Pramāṇa · Search · About · API

Linga 78: atha ekonasaptatitamo'dhyāyaḥ

Liṅga 78

Language
Sanskrit

Contents

atha ekonasaptatitamo'dhyāyaḥ

78.1

sūta uvāca
sātvataḥ satyasampannaḥ prajajñe caturaḥ sutān
bhajanaṃ bhrājamānañca divyaṃ devāvṛdhaṃ nṛpam

78.2

andhakañca mahābhāgaṃ vṛṣṇiñca yadunandanam
teṣāṃ nisargāṃścaturaḥ śṛṇudhvaṃ vistareṇa vai

78.3

sṛñjayāṃ bhajanāccaiva bhrājamānādvijajñire
ayutāyuḥ śatāyuśca balavān harṣakṛt sutaḥ

78.5

teṣāṃ devāvṛdho rājā cacāra parasantapaḥ
tasya babhruriti khyātaḥ puṇyaśloko nṛpottamaḥ
anuvaṃśapurāṇajñāḥ gāyantīti pariśrutam

78.6

guṇā devāvṛdhasyātha kīrttyanto mahātmanaḥ
yathaiva śṛṇumo dūrāt sampaśyāmastathāntikāt

78.7

babhruḥ śreṣṭho manuṣyāṇāṃ devairdevāvṛdhaḥ samaḥ
puruṣāḥ pañcaṣaṣṭiśca ṣaṭsahastrāṇi cāṣṭa ca

78.8

ye'mṛtatvamanuprāptā babhrordevāvṛdhādapi
yajvādānamatirvīro brahmaṇyastu dṛḍhavrataḥ

78.6-2

kīrttimāṃśca mahātejāḥ sātvatānāṃ mahārathaḥ
tasyānvavāye sambhūtā bhojā vai daivatīpamāḥ

78.10

gāndhārī caiva mādrī ca vṛṣṇibhāryye babhūvatuḥ
gāndhārī janayāmāsa sumitraṃ mitranandanam

78.11

mādrī lebhe ca taṃ putraṃ tataḥ sā devamīḍhuṣam
anamitraṃ śiniścaiva tāvubhau puruṣottamau

78.12

anamitrasutau nighno nighnasya dvau babhūvatuḥ
prasenaśca mahābhāgaḥ satrājiśca sutāvubhau

78.13

tasya satrājitaḥ sūryyaḥ sakhā prāṇasamo'bhavat
syamantako nāma maṇirdattastasmai vivasvatā

78.14

pṛthivyāṃ sarvaratnānāmasau rājā'bhavanmaṇiḥ
kadācinmṛgayāṃ yātaḥ prasenenaṃ sahaiva saḥ

78.15

vadhaṃ prāpto'sahāyaśca siṃhādeva sudāruṇāt
atha putraḥ śinerjajñe kaniṣṭhād vṛṣṇinandanāt

78.17

satyavāk satyasampannaḥ satyakasya cātmajaḥ
asamau yuyudhānasya kuṇitasya suto'bhavat
kuṇeryugandharaḥ putraḥ śaineyā iti korttitāḥ

78.18

mādrayāḥ sutasya saṃjajñe suto vārṣṇeyu dhājitaḥ
śvaphalka iti vikhyātastrailokyahitakārakaḥ

78.18-2

śvaphalkaścaṃ mahārājo dharmātmā yatra vartate
nāsti vyādhibhayaṃ tatra nāvṛṣṭibhayamapyuta

78.21

śvaphalkaḥ kāśirājasya sutāṃ bhāryāāmavāpa saḥ
gāndinīṃ nāma kāśyo hi dadau tasmai svakanyakām
sā māturudarasthā vai bahvan varṣagaṇān kila
vasantī na ca saṃjajñe garbhasthā tāṃ pitā'bravīt

78.22

jāyasva śīghraṃ bhadrante kimarthañcādhitiṣṭhasi
provāca cainaṃ garbhasthā sā kanyā gāndinī tadā

78.23

varṣatrayaṃ pratidinaṃ gāmekāṃ brāhmaṇāya tu
yadi dadyāstataḥ kukṣernirgamiṣyāmyahaṃ pitaḥ !

