Pramāṇa · Search · About · API

Linga 74

Liṅga 74

Language
Sanskrit

Contents

74.1

karuṣaśca pṛṣadhraśca navaite mānavāḥ smṛtāḥ
ilā jyeṣṭhā variṣṭhā ca puṃstvaṃ prāpta yayā purā

74.20

sudyumna iti vikhyātā puṃstvaṃ prāptā tvilā pura
mitrāvaruṇayostatra prasādācca nṛpuṅgavāḥ !

74.21

punaḥ śaravaṇaṃ prāpya strītvaṃ prāpto bhavājñayā
sudyumno mānavaḥ śrīmān somavaṃśapravarddhaye

74.23

ikṣvākoranumodena ilā kimpuruṣo'bhavat
māsamekaṃ pumān vīraḥ strītvaṃ māsambhūt punaḥ
ilā budhasya bhavanaṃ somaputrasya cāśritā

74.24

budhenāntaramāsādya maithunāya pravarttitā
somaputrād budhāccāpi ailo yajñe purūravāḥ

74.25

somavaṃśāgrajo dhīmān bhavabhaktaḥ pratāpavān
ikṣvākorvaṃśavistāra paścādvakṣye tapodhanāḥ !

74.26

putratrayamabhūttasya sudyumnasya dvijottamāḥ !
utkalaśca gayaścaiva vinatāśvastathaiva ca

74.27

utkalasyotkalaṃ rāṣṭraṃ vinatāśvasya paścimam
gayā gayasya cākhyātā purī paramaśobhanā

74.28

surāṇāṃ saṃsthitiryasyāṃ pitṛṇāñca sadā sthitiḥ
ikṣvākujyeṣṭhadāyādā madhyadeśamavāsavan

74.28-2

kanyābhāvācca sudyumno naiva bhāgamavāptavān
vasiṣṭhavacanāccāsīt pratiṣṭhāne mahādyutiḥ

74.30

pratiṣṭhā dharmarājasya sudyumnasya mahātmanaḥ
tat purūravase prādādrājyaṃ prāpya mahāyaśāḥ

74.31

mānaveyo mahābhāgaḥ strīpuṃsolakṣaṇānvitaḥ
ikṣvākorabhavadvīro vikukṣirdharmmavittamaḥ

74.32

jyeṣṭhaḥ putraśatasyāsīddaśapañca ca tatsutāḥ
abhūjjyeṣṭhaḥ kakutsthaśca kakutsthāttu suyodhanaḥ

74.33

tataḥ pṛthurmuniśśreṣṭha ! viṣkakaḥ pārthivastathā
viṣkakasyāīko dhīmān yuvanāśvastu tatsutaḥ

74.34

śrāvastiśca mahātejā vaṃśakṛttu tato'bhavat
nirmitā yena śrāvastī gauḍadeśe dvijottamāḥ !

74.35

vaṃśācca vṛddhadaśvo'bhūt kuvalāśvastu tatsutaḥ
dhundhu māratvamāpanno dhundhuṃ hatvā mahābalam

74.36

dhundhu mārasya tanayāstrayastrailokyaviśrutāḥ
dṛḍhāśvaścaiva caṇḍāśvaḥ kapilāśvaśca te smṛtāḥ

74.37

dṛr̤hāśvasya pramodastu haryyaśvastasya vai sutaḥ
haryyaśvasya nikumbhastu saṃhatāśvastu tatsutaḥ

74.38

kṛśāśvo'tha raṇāśvaśca saṃhatāśvātmajāvubhau
yuvanāśvo raṇāśvasya māndhātā tasya vai sutaḥ

74.36-2

māndhātuḥ puttrakutso'bhūdambarīṣaśca vīryyavān
mucakundaśca puṇyātmā trayastrailokyaviśrutāḥ

74.40

ambarīṣasya dāyādo yuvanāśvo'paraḥ smṛtaḥ
harito yuvanāśvasya haritāstu yataḥ smṛtāḥ

