaśa smṛtāḥ
indro dhātā bhagastvaṣṭā mitro'tha varuṇo'ryamā

70.26

vivasvān savitā pūṣā aṃśumān viṣṇureva ca
ete sahasrakiraṇā ādityā dvādaśa smṛtāḥ

70.27

ditiḥ putradvayaṃ lebhe kaśyapāditi naḥ śrutam
hiraṇyakaśipuścaiva hiraṇyākṣastathaiva ca

70.28

danuḥ putraśataṃ lebhe kaśyapād baladarpitam
vipracittiḥ pradhāno'bhūtteṣāṃ madhye dvijottamāḥ !

70.28-2

tāmrā ca janayāmāsa ṣaṭkanyā dvijapuṅgavāḥ !
śukīṃ śyenīñca bhāsīñca sugrīvīṃ gṛdhrikāṃ śucim

70.30

śukī śukkānulūkāṃśca janayāmāsa dharmataḥ
śyenī śyenāṃstathā bhāsī kuraṅgāṃśca vyajījanat

70.31

gṛdhrī gṛdhrān kapotāṃśca pārāvatavihaṅgamān
haṃsasārasakāraṇḍaplavāṃścucirajījanat

70.32

ajāśvameṣoṣṭrakharān sugrīvī cāpyajījanat
vinatā janayāmāsa garur̤añcāruṇaṃ śubhā

70.33

saudāminīṃ tathā kanyāṃ sarvvalokabhayaṅkarīm
surasāyāḥ sahasrantu sarpāṇāmabhavat purā

70.34

kadrūḥ sahasraśirasāṃ sahasraṃ prāpa suvratā
pradhānāsteṣu vikhyātāḥ ṣaḍviṃśatiruttamāḥ

70.35

śeṣavāsukikarkoṭaśaṅkhairāvatakambalāḥ
dhanañjayamahānīlapadmāśvataratakṣakāḥ

70.36

elāpatramahāpadmadhṛtarāṣṭrabalāhakāḥ
śaṅkhapālamahāśaṅkhapuṣpadaṃṣṭraśubhānanāḥ

70.37

śaṅkhalomā ca nahuṣo vāmanaḥ phaṇitastathā
kapilo durmukhaścāpi patañjaliriti smṛtaḥ

70.38

rakṣogaṇaṃ krodhavaśā mahāmāyaṃ vyajījanat
rudrāṇāñca gaṇaṃ tadvad gomahiṣyau varāṅganā

70.38-2

surabhirjanayāmāsa kaśyapāditi naḥ śrutam
munirmunīnāñca gaṇaṃ gaṇamapsarasāṃ tathā

70.40

tathā kinnaragandharvvānariṣṭājanayad bahūn
tṛṇavṛkṣalatāgulmamilā sarvvamajījanat

70.41

tviṣā tu yakṣarakṣāṃsi janayāmāsa koṭiśaḥ
ete tu kāśyapeyāśca saṃkṣepāt parikīrttitāḥ

70.42

eteṣāṃ putrapautrādi vaṃśāśca bahavaḥ smṛtāḥ
evaṃ prajāsu sṛṣṭāsu kaśyapena mahātmanā

70.43

pratiṣṭhitāsu sarvāsu carāsu sthāvarāsu ca
abhiṣicyādhipatyeṣu teṣāṃ mukhyān prajāpatiḥ

70.44

tato manuṣyādhipatiñcakre vaivasvataṃ manum
svāyambhuve'ntare pūrvaṃ brahmaṇā ye'bhiṣecitāḥ

70.45

tairiyaṃ pṛthivī sarvā saptadvīpā saparvvatā
yathopadeśamadyāpi dharmeṇa pratipālyate

70.46

svāyambhuve'ntare pūrve brahmaṇā ye'bhiṣecitāḥ
taistaiścābhiṣicyante manavaśca bhavanti te

70.47

manvantareṣvatīteṣu gatā hyeteṣu pārthivāḥ
evamanye'bhiṣicyante prāpte manvantare tataḥ

70.48

atītānāgatāḥ sarve nṛpā manvantare smṛtāḥ
etānutpādya putrāṃstu prajāsantānakāraṇāt

