Pramāṇa · Search · About · API

Linga 72: atha pañcaṣaṣṭitamo'dhyāyaḥ

Liṅga 72

Language
Sanskrit

atha pañcaṣaṣṭitamo'dhyāyaḥ

72.1

ṛṣaya ūcuḥ
ādityavaṃśaṃ somasya vaṃśaṃ vaṃśavidāṃ vara !
vaktumarhasi cāsmākaṃ saṃkṣepādromaharṣaṇa !

72.2

sūta uvāca
aditiḥ suṣuve putramādityaṃ kaśyapād dvijāḥ !
tasyādityasya caivāsīd bhāryātrayamathāparam

72.3

saṃjñā rājñī prabhā chāyāṃ putrāṃstāsāṃ vadāmi vaḥ
saṃjñā tvāṣṭrī ca suṣuve sūryānmanumanuttamam

72.4

yamañca yamunāñcaiva rājñīrevatamaiva ca
prabhā prabhātamādityācchāyāṃ saṃjñāpyakalpayat

72.5

chāyā ca tasmāt suṣuve sāvarṇiṃ bhāskarād dvijāḥ !
tataḥ śaniśca tapatīṃ viṣṭiñcaiva yathākramam

72.6

chāyā svaputrābhyadhikaṃ sve hṛṣṭakre mano tadā
pūrvo manurna cakṣāma yamastu krodhamūrcchitaḥ

72.7

santār̤ayāmāsa ruṣā pādamudyamya dakṣiṇam
yamena tār̤itā sā tu chāyā vai duḥkhitābhavat

72.8

chāyāśāpāt padañcaikaṃ yamasya klinnamuttamam
pūyaśoṇitasampūrṇaṃ kṛmīṇāṃ nilayānvitam

72.6-2

so'pi gokarṇamāśritya phalakenānilāśanaḥ
ārādhayanmahādevaṃ yāvadvarṣāṃyutāyutam

72.11

bhavaprasādāddāgatya lokapālatvamuttamam
pitṛsāmrājyi-----labdhavān devadevasya prabhāvācchūlapāśinaḥ
asahantī purā bhānostejomayamaninditā

72.12

rūpaṃ tvāṣṭrī svadehāttu chāyākhyāṃ sā tvakalpayat
vaḍavārūpamāsthāya tapastepe tu suvratā

72.13

kālāt prayatnato jñātvā chāyāṃ chāyāpatiḥ prabhuḥ
vaḍavāmagamat saṃjñāmāśrvarūpeṇa bhāskaraḥ

72.14

vaḍavā ca tadā tvāṣṭrī saṃjñā tasmāddivākarāt
suṣuve cāśvinau devau devānāntu bhiṣagvarau

Linked texts (7)