74.41

ete hyaṅgirasaḥ pakṣe kṣatropetā dvijātayaḥ
purukutsasya dāyādastrasadasyurmahāyaśāḥ

74.42

narmadāyāṃ samutpannaḥ sambhūtistasya cātmajaḥ
viṣṇuvṛddhaḥ sutastasya viṣṇuvṛddhā yataḥ smṛtāḥ

74.43

ete hyaṅgirasaḥ pakṣe kṣatropetāḥ samāśritāḥ
sambhūtiraparaṃ putramanaraṇyamajījanat

74.44

rāvaṇena hato yo'sau trailokyavijaye dvijāḥ!
bṛhadaśvo'naraṇyasya haryyaśvastasya cātmajaḥ

74.45

haryyaśvāttu dṛṣadvatyāṃ jajñe vasumanā nṛpaḥ
tasya putro'bhavadrājā tridhanvā bharvabhaktimān

74.47

prasādāttu mahādevasyaivai tasmintaḥ prāpya śiṣṭatām
bhaktauśvaryyamanuprāpto bhavabhaktaḥ pratāpavān
kathañcaivāśvamedhaṃ vai karomīti vicintayan

74.48

dhanahīnaśca dharmātmā dṛṣṭavān brahmaṇaḥ sutam
taṇḍisaṃjñaṃ dvijaṃ tasmāllabdhavān dvijasattamāḥ !

74.46

nāmnāṃ sahasraṃ rudrasya brahmaṇā kathitaṃ purā
tena nāmnāṃ sahasreṇa stutvā taṇḍirmaheśvaram

74.50

labdhavān gāṇapatyañca brahmayonirddvijottamaḥ
tatastasmādṛṣau labdhvāṃ taṇḍinā kathitaṃ purā

74.51

nāmnāṃ sahasraṃ japtvā vai gāṇapatyamavāptavān
ṛṣaya ūcuḥ
nāmnāṃ sahasraṃ rudrasya taṇḍinā brahmayoninā

74.52

kathitaṃ sarvavedārthasañcayaṃ sūta ! suvrata !
nāmnāṃ sahasraṃ viprāṇāṃ vaktumarhasi śobhanam

74.53

sūta uvāca
sarvabhūtātmabhūtasya harasyāmitatejasaḥ
aṣṭottarasahasrantu nāmnāṃ śṛṇuta suvratāḥ !

74.54

yajjaptvā tu muniśreṣṭhā ! gāṇapatyamavāptavān
oṃ sthiraḥ sthāṇuḥ prabhurbhīmaḥ pravaro varado varaḥ

74.55

sarvātmā sarvavikhyātaḥ sarvaḥ sarvakaro bhavaḥ
jaṭī daṇḍī śikhaṇḍī ca sarvagaḥ sarvabhāvanaḥ

74.56

hariśca hariṇākṣaśca sarvabhūtaharaḥ smṛtaḥ
pravṛttiśca nivṛttiśca śāntātmā śāśvato dhruvaḥ

74.57

śmaśānavāsī bhagavān khacaro gocaro'rddanaḥ
abhivādyo mahākarmā tapasvī bhūtabhāvanaḥ

74.58

umasaveśaḥ pracchannaḥ sarvalokaḥ prajāpatiḥ
mahārūpo mahākāyaḥ śavarūpo mahāyaśāḥ

74.56-2

mahātmā sarvabhūtasya virūpī vāmano naraḥ
lokapālo'ntarhitātmā prasādo'bhayado vibhuḥ

74.60

pavitrañca mahāṃścaiva niyato niyatāśrayaḥ
svayambhūḥ sarvakarmā ca ādiśrādikaro nidhiḥ

74.61

sahasrākṣo viśālākṣaḥ somo nakṣatrasādhakaḥ
candraḥ sūryyaḥ śaniḥ keturgrahoṃ grahapatirmataḥ