70.49

kaśyapo gotrakāmastu cacāra sa punastapaḥ
putro gotrakaro mahyaṃ bhavatāditi cintayan

70.50

tasyaivaṃ dhyāyamānasya kaśyapasya mahātmanaḥ
brahmayogāt sutau paścāt prādurbhūtau mahaujasau

70.51

vatsaraścāsitaścaiva tāvubhau brahmavādinau
vatsarāccaidhruvo jajñe raibhyaśca sumahādhaśāḥ

70.52

raibhyasya raibhyā vijñeyā naidhruvasya vadāmi vaḥ
cyavanasya tu kanyāyāṃ sumedhāḥ samapadyata

70.53

naidhruvasya tu sā patnī mātā vai kuṇḍapāyinām
asitasyaikaparṇāyāṃ brahmiṣṭhaḥ samapadyata

70.54

śāṇḍilyānāṃ varaḥ śrīmān devalaḥ sumahātapāḥ
śāṇḍilyā naidhruvā raibhyāstrayaḥ paścāttu kāśyapāḥ

70.55

navaprakṛtayo devāḥ pulastyasya vadāmi vaḥ
caturyuge hyatikrānte manorekādaśe prabhoḥ

70.56

arddhāvaśiṣṭe tasmiṃstu dvāpare sampravarttite
mānavasya nariṣyantaḥ putra āsīddamaḥ kila

70.57

damasya tasya dāyādastṛṇavinduriti smṛtaḥ
tretāyugamukhe rājā tṛtīye mambabhūva ha

70.58

tasya kanyā khilabilā rūpeṇāpratimābhavat
pulastyāya sa rājarṣistāṃ kanyāṃ pratyapādayat

70.58-2

ṛṣirairavilo yasyāṃ viśravāḥ samajāyata
tasya patnyastatasrastu paulastyakulavardhanāḥ

70.60

bṛhaspateḥ śubhā kanyā nāmnā vai devavarṇinī
puṣpotkaṭā balākā ca sute mālyavataḥ smṛte

70.61

kaikasī mālinaḥ kanyā tāsāṃ vai śṛṇuta prajāḥ
jyeṣṭhaṃ vaiśravaṇaṃ tasmāt suṣuve devavarṇinī

70.62

kaikasī cāpyajanayat rāvaṇaṃ rākṣasādhipam
kumbhakarṇaṃ śūrpaṇakhāṃ dhīmantañca vibhīṣaṇam

70.63

puṣpotkaṭā hyajanayat putrāṃstasmād dvijottamāḥ !
mahodaraṃ prahastañca mahāpārśvaṃ kharantathā

70.64

kumbhīnasīṃ tathā kanyāṃ balāyāḥ śṛṇuta prajāḥ
triśirā dūṣaṇaścaiva vidyujjihvaśca rākṣasaḥ

70.65

kanyā vaimālikā cāpi balāyāḥ prasavaḥ smṛtaḥ
ityete krūrakarmmāṇaḥ paulastyā rākṣasā nava

70.66

bibhīṣaṇo'tiśuddhātmā dharmajñaḥ parikīrttitaḥ
pulastyasya mṛgāḥ putrāḥ sarve vyāghrāśca daṃṣṭriṇaḥ

70.67

bhūtāḥ piśācāḥ sarpāśca sṛkarā hastinastathā
vānarāḥ kinnarāścaiva ye ca kimpuruṣāstathā

70.68

anapatyaḥ kratustasmin smṛto vaivasvate'ntare
atreḥ patnyo daśaivāsan sundaryyaśca pativratāḥ

70.69

bhadrāśvasya ghṛtācyāṃ vai daśāpsarasi sūnavaḥ
bhadrābhadrā ca jaladā mandānandā tathaiva ca

70.70

balāvalā ca viprendrā ! yā ca gopābalā smṛtā
tathā tāmarasā caiva varakrīr̤ā ca vai daśa

70.71

ātreyavaṃśaprabhavāstāsāṃ bharttā prabhākaraḥ
svarbhānupihite sūryye patite'smin divo mahīm

70.72

tamo'bhibhūte loke'smin prabhā yena pravarttitā
svastyastu hi tavetyukte patanniha divākaraḥ

