Pramāṇa · Search · About · API

Linga 77: atha bhraṣṭaṣaṣṭitamo'dhyāyaḥ

Liṅga 77

Language
Sanskrit

atha bhraṣṭaṣaṣṭitamo'dhyāyaḥ

77.1

sūta uvāca
yadorvaṃśaṃ pravakṣyāmi jyeṣṭhasyottamatejasaḥ
saṃkṣepeṇānupūrvyācca gadato me nibodhata

77.3

yadoḥ putrā babhūvu rhi pañca devasutopamāḥ
sahasrajit suto jyeṣṭho kroṣṭurnīlojako laghuḥ
sahasrajit sutastadvacchatajinnāma pārthivaḥ
sutāḥ śatajitaḥ khyātāstrayaḥ paramakaurttayaḥ

77.4

haihayaśca hayaścai va rājā veṇuhayaśca yaḥ
haihayasya tu dāyādo dharma ityabhiviśrutaḥ

77.5

tasya putro'bhavad viprā dharmanetra iti śrutaḥ
dharmanetrasya kīrttistu sañjayastasya cātmajaḥ

77.6

sañjayasya tu dāyādo mahiṣmānnāma dhārmikaḥ
āsīnmahiṣmataḥ putro bhadraśreṇyaḥ pratāpavān

77.7

bhadraśreṇyasya dāyādo durddamo nāma pārthivaḥ
durddamasya suto dhīmān dhanako nāma viśrutaḥ

77.8

dhanakasya tu dāyādāścatvāro lokasammatāḥ
kṛtavīryyaḥ kṛtāgniśca kṛtavarmā tathaiva ca

77.9

kṛtaujāśca caturtho'bhūt kārttavīryya stato'rjunaḥ
jajñe bāhusahasreṇa saptadbīpeśvarottamaḥ

77.11

tasya rāmastadā tvāsīn matsyanārāyaṇodbhavaḥ
ṛtāstā balinaḥ śūrā dharmātmāno manasvinaḥ
śūraśca śūrasenaśca dhṛṣṭaḥ kṛṣṇastathaiva ca

77.12

jayadhvajaśca rājāsīdāvantīnāṃ viśāmpatiḥ
jayadhvajasya putro'bhūttālajaṅgho mahābalaḥ

77.13

śataṃ putrāstu tasyeha tālajaṅghāḥ prakīrttitāḥ
teṣāṃ jyeṣṭho mahāvīryyo vītihotro'bhavannṛpaḥ

77.14

vṛṣaprabhṛtayaścānye tatsutāḥ puṇyakarmmaṇaḥ
vṛṣo vaṃśakarasteṣāṃ tasya putro'bhavanmadhuḥ

77.15

madhoḥ putraśataṃ cāsīd vṛṣṇistasya tu vaṃśabhāk
vṛṣṇoṣu vṛṣṇayaḥ sarve madhorve mādhavāḥ smṛtāḥ
yādavā yaduvaśena nirucyante tu haihayāḥ

77.16

teṣāṃ pañcagaṇā hyete haihayānāṃ mahātmanām

77.17

vītihotrāśca haryyātā bhojāścāvantayastathā
śūrasenāstu vikhyātāstālajaṅghāstathaiva ca

77.18

śūraśca śūrasenaśca vṛṣaḥ kṛṣṇastathaiva ca
jayadhvajaḥ pañcamastu vikhyātā haihayottamāḥ

77.18-2

śūrasya śūravīraśca śūrasenasya cānaghāḥ
śūrasenā iti khyātā deśāsteṣāṃ mahātmanām

77.20

vītihotrasutaścāpi viśruto nartta ityuta
durjayaḥ kṛṣṇaputrastu babhūvāmitrakarśaṇaḥ

77.21

kroṣṭuśca śṛṇu rājendrervaṃśamuttamapauruṣam
yasyānvaye tu sañjāto viṣṇurviṣṇukulodvahaḥ

77.23

kroṣṭoreko'bhavat putro vṛjinīvān mahāyaśāḥ
atha prasūtimicchan vai kuśaṅkaḥ sumahābalaḥ
mahākratubhiroje'sau vividhairāptadakṣiṇaiḥ

77.24

jajñe śvitarathastasya putraḥ karmabhiranvitaḥ
atha śvetarthirvīro yajvā vipuladakṣiṇaḥ