74.62

rājā rājyodayaḥ karttā mṛgavāṇārpaṇo ghanaḥ
mahātapā dīrghatapā adṛśyo dharmasādhakaḥ

74.63

saṃvatsaraḥ kṛto mantraḥ prāṇāyāmaḥ parantapaḥ
yogī yogo mahāvījo mahāretā mahābalaḥ

74.64

suvarṇaretāḥ sarvajñaḥ subījo vṛṣavāhanaḥ
daśabāhustvanimiṣo nīlakaṇṭha umāpatiḥ

74.65

trikhaṇḍapaḥ svayaṃ śreṣṭho balavīro balāgraṇīḥ
gaṇakarttā gaṇapatirdigvāsāḥ kāmya eva ca

74.66

mantravit paramo mantraḥ sarvabhāvakaro haraḥ
kamaṇḍaludharo dhanvī bāṇahastaḥ kapālavān

74.67

śaro śataghnī khaṅgī ca paṭṭiśī cāyudhau mahān
ajayaḥ mṛgarūpaśca tejastejaskaro vidhiḥ

74.68

uṣṇīṣī ca suvaktraśca udagro vinatastathā
dīrghaśca hariṇeśaśca sutīrthaḥ kṛṣṇa eva ca

74.70

śṛgālarūpaḥ sarvārtho muṇḍaḥ sarvaśubhaṅkaraḥ
ūrdhvaretordhvaliṅgī ca ūrdhvaśāyī nabhastsalaḥ
trijaṭī cīravāsāśca rudraḥ senāpatirvibhuḥ

74.71

ahorātrañca naktañca tigmamanyuḥ suvarcasaḥ
gajahā daityahā kālo lokadhātā guṇākaraḥ

74.72

siṃhaśārdūlarūpāṇāmāī carmāmbaraṃ dharaḥ
kālayogī mahānādaḥ sarvāvāsaścatuṣpathaḥ

74.73

niśācaraḥ pretacārī sarvadarśī maheśvaraḥ
bahubhūto bahudhanaḥ sarvasāro mṛtaṃsvaraḥ

74.74

nṛtyapriyo nityanṛtyo narttanaḥ sarvasādhakaḥ
sakārmuko mahābāhurmahāghoro mahātapāḥ

74.75

mahāśaro mahāpāśo nityo giricaro mataḥ
sahasrahasto vijayo vyavasāyo hyaninditaḥ

74.76

amarṣaṇī marṣaṇātmā yajñahā kāmanāśanaḥ
dakṣahā paricārī ca prahaso madhyamastathā

74.77

tejo'pahārī balavān vidito'bhyudito bahuḥ
gambhīraghoṣo yogātmā yajñahā kāmanāthanaḥ

74.78

gambhīradoṣo gambhīro gambhīrabalavāhanaḥ
nyagrodharūpo nyagrodho viśvakarmā ca viśvabhuk

74.79

tīkṣṇopāyaśca haryyaśvaḥ sahāyaḥ karmakālavit
viṣṇuḥ prasāhito yajñaḥ samudrā vaḍavāmukhaḥ

74.80

hutāśanasahāyaśca praśāntātmā hutāśanaḥ
ugratejā mahātejā jayo vijayakālavit

74.82

jyotiṣāmayanaṃ siddhiḥ sandhivigraha eva ca
vaiṇavī paṇavī kālaḥ kālakaṇṭhaḥ kaṭaṅkaṭaḥ
nakṣatravigraho bhāvo vibhāvaḥ sarvatomukhaḥ

74.83

vimocanastu śaraṇo hiraṇyakavacodbhavaḥ
mekhalākṛtikūpaśca jalācāraḥ sutastathā

74.84

vīṇī ca paṇavī tālo nālī kalikaṭustathā
sarvatūryyaninādī ca sarvavyāpyaparigrahaḥ