70.73

brahmarṣervacanāttasya papāta na vibhurdivaḥ
tataḥ prabhākaretyuktaḥ prabhuratnirmaharṣibhiḥ

70.74

bhadrāyāṃ janayāmāsa somaṃ putraṃ yaśasvinam
sa tāsu janayāmāsa punaḥ putrāṃstapodhanaḥ

70.75

svastyātreyā iti khyātā ṛṣayo vedapāragāḥ
teṣāṃ hī khyātayaśasau brahmaṣṭhau ca mahaujasau

70.76

datto hyatrivaro jyeṣṭho durvāsāstasya cānujaḥ
yavīyasī svasā teṣāmamalā brahmavādinī

70.77

tasya gotradvaye jātāścatvāraḥ praśitā bhuvi
śyāvaśca pratasaścaiva vavalguścātha maṅgaraḥ

70.78

ātre yādyāśca catvāraḥ smṛtāḥ pakṣā mahātmanām
kāśyapo nāradaścaiva parvvato'thuvratastathā

70.76-2

jajñire mānasā hyete arundhatyā nibodhata
nāradasta vasiṣṭhāyārundhatīṃ pratyapādayat

70.80

ūrddharetā mahātejā dakṣaśāpāttu nāradaḥ
purā devāsure yuddhe ghore vai tārakāmaye

70.81

anāvṛṣṭyā hṛte loke kṣudhe lokeśvaraiḥ saha
vasiṣṭhastapasā bhaumām dhārayāmāsa vai prajāḥ

70.82

annodakaṃ mūlaphalaṃ cauṣadhīśca pravarttayan
tānetāna jīvayāmāsa kāruṇyādauṣadhena ca

70.83

arundhatyāṃ vasiṣṭhastu sutāmutpādayacchatam
jyāyaso janayacchaktau rahasyantī parāśaram

70.84

rakṣasā bhakṣite śaktau rudhireṇa tu vai tadā
kālī parāśarāñjajñe kṛṣṇaṃ dvaipāyanaṃ prabhum

70.85

dvaipāyano hyaraṇyāṃ vai śukamutpādayat sutam
upamanyu ca pīvaryāṃ viddhī me śukasūnavaḥ

70.86

bhūriśravāḥ prabhuḥ śambhuḥ kṛṣṇo gaurastu pañcamaḥ
kanyā kīrtti matī caiva yogamātā dhṛtavratā

70.87

jananī brahmadattasya patnī sālaṅgāyanasya ca
śvetaḥ kṛṣṇaśca gauraśca śyāmo dhūmrastathāruṇaḥ

70.88

nīlo bādariścaiva tu sarve caite parāśarāḥ
parāśarāṇāmaṣṭau te pakṣāḥ proktā mahātmanām

70.86-2

ata ūrdhvaṃ nibodhadhvamindrapramitisambhavam
vasiṣṭhasya kapiñjalyā ghṛtācyāmudapadyata

70.90

trimūrttiryaḥ samākhyāta indrapramitirucyate
pṛthoḥ sutāyāṃ sambhūto bhadrastasyābhavadvasuḥ

70.91

upamanyuḥ sutastasya bahavo hyaupamanyavaḥ
mitrāvaruṇayoścaiva kauṇḍinyā ye pariśrutāḥ

70.92

ekārṣeyāstathā cānye vāsiṣṭhā nāmaviśrutāḥ
ete pañcā vasiṣṭhānāṃ smṛtā daśa mahātmanām

70.63-2

ityete brahmaṇaḥ putrā mānasā viśrutā bhuvi
bharttāraśca mahābhāgā eṣāṃ vaṃśāḥ prakīrttitāḥ

70.64-2

trilokadhāraṇe śaktā devarṣikulasambhavāḥ
teṣāṃ putrāśca pautrāśca śataśo'tha sahasraśaḥ

70.65-2

yaistu vyāptāstrayo lokāḥ sūryyasyeva gabhastibhiḥ

70.65-2.p1

iti śrīlaiṅge devādisṛṣṭikathanaṃ nāma triṣaṣṭitamo'dhyāyaḥ || 63

Linked texts (14)