77.25

śaśavindustu vai rājā anvayād vratamuttamam
cakravartī mahāsatvo mahāvīryyo bahuprajāḥ

77.26

śaśavindostu putrāṇāṃ sahasrāṇāmabhūcchatam
aṃsakti tasya putrāṇāmanantamakanuttamam

77.27

amatlakāt suto yajño yajñasya tanayo dhṛtiḥ
uśanāstasya tanayaḥ samprāpya tu mahīmimām

77.28

ājahārāśvamedhānāṃ śatamuttamadhārmikaḥ
smṛtaścośanasaḥ putraḥ siteṣurnāma pārthivaḥ

77.29

marutastasya tanayo rājarṣirvaṃśavardhanaḥ
vīraḥ kambalavarhistu marutasyātmajaḥ smṛtaḥ

77.30

putrastu rukmakavaco vidvān kambalavarhiṣaḥ
nihatya rukmakavaco vīrān kavacino raṇe

77.31

dhanvino niśitairbāṇairavāpa śriyamuttamām
aśvamedhe tu dharmātmā ṛtvigbhyaḥ pṛthivīṃ dadau

77.32

jajñe tu rukmakavacāt parāhṛt paravīrahā
jajñire pañca putrāstu mahāsatvāḥ parāhṛtaḥ

77.33

rukmeṣuḥ pṛthurukmāya jyāmaghaḥ pari voñjatiḥ
parighaśca hariścaiva videheṣu pitānyavat

77.35

rukmeṣurabhavadrājā pṛthurukmastadāśrayāt
praśāntaḥ sa vanastho'pi brāhmaṇaireva bodhitaḥ
jagāma dhanurodāya deśamanyaṃ dhvajī rathī

77.36

narmadātīramekākī kevalaṃ bhāryyayā yutaḥ
ṛttavantaṃ giriṃ gatvā tyaktamanyai ruvāsa saḥ

77.37

jyāmaghasyābhavadbhāryyā śaivyā śīlavatī satī
sā caiva tapasogreṇa śaivyā vai samprasūyata

77.38

sutaṃ vidarbhaṃ subhagā vayaḥ pariṇatā satī
rājaputrasutāyāntu vidvāṃsau krathakaiśikau

77.38-2

putrau vidarbharājasya śūrau raṇaviśāradau
romapādastṛtīyaśca babhūvastasyātmajaḥ smṛtaḥ

77.40

sudhṛtistanayastasya vidvān paramadhārmikaḥ
kauśikastanayastasmāttasmāccaidyāhvayaḥ smṛtaḥ

77.41

kratho vidarbhasya sutaḥ kuntistasyātmajo'bhavat
kunte rdhṛ tastato jajñe raṇadhṛṣṭaḥ pratāpavān

77.42

raṇadhṛṣṭasya ca suto nirvṛtiḥ paravīrahā
daśārho naivṛto nāmnā mahāriga gasūdanaḥ

77.43

daśārhasya suto vyomo jīmūta iti tatsutaḥ
jīmūtaputro vikṛtistasya bhīmarathaḥ sutaḥ

77.44

atha bhīmarathasyāsīt putro navarathaḥ kila
dānadharmarato nityaṃ satyaśaulaparāyaṇaḥ

77.45

tasya cāsīd dṛḍhasthaḥ śakunistasya cātmajaḥ
tasmāt karambhaḥ sambhūto devarāto'bhavattataḥ

77.47

devarātādbabhūdrājā devarātimahādyaśāḥ
devakṣatrasutaḥ śrīmān madhurnāma mahāyaśāḥ
madhūnāṃ vaṃśakṛdrājā madhostu kuruvaṃśakaḥ

77.48

kuruvaṃśādanujñātāt purutvān puruṣottamaḥ
aṃśurjajñe ca vaidarbhyāṃ bhadravatyāṃ purutvataḥ

77.46

aikṣvākīmavahadvāṃśruḥ satvastasmādajāyata
satvāt sarvaguṇeāpetaḥ sātvataḥ kulavardhanaḥ

77.50

jyāmaghasya mayā proktā sṛṣṭirvai vistareṇa vaḥ
yaḥ paṭhecchṛṇuyādvāpi nisṛṣṭiṃ jyāmaghasya tu

77.51

prajīvatyeti vai svarge rājyaṃ saukhyañca vindati

Linked texts (14)