78.24

tathetyuvāca tasyā vai pitā kāmamapūrayat
dātā śūraśca yajvā ca śrutavānatithipriyaḥ

78.25

tasyāḥ putraiḥ smṛto'krūraḥ śvaphalkād bhūridakṣiṇaḥ
ratnā kanyāṃ ca śaivasya akrūrastāmavāptavān

78.26

asyāmutpādayāmāsa tanayāṃstānnibodhataṃ
upamanyustathā māṅguryatastuṃ janamejayaḥ

78.27

giriracastathopikṣaḥ śatrughno bo'rimardanaḥ
dharmabhṛd dṛṣṭadharmā caṃ godhanī'tha varastathā

78.26-2

āvāhaścaprativāhau ca sudhārāṃ ca varāṅganāṃ
devavānupadevaśca jajñāte devasampratau
sumitrasya suto jajñe citrakaśca mahāyaśāḥ

78.30

citrakasyābhavan puttrāḥ pṛthuthuḥ pṛthureva ca
aśvagrīvaḥ subāhuśca sudhāmuggaveṣaṇau

78.31

ariṣṭanemiraśvasya dharmo'dharmabhṛdeva ca
subhūmirbahubhūmiśca śraviṣṭhā śravaṇe striyau

78.32

andhakāt kāśyaduhitā lebhe ca caturaḥ sutān
kukuraṃ bhajamānañca śuciṃ kambalavarhiṣam

78.33

kukurasya suto dṛṣṭivraṃṣṇoḥ śūrastato'bhavat
kapotaromātibalastasya putro vilomakaḥ

78.34

tasyāsīt tumburusakho vidvān putro nalaḥ kila
khyāyate sa sunāmnā tu candanānakadundubhiḥ

78.35

tasmādapyabhijit putra utpanno'sya punarvasuḥ
aśvamedhaṃ sa putrārthamājahāra narottamaḥ

78.36

tasya madhye'tirātrasya sadomadhyāta samutthitaḥ
tatastu vidvān sarvvajño dātā yajvā punarvasuḥ

78.37

tasyāpi putramithunaṃ babhūvābhijitaḥ kila
āhukaścāhukī caiva khyāto kīrttimatāṃ varo

78.38

āhukāt kāśyaduhitudvaiau putrau sambabhūvatuḥ
devakacograsenaśca devagarbhasamāvubhau

78.36-2

devakasya sutā rājño jajñire tridaśopamāḥ
devavānupadevaśca sudevo devaracitaḥ

78.41

teṣāṃ svasāraḥ saptāsan subhadrānnāya sā bravī
śrīdevā śāntidevā ca sahadevā tathāparā
devakī cāpi tāsāñca variṣṭhābhūt sumadhyamā

78.42

navoyasenasya sutāsteṣāṃ kaṃsastu pūrvajaḥ
teṣāṃ putrāśca pautrāśca śataśo'tha sahasraśaḥ

78.43

devakasya sutā patnī vasudevasya dhīmataḥ
babhūva vandyā pūjyā ca devairapi pativratā

78.44

rohiṇī ca mahābhāgā patnī cānakadundubheḥ
pauravī bāhlīkasutā sampūjyāsīt surairapi

78.45

asūta rohiṇī rāmaṃ balaśreṣṭhaṃ halāyudham
āśritaṃ kaṃsabhītyā ca svātmānaṃ śāntatejasam

78.46

jāte rāme'tha nihate ṣaḍgarbhe cātidakṣaṣi
vasudevo hariṃ dhīmān devakyāmudapādayat

78.47

sa eva paramātmā'sau devadevo janārddanaḥ
halāyudhaśca bhagavānananto rajataprabhaḥ

78.48

bhṛguśāpacchalenaiva mānayanmānuṣīṃ tanum
babhūva tasyāṃ devakyāṃ vāsudevo janārddanaḥ

78.49

umādehasamudbhūtā yoganidrā ca kauśikī
niyogāddevadevasya yaśodātanayā hyabhūt

78.50

sā caiva prakṛtiḥ sākṣāt sarvadevanamaskṛtā
puruṣo bhagavān kṛṣṇo dharmamokṣaphalapradaḥ