74.85

vyālarūpo bilāvāso guhāvāso taraṅgavit
vṛkṣaḥ śrīmālakarmā ca sarvabandhavimocanaḥ

74.86

bandhanastu surendrāṇāṃ yudhi śatruvināśanaḥ
sakhā pravāso durvāpaḥ sarvasādhuniṣevitaḥ

74.87

praskandano vibhāgaśca tulyo yajñavibhāgavit
sarvavāsaḥ sarvacārī durvāsā vāsaso mataḥ

74.88

haimo hemakaśe yajñaḥ sarvadhārī dharottamaḥ
ākāśo nirvirūpaśca vivāsā uragaḥ khagaḥ

74.89

bhikṣuśca bhikṣurūpo ca raudrarūpaḥ surūpavān
vasuretā suvarcasvī vasuvego mahābalaḥ

74.90

manovego niśācāraḥ sarvalokaśubhapradaḥ
sarvāvāso trayovāso upadeśakaśe'dharaḥ

74.91

munirātmā munilokaḥ sabhāgyaśca sahasrabhuk
pakṣī ca pakṣarūpaśca atidīpto niśākaraḥ

74.92

samīro dūmanākāro hyartho hyarthakaro'vathaḥ
vāsudevaśca devaśca vāmadevaśca vāmanaḥ

74.94

siddhiyogapahārī ca siddhaḥ sarvārthasādhakaḥ
mahāsaino viśākhaśca ṣaṣṭibhāgo gavāṃ patiḥ
cakrahastastu viṣṭambhī mūlastambhana eva ca

74.95

ṛturṛtukarastālo madhumadhukarī varaḥ
vānaspatyo vājasano nityamāśramapūjitaḥ

74.96

brahmacārī lokacārī sarvacārī sucāravit
īśāna īśvaraḥ kālo niśācārī hyanekadṛk

74.97

nimittastho nimittañca nandirnandikaro haraḥ
nandīśvaraḥ sunandī ca nandano viṣamardanaḥ

74.98

bhagahārī niyantā ca kālo lokapitāmahaḥ
caturmukho mahāliṅgaḥ cāruliṅgastathaiva ca

74.99

liṅgādhyakṣaḥ surādhyakṣaḥ kālādhyakṣo yugāvahaḥ
bījādhyakṣo bījakarttā adhyātmānugato balaḥ

74.100

itihāsaśca kalpaśca damano jagadīśvaraḥ
dambho dambhakaro dātā vaṃśo vaṃśakaraḥ kaliḥ

74.101

lokakarttā paśupatirmahākarttā hyadhokṣajaḥ
akṣaraṃ paramaṃ brahma ! balavāṃścchukra eva ca

74.102

nityo hyanīśaḥ śuddhātmā śuddho māno gatirhaviḥ
prasādastu balo darpo darpaṇo havyamindrajit

74.103

vedakāraḥ sūtrakāro vidvāṃsa paramardanaḥ
mahāmeghanivāsī ca mahāghoro vaśīkaraḥ

74.104

agnijvalo mahājvālaḥ paridhūmrāhato raviḥ
dhiṣaṇaḥ śaṅkaro nirddhā varṇasvī dhūmralocanaḥ

74.106

nīlastathā'naṅgarūpaśca śobhano niravagrahaḥ
ekastṛpya mahāṅgamca mahāgarbhaḥ pratāpavān
kṛṣṇavarṇaḥ suvarṇaśca indriyaḥ sarvvavarṇakaḥ

74.107

mahāpādo mahāhasto mahākāyo mahāyaśāḥ
mahāmūrddhā mahāmātro mahāmitro nagālayaḥ

74.108

mahāskandho mahākarṇo mahoṣṭhaśca mahāhanuḥ
mahānāso mahākaṇṭho mahāgrīvaḥ śmaśānavān

74.106-2

mahābalo mahātejā hyantarātmā mṛgālayaḥ
lambitoṣṭhaśca niṣṭhaśca mahāmāyaḥ payonidhiḥ

