Pramāṇa · Search · About · API

Linga 80

Liṅga 80

Language
Sanskrit

80.1

ekārṇave tadā tasminnaṣṭe sthāvarajaṅgame
tadā bhavati vai brahmā sahasrākṣaḥ sahasrapāt

80.11

sahasraśīrṣā puruṣo rukmavarṇastvatīndriyaḥ
brahmā nārāyaṇākhyastu suṣvāpa salile tadā

80.118

satvodrekāt prabuddhastu śūnyaṃ lokamudaikṣata
imañcodāharantyatra ślokaṃ nārāyaṇaṃ prati

80.118-2

āpo nārāśca sūnava ityapāṃ nāma śuśrumaḥ
āpūrśvatābhirayanaṃ kṛtavānātmano yataḥ

80.120

apsu śete yatastasmāttato nārāyaṇaḥ smṛtaḥ
caturyugasahasrasya naiśaṅkālamupāsataḥ

80.123

śarvvaryyante prakurute brahmatvaṃ sargakāraṇāt
brahmā tu salile tasmin vāyurbhūtvā samācarat
niśrāyāmiva khadyotaḥ prāvṛṭkāle tatastu saḥ
tatastu salile tasmin vijñāyāntargatāṃ mahīm
anumānādasammūḍho bhūmeruddharaṇaṃ punaḥ
akarot sa tanūmanvāṃ kalpādiṣu yathā purā

80.124

tato mahātmā bhagavān divyarūpamacintayat
salilenāplutāṃ bhūmiṃ dṛṣṭvā sa tu samantataḥ

80.125

kintu rūpamahaṅgatvā uddhareyaṃ mahīmimām
jalakrīr̤ānusadṛśaṃ vārāhaṃ rūpamāviśat

80.126

adhṛṣyaṃ sarvabhūtānāṃ vāṅmayaṃ brahmasaṃjñitam
pṛthivyuddharaṇārthāya praviveśa rasātalam

80.127

adbhiḥ sañchāditāṃ bhūmiṃ satāmāśu prajāpatiḥ
upagamyojjahāraināmapaśvāpi samāviśat

80.128

sāmudrā vai samudreṣu nādeyāśca nadīṣu ca
'rasātalatale magnāṃ rasātalapuṭe gatām

80.129

prabhurlokahitārthāya daṃṣṭrābhyāmujjahāra gām
tataḥ svasthānamānīya pṛthivīṃ pṛthivīdharaḥ

80.130

mumoca pūrvavadaso dhārayitvā dharādharaḥ
tasyopari jalaughasya mahatī nauriva sthitā

80.131

tatasmā hyurudehatvānna mahī yāti saṃplavam
tata utkṣipya tāṃ devo jagataḥ sthāpanecchayā

80.132

pṛthivyāḥ pravibhāgāya manaścakre 'mbujekṣaṇaḥ
pṛthivīñca samāṃ kṛtvā pṛthivyāṃ so'cinodgirīn

80.133

prāk sarge dahyamāne tu tadā saṃvarttakāgninā
tenāgninā viśīrṇāste parvatā bhūrivistarāḥ

80.134

śailādekārṇave tasmin vāyunā tena saṃhatāḥ
nikṣiptā yatra yatrāsaṃstatra tatrācalo'bhavat

80.13

tadācalatvādacalāḥ parvvabhiḥ parvvatāḥ smṛtāḥ
girayo hi nigīrṇatvācchayānatvācchiloccayāḥ

80.136

tatasteṣu vikīrṇeṣu koṭiśo hi giriṣvatha
viśvakarmā vibhajate kalpādiṣu punaḥ punaḥ

80.13-2

sasamudrāmimāṃ pṛthvīṃ saptadvīpāṃ saparvvatām
bhūrādyāṃścaturo lokān punaḥ so'tha vyakalpayat

80.13-3

lokān prakalpayitvā'tha prajāsargaṃ sasarja ha
brahmā svayambhūrbhagavān sisṛkṣurvividhāḥ prajāḥ

80.138

sasarja sṛṣṭiṃ tadrūpāṃ kalpādiṣu yathā purā
tasyābhidhāyataḥ sargaṃ tadā vai buddhipūrvvakam

80.140

budhyāśca samakāle vai prādurbhūtastamomayaḥ
tamomoho mahāmohastāmisraścānyasaṃjñitaḥ

Linked texts (5)