78.51

tāṃ kanyāṃ jagṛhe rakṣan kaṃsāt svasyātmajaṃ tadā
caturbhujaṃ viśālākṣaṃ śrīvatsāṅkagatalakṣaṇam

78.52

śaṅkhacakragadāpadmaṃ dhārayantaṃ janārddanam
yaśodāyai pradattvā tu vasudevaśca buddhimān

78.53

ityevaṃ nandagopasya rakṣatāmiti cābravīt
rakṣakaṃ jagatāṃ viṣṇuṃ svecchayā dhṛtavigraham

78.54

prasādāddevadevasya śivasyāmitatejasaḥ
rāmeṇa sārdhaṃ taṃ dṛṣṭvā varadaṃ parameśvaram

78.55

bhūbhāranigrahārthañca avatīrṇaṃ jagadgurum
ato vai sarvakalyāṇaṃ yādavānāṃ bhaviṣyati

78.56

ayaṃ sa garbho devakyā yo naḥ kleśān hariṣyati
ugrasenātmajāyātha kaṃsāyānakadundubhiḥ

78.57

nivedayāmāsa tadā jātāṃ kanyāṃ sulakṣaṇām
asyāstavāṣṭamo garbho devakyāḥ kaṃsa ! suvrata !

78.58

mṛtyureva na sandeha iti vāṇī purātanī
tatastāṃ hantumārebhe kaṃsaḥ sollaṅghya cāmbaram

78.59

uvācāṣṭabhujā devī meghagambhīrayā girā
rakṣasva tat svakaṃ dehamāyāto mṛtyureva te

78.60

rakṣamāṇasya dehasya māyāvī kaṃsarūpiṇaḥ
kiṃ kṛtaṃ duṣkṛtaṃ mūrkha ! jātaḥ khalu tavāntakṛt

78.61

devakyāḥ sa bhayāt kaṃso jaghānevāṣṭamaṃ tviti
smaranti vihito mṛtyurdevakyāstanayo'ṣṭamaḥ

78.62

yastatpratikṛtau yatno bhojasyāsīd vṛthā hareḥ
prabhāvāttu niśārddhe lākṣayā caiva jaḍīkṛtaḥ

78.63

kaṃso'pi nihatastena kṛṣṇenākliṣṭakarmaṇā
nihatā bahavaścānye devabrāhmaṇaghātinaḥ

78.64

tasya kṛṣṇasya tanayāḥ pradyumnapramukhāstathā
bahavaḥ parisaṃkhyātāḥ sarve yuddhaviśāradāḥ

78.65

kṛṣṇaputrāḥ samākhyātāḥ kṛṣṇena sadṛśāḥ sutāḥ
putreṣveteṣu sarveṣu cārudeṣṇādayo hareḥ

78.66

viśiṣṭā balavantaśca raukmiṇeyārisūdanāḥ
ṣor̤aśastrīsahasrāṇi śatamekaṃ tathādhikam

78.67

kṛṣṇasya tāsu sarvāsu priyā jyeṣṭhā ca rukmiṇī
tayā dvādaśavarṣāṇi kṛṣṇenākliṣṭakarmaṇā

78.68

uṣyatā vāyubhakṣeṇa putrārthaṃ pūjito haraḥ
cārudeṣṇaḥ sucāruśca cāruveṣo yaśodharaḥ

78.69

cāruśravāścāruyaśāḥ pradyumnaḥ sāmba eva ca
ete labdhāstu kṛṣṇena śūlapāṇiprasādataḥ

78.70

tān dṛṣṭvā tanayān vaurān raukmiṇeyāṃśca rukmiṇīm
jāmbavatyabravīt kṛṣṇaṃ bhāryyā kṛṣṇasya dhīmataḥ

78.71

mama tvaṃ puṇḍarīkākṣa ! viśiṣṭaṃ guṇavattaram
sureśasammitaṃ putraṃ prasanno dātumarhasi

78.72

jāmbavatyā vacaḥ śrutvā jagannāthastato hariḥ
tapastaptuṃ samārebhe taponidhiraninditaḥ

78.73

so'tha nārāyaṇaḥ kṛṣṇaḥ śaṅkhacakragadādharaḥ
vyāghrapādasya ca munergatvā caivāśrama smashāttamam