74.110

mahādanto mahādaṃṣṭro mahājihvo mahāmukhaḥ
mahānakho mahāromā mahākeśo mahājaṭaḥ

74.111

asapatraḥ prasādaśca pratyayo gītasādhakaḥ
pravedano hyahenaśca ādikaśca mahāmuniḥ

74.112

vṛṣako vṛṣaketuśca analo vāyuvāhanaḥ
maṇḍalī meruvāsaśca devavāhana eva ca

74.113

atharvaśīrṣaḥ sāmāsya ṛksaṅghojirtekṣaṇaḥ
yajuḥ pādabhujo guhyaḥ prakāśyojāstathaiva ca

74.114

amoghārthaprasādaśca antarbhāvyaḥ sudarśanaḥ
upahāraḥ priyaḥ sarvvaḥ kanakaḥ kāñcanasthitaḥ

74.11

nābhirnandikaro harmyaḥ puṣkaraḥ sthapatiḥ sthitaḥ
sarvvaśāstro dhanasvāyo yajñā yantrā samāhitaḥ

74.116

nago nīlaḥ kaviḥ kālo makaraḥ kālapūjitaḥ
sagavyo gavyakāraśca bhūtabhāvanasārathiḥ

74.118

bhasmaśāyī bhasmagoptā bhasmabhūtatanurguṇaḥ
śuklaḥ strīrūpasampannaḥ śucirbhūtaniṣevitaḥ
āśramasthaḥ kapotastho viśvakarmā patirvirāṭ

74.119

viśālaśākhastāmroṣṭho hyambujālaḥ suniścitaḥ
kapilaḥ kalaśaḥ sthūla āyudhaścaiva romaśaḥ

74.120

gandharvo hyaditistārkṣyī hyavijñeyaḥ suśāradaḥ
paraśvadhāyudho devo hyarthakārī subāndhavaḥ

74.121

tumbavīṇo mahākopa ūrdhvaretā jaleśayaḥ
ugro vaṃśakaro vaṃśo vaṃśavādī hyaninditaḥ

74.122

sarvāṅgarūpī māyāvī suhṛdo hyanilo balaḥ
bandhano bandhakarttā ca subandhanavimocanaḥ

74.123

rākṣasaghno'tha kāmārirmahādaṃṣṭro mahāyudhaḥ
lambito lambitoṣṭhaśca lambahasto varapradaḥ

74.124

bāhusvaninditaḥ sarvaḥ śaṅkaro'thāpyakopanaḥ
amarego mahāghoro viśvadevaḥ surārihā

74.125

ahirbudhnyo niṛtiśca cekitāno halī tathā
ajaikapācca kāpālī śaṅkamāro mahāgiriḥ

74.126

dhanvantarirdhūmaketuḥ sūryyo vaiśravaṇastathā
dhātā viṣṇuraca śakraśca mitrastvaṣṭā dharo dhruvaḥ

74.127

prabhāsaḥ parvato vāyuraryyamā savitā raviḥ
dhṛtiścaiva vidhātā ca māndhātā bhūtabhāvanaḥ

74.128

naurastīrthaśca bhaumaśca sarvakarmā guṇodahaḥ
padmagarbho mahāgarbhaścandravaktro nabho'naghaḥ

74.130

balavāṃścaupaśāntaśca purāṇaḥ puruṣottamaḥ
sarvāśayaḥ sarvacārī prāṇeśaḥ prāṇināṃ patiḥ
devadevaḥ sukhotsiktaḥ sadasat sarvaratnavit

74.131

kailāsastho guhāvāsī himavadgirisaṃśrayaḥ
kulahārī kulākarttā bahuvitto bahuprajaḥ

74.132

prāṇeśo bandhakī vṛkṣo nakulastrādrikastathā
hrasvagrīvo mahājānuralolaśca mahauṣadhiḥ

74.133

siddhāntakārī siddhārthaśchando vyākaraṇodbhavaḥ
siṃhanādaḥ siṃhadaṃṣṭraḥ siṃhāsyaḥ siṃhavāhanaḥ

74.134

prabhāvātmā jagatkālaḥ kālaḥ kampī tarustanuḥ
sāraṅgī bhūtacakrāṅgaḥ ketumālī suvedhakaḥ

74.135

bhūtālayo bhūtapatirahorātro malo'malaḥ
vasubhṛt sarvabhūtātmā niścalaḥ suvidurbudhaḥ

74.136

asuhṛt sarvabhūtānāṃ niścalañcalavit budhaḥ
amoghaḥ saṃyamo hyaṣṭo bhojanaḥ prāṇadhāraṇaḥ

74.137

dhṛtimāndhṛtimāṃstyaktaḥ sukṛtastu yudhāṃ patiḥ
gopālo gopatirgrāmo gocarmavasano haraḥ

74.13

hiraṇyabāhuśca tathā guhāvāsaḥ praveśanaḥ
mahāmanā mahākāmo cittakāmo jitendriyaḥ

74.136-2

gāndhāraśca surāpaśca tāpakarmarato hitaḥ
mahābhūto bhūtahato hyapsarogaṇasevitaḥ

74.140

mahāketurdharā dhātā naikatānarataḥ kharaḥ
avedanoya avidyaḥ sarvagaśca sukhāvahaḥ

74.141

gandhāmayaśca dhātā paridhā paripūjitaḥ
nityo dhātā sahāyaśca devāsarapatiḥ patiḥ
yuktaśca yuktabāhuśca sudevo'pi suparvvaṇaḥ

74.142

āṣāḍhaśca suṣār̤haśca skandhado harino haraḥ
vapurāvarttamāno'nyo vapuḥśreṣṭho mahāvapuḥ

74.144

śirovimarśanaḥ sarvvalacaṇalakṣaṇabhūṣitaḥ
akṣayoratha gotaśca savebhogī mahābalaḥ

74.145

sāmnāyo'tha mahāmnāyastorthyadevo mahāyaśāḥ
nirjīvo jīvano mantro subhago bahukarkaśaḥ

74.146

ratnabhūto'tha ratnāṅgaḥ mahārṇavanipātavita
mūlaṃ viśālo hyamṛtaṃ vyaktāvyaktastaponidhiḥ

74.147

ārohaṇo'dhirohaśca śīladhārī mahātapāḥ
mahākaṇṭho mahāyogī yugo yugakaro hariḥ

74.148

yugarūpo mahārūpo vahano gahano nagaḥ
nyāyo nirvāpaṇo pādaḥ paṇḍito hyacalopamaḥ

74.146-2

bahumālo mahāmālaḥ śipiviṣṭaḥ sulocanaḥ
vistāro lavaṇaḥ kūpaḥ kusumāṅgaḥ phalodayaḥ

74.150

ṛṣabho vṛṣabho bhaṅgo maṇibimbajaṭādharaḥ
indurvisargaḥ sumukhaḥ śūraḥ sarvvāyudhaḥ sahaḥ

74.151

nivedanaḥ sudhājātaḥ svargadvāro mahādhanuḥ
girāvāso visargaśca sarvvalakṣaṇalakṣaṇavit

74.152

gandhamālī ca bhagavānanantaḥ sarvvalakṣaṇaḥ
santāno bahulo bāhuḥ sakalaḥ sarvvapāvanaḥ

74.153

karasthālo kapālī ca ūrddhasaṃhanano yuvā
yantrātantramavikhyāto lokaḥ sarvvāśrayo mṛdaḥ

74.154

muṇḍī virūpo vikṛto daṇḍī kuṇḍī vikurvvaṇaḥ
vāryyakṣaḥ kakubho vajrī dīptatejāḥ sahasrapāt