78.74

ṛṣiṃ dṛṣṭvā tvaṅgirasaṃ praṇipatya janārddanaḥ
divyaṃ pāśupataṃ yogaṃ labdhavāṃstasya cājñayā

78.75

praluptaśmaśrukeśaśca ghṛtākto muñjamekhalī
dīkṣito bhagavān kṛṣṇastatāpa ca parantapaḥ

78.76

ūrdhvabāhurnirālambaḥ pādāṅguṣṭheṣṭhavadhiṣṭhitaḥ
phalāmbvanilabhojī ca ṛtutrayamadhokṣajaḥ

78.77

tapasā tasya santuṣṭo dadau rudro bahūn varān
sāmbaṃ jāmbavatīputraṃ kṛṣṇāya ca mahātmane

78.78

tathā jāmbavatī caiva sāmbaṃ bhāryā hareḥ sutam
praharṣamatulaṃ lebhe labdhvādityaṃ yathā ditiḥ

78.79

bāṇasya ca tadā tena cheditaṃ munipuṅgavāḥ !
bhujānāñcaiva sāhasraṃ śāpādrudrasya dhīmataḥ

78.80

atha daityavadhañcakre halāyudhasahāyavān
tathā duṣṭacittīyānāṃ līlayaiva raṇājire

78.81

sa hatvā devasambhūtaṃ narakaṃ daityapuṅgavam
brāhmaṇasyordhvacakrasya varadānānmahātmanaḥ

78.82

khopabhogyāni kanyānāṃ ṣoḍaśātulavikramaḥ
śatādhikāni jagrāha sahasrāṇi mahābalaḥ

78.83

śāpavyājena viprāṇāmupasaṃhṛtavān kulam
saṃhṛtya tatkulañcaiva prabhāse'tiṣṭhadacyutaḥ

78.84

tadā tasyaiva tu gataṃ varṣāṇāmadhikaṃ śatam
kṛṣṇasya dvārakāyāṃ vai jarā kleśāpahāriṇaḥ

78.85

viśvāmitrasya kaṇvasya nāradasya ca dhīmataḥ
śāpaṃ piṇḍārake'rakṣadvaco durvāsasastadā

78.86

tyaktvā ca mānuṣaṃ rūpaṃ jarakāstracchalena tu
anugṛhya ca kṛṣṇo'pi lubdhakaṃ prayayau divam

78.87

aṣṭāvakrasya śāpena bhāryāḥ kṛṣṇasya dhīmataḥ
cauraiścāpahṛtāḥ sarvāstasya māyābalena ca

78.88

balabhadro'pi santyajya nāgo bhūtvā jagāma ca
mahiṣyastasya kṛṣṇasya rukmiṇī pramukhāḥ śubhāḥ

78.86-2

mahāgniṃ viviśuḥ sarvvāḥ kṛṣṇenākliṣṭakarmmaṇā
revatī ca tathā devī balabhadreṇa dhīmatā

78.80-2

praviṣṭā pāvakaṃ viprāḥ ! sā ca bharttṛpathaṃ gatā
pretakāryyaṃ hareḥ kṛtvā pārthaḥ paramavīrryāvān

78.81-2

rāmasya ca tathānyeṣāṃ vṛṣṇīnāmapi suvratāḥ !
kandamūlaphalaistasya balikāryyañcakāra saḥ

78.82-2

dravyābhāvāt svayaṃ pārtho bhrātṛbhiśca divaṃ gataḥ
evaṃ saṃkṣepataḥ proktaḥ kṛṣṇasyākliṣṭakarmaṇaḥ

78.83-2

prabhāvo vilayaścaiva svecchayaiva mahātmanaḥ
ityetat somavaṃśānāṃ nṛpāṇāñcaritaṃ dvijāḥ !

78.84-2

yaḥ paṭhecchṛṇuyādvāpi brāhmaṇān śrāvayedapi
sa yāti vaiṣṇavaṃ lokaṃ nātra kāryyā vicāraṇā

78.84-2.p1

iti śrīlaiṅge somavaṃśānukīrttanaṃ nāmaikonasaptatitamo'dhyāyaḥ || 68

Linked texts (15)