74.155

sahasramūrddhā devendraḥ sarvvadevamayo guruḥ
sahasrabāhuḥ sarvvāṅgaḥ śaraṇyaḥ sarvvalokakṛt

74.156

pavitraṃ trimadhurmantraḥ kaniṣṭhaḥ kṛṣṇapiṅgalaḥ
brahmadaṇḍavinirmātā śataghnaḥ śatapāśadhṛk

74.157

kalā kāṣṭhā lavo mātrā muhūrtto'haḥ kṣapā kṣaṇaḥ
viśvakṣetraprado bījaṃ liṅgamādyastu nirmukhaḥ

74.158

sadasad vyaktamavyaktaṃ pitā mātā pitāmahaḥ
svargadvāraṃ mokṣadvāraṃ prajādvāraṃ triviṣṭapaḥ

74.156-2

nirvāṇaṃ hṛdayañcaiva brahmalokaḥ parā gatiḥ
devāsuravinirmātā devāsuraparāyaṇaḥ

74.160

devāsuragururdevo devāsuranamaskṛtaḥ
devāsuramahāmātro devāsuragaṇāśrayaḥ

74.161

devāsuragaṇādhyakṣo devāsuragaṇāgraṇīḥ
devādhidevo devarṣirdevāsuravarapradaḥ

74.162

devāsureśvaro viṣṇurdevāsuramaheśvaraḥ
sarvvadevamayo'cintyo devatātmā svayaṃ bhavaḥ

74.163

unnatastrikramo vaidyo varado varajo'mbaraḥ
ijyo hastī tathā vyāghro devasiṃho maharṣabhaḥ

74.164

vibudhāgryaḥ suraḥ śreṣṭhaḥ svargadevastathottamaḥ
saṃyuktaḥ śobhano vaktā āśrānaṃ prabhavo'vyayaḥ

74.165

guruḥ kānto nijaḥ sargaḥ pavitraḥ sarvvavāhanaḥ
śṛṅgī śṛṅgapriyo babhru rājarājo nirāmayaḥ

74.166

abhirāmaḥ suśaraṇo virāmaḥ sarvvasādhanaḥ
lalāṭākṣo viśvadeho hariṇo brahmavarcasaḥ

74.167

sthāvarāṇāṃ patiścaiva niyatendriyavarttanaḥ
siddhārthaḥ sarvvabhūtārtho'cintyaḥ satyaḥ śucivrataḥ

74.168

vratādhipaḥ paraṃ brahma muktānāṃ paramā gatiḥ
vimukto muktakeśaśca śrīmān śrīvarddhano jagat

74.166-2

yathā pradhānaṃ bhagavāniti bhaktyā stuto mayā
bhaktimevaṃ puraskṛtya mayā yajñapatirvibhuḥ

74.170

tato hyanujñāṃ prāpyaivaṃ stuto bhaktimatāṃ gatiḥ
tasmāllabdhvā stavaṃ śambhornṛpastrailokyaviśrutaḥ

74.171

aśvamedhasahasrasya phalaṃ prāpya mahāyaśāḥ
gaṇādhipatyaṃ samprāptastaṇḍinastejasā prabhoḥ

74.172

yaḥ paṭhecchṛṇuyādvāpi śrāvayed brāhmaṇānapi
aśvamedhasahasrasya phalaṃ prāpnoti vai dvijaḥ !

74.173

brahmaghnaśca surāpaśca steyo ca gurutalpagaḥ
śaraṇāgataghātī ca mitraviśvāsaghātakaḥ

74.174

mātṛhā pitṛhā caiva vīrahā bhrūṇahā tathā
saṃvatsaraṃ kramājjaptvā trisandhyaṃ śaṅkarāśrame

74.175

devamiṣṭvā trisandhyañca sarvvapāpaiḥ pramucyate

74.175.p1

iti śrīlaiṅge pūrvvabhāge rudrasahasranāma kathanaṃ nāma pañcaṣaṣṭitamo'dhyāyaḥ || 65

Linked texts (20)